WUKUMBUSO 11:8 - Biblia Ilagho Jiboie Kwa Wandu Wose

⁸ “Kwa huwo, mughiwadie malaghiro ghose nimlaghiragha idime, mpate kukaia na ndighi reruwuka Jordani na kujiwada ijo isanga mwendaajiwusa.

WUKUMBUSO 11:8 Referans Kwoze

WAEFESO 6:10

Kutua, kaienyi nandighi andenyi ya Bwana, na kwa ndighi ra kudima kwake.

WAFILIPI 4:13

Nadima kubonya maza rose kwa uo unidimishagha.

WAEFESO 3:16

ngimlomba umneke mundu onyu wa ndenyi ndighi ra Roho wake, karakara na wungi ghwa mali ra wubaa ghwake;

WUKUMBUSO 31:23

BWANA ukammbika Joshua mwana wa Nuni kazinyi na kughamba, “Kukaie ing'oni jimange; angu kuchawingira wana wa Israeli andenyi ya ijo isanga nilaghirie nichawineka; ini nichakaia andwamweri na oho.”

ZABURI 138:3

Ituku nerekuwangieghe, korenitumbulieghe; kukanichuria ndighi ra kiroho.

WAKOLOSAI 1:11

Mfungisho ndighi kwa kudima kose, karakara nandighi rake ra wubaa, eri mpate kurumaghia kose na wumboa mkiboilwa.

DANIELI 10:19

Nao ukanizera, “Ee mundu, Mlungu wakukunde nandighi. Kusakeobua, sere ndeikaie kwako; kukufungishe ndighi, kukaie ing'oni.” Uendaghora nani, ngapata ndighi ngaghamba, “BWANA wapo ghora, angu kwanineka ndighi.”

WUKUMBUSO 28:47

BWANA Mlungu wako orekunekieghe vindo vose kwa wungi, na oho kukalegha kumdumikia kwa ngolo ya kuboilwa;

ISAYA 40:31

ela awo wimmbeseragha BWANA wichapata ndighi mbishi, wichajoka kwa mawawa sa indu, wichakimbia nawo ndewichaasilwa, wichaghenda kuseko na kudumbuka anduangi.

KUFUMA 20:12

“Kuwineke ishima ndeyo na mayo, matuku ghako ghikaie mengi isangenyi, kuchaanekwa ni BWANA Mlungu wako.

WUKUMBUSO 11:7

Inyo mwamerie kuwona na meso ghenyu kazi mbaa ya BWANA oreibonyereghe.

WUKUMBUSO 4:14

Ngelo iyo, BWANA ukanilaghira nimfundishe sharia na malaghiro, eri mpate kughibonya isangenyi ijo mwawuyaghenda kujiwada.