WUFUNUO 9:4 - Biblia Ilagho Jiboie Kwa Wandu Wose

⁴ Naro rerezereloghe riseribonye nyasi ra ndoenyi ilagho jingi, hata malemba, hata mudi ghungi, ela awo wandu weni wisewadie muhuri ghwa Mlungu chamunyi kwawo.

WUFUNUO 9:4 Referans Kwoze

EZEKIELI 9:4

BWANA ukamzera, “Ghenda mzinyi kose, aghadi ya Jerusalemu, kuwibonye alama chamunyi wandu wiko na wasi na kulilia ughu muzi kwa wundu ghwa wuchafu ghose ghwawuyabonywa andenyi yaro.”

WUFUNUO 14:1

Niko ngazighana, nao hoja Mwana wa Ng'ondi uko kimusi aighu ya Mghondi ghwa Sioni, wikwanye nao waja wandu elfu ighana na mirongo ina na inya, awo wereandikiloghe irina jake na irina ja Ndee chamunyi kwawo.

WUFUNUO 8:7

Uo malaika wa imbiri ukaikaba tarumbeta yake, kukakaia na vua ya magho na modo, viranganyiro na bagha, na ifungu ja kadadu ja ndoenyi jikakorwa, ifungu ja kadadu ja midi jikakorwa, na nyasi mbishi rose rikakorwa.

WUFUNUO 6:6

Ngasikira sa lwaka aghadi ya iro nyamandu riko moyo inya lukighamba, “Pishi imweri ya ngano kwa dinari na pishi idadu ra shairi kwa dinari; ela mavuda na divei kusakevibonya ilagho jingi.”

EZEKIELI 9:6

M'bwaghe putu waghosi, wadawana na wai, wana watini na waka; ela mseadade mndungi uko na alama chamunyi kwake; moozoia ahaeni Hekalunyi.” Niko wikazoya na waghosi aweni werekoghe Hekalunyi.

KUFUMA 12:23

Angu BWANA uchaida ukiwibwagha Wamisri; na iji wawona bagha kizingitinyi cha ighu na vizingitinyi viwi va mnyango, uchaghuida ugho mnyango, nao ndechaamsigha uo mtoteshi ungie andenyi ya nyumba renyu kum'bwagha anduangi.

WAEFESO 4:30

Hata msakemvavira Roho Mweli wa Mlungu, uo morekabiloghe muhuri andenyi kwake, hata ituku ja kukombolwa konyu.

MATHAYO 24:24

Angu wichawuka weke Kristo wa tee na walodi wa tee; wichawonyera weke mwakilimbiti wengi na mashiniko; wipate kuwilaghasha ngera idimika hata awo wasaghulwa.

ZABURI 76:10

Loli wandu wibirie nandighi wichakukasa, na awo wifufunukagha machu ghako wichakukwanyikia.

AYUBU 1:12

BWANA ukamzera Shetani, “Kwadima kubonya ilagho kwa vilambo vose uko navo, ela uo moni kusem'bonye ilagho jingi.” Nao Shetani ukamsigha BWANA.

AYUBU 1:10

Si iji kumlindirie na nyumba yake na vose uko navo? Oho kwarasimie kazi rake, na mali rake rachurikie isangenyi.

AYUBU 2:6

Niko BWANA ukamzera Shetani, “Haya, kwadima kum'bonya ijo jose; ela kumsighie irangi jake jeni.”

WUFUNUO 7:1

Nyuma ya maza iri, nerewonieghe weke malaika bana wiko kimusi a mbembenyi inya ra ndoenyi wikiritangala mbeo inya, ingi isepate kuweta ndoenyi, angu baharinyi, angu aighu ya mudi ghungi.