WUKUMBUSO 11:1 - Biblia Ilagho Jiboie Kwa Wandu Wose

¹ “Mumkunde BWANA Mlungu onyu, na kuwadia sharia rake rose.

WUKUMBUSO 11:1 Referans Kwoze

WUKUMBUSO 6:5

na oho kumkunde BWANA Mlungu wako kwa ngolo yako yose, na kwa roho yako yose na kwa ndighi rako rose.

WUKUMBUSO 10:12

“Idana inyo wandu wa Israeli, sikirenyi seji BWANA Mlungu onyu ukunde. Mnekenyi ishima na kumuobua, M'bonye seji ukundagha; mumkunde na kumdumikia kwa ngolo renyu rose;

ZEKARIA 3:7

kukaia, BWANA Uwadie-Ndighi-Rose waghamba, “Kukawadia sharia rapo, na kukatisha kazi kunekelo kuribonye, kuchadua mzighaniri wa Hekalu yapo, na chukumbi raro; nani nichasikira malombi ghako, seji nawuyasikira malombi gha weke malaika awa wawuyakaia kimusi aha imbiri kwapo.

WALAWI 8:35

Mchakaia aho mnyangonyi ghwa Hema ekwania kwa matuku mfungade kio na dime, mkibonya agho ghilaghirilo ni BWANA, eri msechefwa, angu huwo niko nerenekeloghe momu ni BWANA.”

ZABURI 116:1

Namkunde BWANA angu unisikiragha; wasikire malombi ghapo na kuvoya kwapo.

ZABURI 105:45

eri wandu wake widime kuriwada sharia rake, na kusikira malaghiro ghake. BWANA ndekaso!

WUKUMBUSO 6:1

“Idana ughu nigho momu na sharia na malaghiro, agho BWANA Mlungu onyu orenilaghirieghe nimfundishe, eri mpate kughikatisha andenyi ya isanga ijo mghendagha kujiwusa.

WUKUMBUSO 4:40

Kwa huwo kuriwadie sharia rake na malaghiro ghake, agho nikulaghiragha idime, eri kupate kukaia nicha, na kivalwa chako kupate kukaia luma andenyi ya ijo isanga kunekwagha ni BWANA Mlungu wako kwa kala na kala.”

WUKUMBUSO 4:5

“Namfundishire sharia yose na malaghiro, sa iji koni BWANA Mlungu wapo unizerie; mpate kughibonya andenyi ya isanga mungiagha kujiwusa.

WUKUMBUSO 4:1

Musa ukawizera wandu wa Israeli, “Msikire sharia rose nimfundishagha; mpate kukaia moyo, mngie na kujiwada ijo isanga BWANA Mlungu wa weke ndeyo umnekagha.

WALAWI 18:30

Kwa huwo, mmbwadie malaghiro ghapo hata na jingi msakenugha tabia mbiwi ra wandu werekoghe imbiri yenyu; jingi msekulushe kwa iro tabia, Ini ne BWANA Mlungu onyu.”

WALAWI 22:9

“Wakohani wose wichawadia malaghiro ghapo, wisechelushwa na kungia kaung'enyi na kufwa kwa wundu ghwa kuleghasikira kwawo; Ini ne BWANA uo uwieleshagha.

WUKUMBUSO 5:29

Hee, na ngera wadakaia na iyo nia cheni eniobua na kuiwadia memu yapo kari kose, yadakaia nicha kwawo na kwa wana wawo kwa kala na kala.

WUKUMBUSO 11:13

“Na inyo mkasikira malaghiro na kumkunda BWANA Mlungu onyu na kumdumikia kwa ngolo renyu rose, na kwa roho renyu rose, seji nimlaghiragha idime,

WUKUMBUSO 11:22

“Mkalindia kumkunda BWANA Mlungu onyu, kughenda kwa chia rake rose, na kukusaghika nao, seji nimlaghiragha m'bonye,

EZEKIELI 20:19

Ini BWANA ne Mlungu onyu; mghende kwa kunugha memu yapo, na kuriwadia sharia rapo nicha.

WUKUMBUSO 5:1

Nao Musa ukawiwanga wandu wose wa Israeli ukawizera “Sikira ee Israeli iro sharia na mafundisho nimghoriagha idime, mkufundishe sena mlindie kurikatisha.

WUKUMBUSO 13:4

Mumnughe BWANA Mlungu onyu na kumuobua; mmbwadie memu yake na kumsikira; na inyo mumtase na kumaziriana nao.

WUKUMBUSO 27:10

kwa huwo mumsikire na kuwadia sharia rake rose nimnekagha idime.”

WUKUMBUSO 30:6

Sena BWANA Mlungu onyu uchaboisa ngolo renyu na ra wana wenyu, mpate kumkunda BWANA Mlungu onyu kwa ngolo renyu rose, na kwa roho renyu rose, eri mpate kukaia moyo.