WUKUMBUSO 1:7 - Biblia Ilagho Jiboie Kwa Wandu Wose

⁷ Funganyenyi mghende cha isanga ja mighondinyi ja Waamori, na wambao wose wiwimarie, hata vololo ya Jordani isanga ja mighondinyi, na ja wurindinyi, noko cha masanga gha kusinyi hata kireti cha Mediterania. Ghendenyi cha isanga ja Kanaani hata Mighondi ya Lebanoni hata kuvikia ghuja moda m'baa ghwa Eufrate.

WUKUMBUSO 1:7 Referans Kwoze

WUKUMBUSO 11:24

Kula andu mchaawadia na chwau renyu kuchawuya konyu; isanga jenyu jichakaia kufuma icho kireti cha kusinyi, hata Lebanoni, na kufuma ugho moda ghwa Eufrate, hata bahari ya Mediterania.

JOSHUA 10:40

Joshua ukakaba isanga jose na kusima. Ukawisima wazuri wa masanga gha mighondinyi, wurindi ghuko chia ya mashariki, na mighondi mitini chia ya magharibi, chiaimweri na masanga gha kireti chia ya kusinyi. Nderesighieghe mndungi ela ukabwagha kula mundu. Huwo niko koni BWANA Mlungu wa Israeli orelaghirieghe.

AMOSI 2:9

“Elaima sena inyo wandu wapo, nerewitoteshereghe Waamori kwa wundu ghonyu, wandu werekoghe walacha seji ni midi ya sida, wiko na ndighi sa mialoni, ela ngawitotesha kufuma wa ighu hata wa ndonyi.

1 MALAGHO GHA NGELO 18:3

Daudi ukalwa na Mzuri Hadadezeri, wa isanga ja Siria ja Soba, ukamsima kaavui na Hamathi ngelo oreghendagha kuwonyera nguma rake kaavui na Moda ghwa Eufrate.

1 MALAGHO GHA NGELO 5:9

Werekoghe na mfugho nyingi isanga ja Gileadi; wikaera cha mashariki hata kaavui na kireti luwaru lwa iichia lwa Moda ghwa Eufrate.

2 SAMUELI 8:3

Wokoni Daudi ukamsima Hadadezeri mwana wa Rehobu, mzuri wa Soba iji uo Ha-dadezeri oreghendagha kumunganya wuzuri ghwake aho modenyi ghwa Eufrate.

JOSHUA 24:15

Na ikakaia mwalegha kumdumikia, msaghuo idime iji ngera ni milungu iyo eredumikiloghe ni weke ndeyo aho Mesopotamia angu ngera ni milungu ya Waamori awo mwawuyakaia isanga jawo; ela ini na nyumba yapo nichamdumikia BWANA.”

JOSHUA 1:4

Mpaka ghonyu ghuchakaia kufuma kireti cha kusinyi hata Mghondi ghwa Lebanoni cha kaskazinyi; na kufuma ghuja moda m'baa ghwa Eufrate cha mashariki, na isanga jose ja Wahiti, hata noko cha magharibi ya Bahari ya Mediterania.

WUKUMBUSO 11:11

ela ni isanga ja mighondi na vololo jinywagha machi kwa vua ifumagha mlungunyi;

KUFUMA 23:31

Nichawika mano ya isanga jenyu, kufuma Bahari ya Shamu hata Moda ghwa Eufrate; sena kufuma Bahari ya Mediterania hata kireti. Nichamneka ndighi aighu ya waja waisanga, nenyo mchawifunya seji mchaadima.

WUFUNUO 9:14

lukimzera uo malaika wa karandadu orekoghe na tarumbeta, “Wifunguo awo weke malaika bana wifungilo ugho moda m'baa ghwa Eufrate.”

KUZOYA 12:9

Abramu ukachuria kughenda cha Negebu.

WUKUMBUSO 1:19

“Niko dikazoya charo kufuma Mghondi ghwa Sinai, dikaghenda imbiri sa iji koni BWANA Mlungu odu oredilaghirieghe; dikaida chija kireti chose cheobosha morechiwonieghe dikidamba cha isanga ja mighondinyi ja Waamori, dikacha Kadesh-barnea.

MITALO 10:12

na wandu wa Israeli wikazoya charo kwa kunughana kufuma kireti cha Sinai. Ijo iwingu jikaghenda na kukaria kireti cha Parani.

JOSHUA 9:1

Wazuri wose wikaiagha kimonu cha Jordani wiendasikira malagho gha wusimi ghwa Waisraeli, awo wose wikaiagha mighondinyi, na wurindi ghose ghwa pwani ya Bahari ya Mediterania kulangaya cha Lebanoni, awo Wahiti, Waamori, Wakanaani, Waperizi, Wahivi, na Wajebusi,

1 MALAGHO GHA NGELO 27:29

Shitrai, Msharoni orekoghe mzighaniri wa mfugho rerelishwagha milamba ya Sharoni; Shafati mwana wa Adlai, orekoghe mzighaniri wa mfugho ra vololonyi,