WUKUMBUSO 1:11 - Biblia Ilagho Jiboie Kwa Wandu Wose

¹¹ BWANA Mlungu wa weke ndeyo, ndem'bonye mkaie wengi mando elfu kuchumba seji muko, na kumrasimia seji ulaghirie.

WUKUMBUSO 1:11 Referans Kwoze

ZABURI 115:14

BWANA ndekubonye kuchurikie, chiaimweri na kivalwa chako.

KUZOYA 22:17

nichakurasimia nandighi, nani nichachichuria kivalwa chako sa wungi ghwa nyerinyeri ra mlungunyi, na sa msangagha ghuko mbai-mbai ya bahari, na kivalwa chako chichawisima wamaiza wawo.

KUZOYA 26:4

Nichachichuria kivalwa chako sa nyerinyeri ra mlungunyi, nani nichachineka kivalwa chako masanga agha ghose. Na kwa kivalwa chako, mbari rose ra ndoenyi richanilomba irasimio;

MITALO 6:27

“Kwa chia iyo, wichajimanyisha irina japo aghadi ya wandu wa Israeli, nani nichawirasimia.”

2 SAMUELI 24:3

Joabu ukamzera mzuri, “BWANA Mlungu wako ndechurie mtalo ghwa wandu wake mando ighana kuchumba seji wiko; na Mlungu ndekuneke matuku kuwiwone seji wiko. Ela kwaki bwana wapo mzuri wawuyaboilwa ni iji ilagho?”

KUZOYA 49:25

nuo Mlungu wa weke ndeyo uchaakutesia, uo Mlungu Uwadie-Ndighi-Rose uchakurasimia, kwa marasimio ghichaafuma aighu mlungunyi. Sena marasimio gha machi ghimilie, ghifumagha ndoenyi nakosi; na marasimio gha kuva na kulela wori.

MITALO 22:12

Mlungu ukamzera Balaamu, “Kuseghendanye nawo, ndekudimagha kuwiwasira awo wandu njowe, angu ni wandu wirasimilo.”

KUFUMA 32:13

Kumbuka wadumiki wako Abrahamu, Isaaka, na Jakobo; awo korewighemieghe kumoni kukighamba, ‘Nichachichuria kivalwa chako sa nyerinyeri ra mlungunyi, na iji isanga jose nerekulaghirieghe, nichajineka kivalwa chako, nawo wichakaia aho kwa kala.’”

KUZOYA 15:5

BWANA ukamfunya shighadi ukamzera, “Zighana cha mlungunyi kuwone ngera kwadima kuritala nyerinyeri.” Nao ukaghamba, “Huwu niko kivalwa chako chichaakaia.”

1 MALAGHO GHA NGELO 21:3

Ela Joabu ukaghamba, “BWANA ndechurie wandu wake mando ighana kuchumba seji wiko! Wose si wadumiki wako bwana wapo mzuri? Kwaki sena bwana wapo kwakunde iji ilagho? Kwaki kukunde kuwingira Waisraeli ikosenyi?”

WUKUMBUSO 1:8

Iji nijo isanga jose ini BWANA nerewilaghirieghe weke ndeyo Abrahamu, Isaaka, na Jakobo na kivalwa chawo kukaia nichawineka; ghendenyi mujiwade.’”

WUKUMBUSO 1:10

BWANA Mlungu onyu wam'bonyere mkachurikia, na idime mooka sa nyerinyeri ra mlungunyi kwa wungi.

WUKUMBUSO 1:12

Nidima wada kuduka malagho gha mandu yenyu niekeri?

WUKUMBUSO 10:22

Weke ndeyo wa kala wedesea Misri wiko wandu mirongo mfungade, ela idana BWANA Mlungu onyu wam'bonyere mkakaia sa nyerinyeri ra mlungunyi kwa wungi.

WUKUMBUSO 28:62

Na seji morekoghe wengi sa nyerinyeri ra mlungunyi, mchasighwa watinieri; angu kuleghie kumsikira BWANA Mlungu wako.

EZEKIELI 16:7

kuzoghuo sa muwalwa ghwa mbuwenyi.’ Kukazoghua na kuwuya mwai mlacha ughokie; kukawoka kutiva nyodo, na iridia jako kuzoghua, ela kodeeka duu putu.