WUFUNUO 9:2 - Biblia Ilagho Jiboie Kwa Wandu Wose

² Nayo ikarughua icho kina cha abuso, ghukajoka mosi kufuma kwa icho kina, sa mosi ghwa iwiwi ibaa; iruwa na mbeonyi kukatuwirwa kira ni ugho mosi ghorefumieghe kinenyi.

WUFUNUO 9:2 Referans Kwoze

JOELI 2:10

Ndoe yaawuyasughusika imbiri kwawo; mawingunyi kwaawuyazingizika. Iruwa na mori vawuya kira, na nyerinyeri raleka kung'ala-ng'ala.

KUZOYA 19:28

ukazighana cha Sodoma na Gomora na isanga jose jerekoghe vololonyi, nao ola ukawona mosi ghukijoka mlungunyi kufuma ndoenyi sa ghwa iwiwi ibaa.

JOELI 2:2

Ni ituku ja kira na wasi, ituku ja mawingu na kira kibaa. Izungu ja zighe jangia na kufinikira mighondi. Jareda kukamba kwa kira jingi chisewonekie, hata ndechichaawoneka huwu sena anduangi.

MABONYO GHA WADUMI 2:19

Nani nichawiwonyera mashiniko aighu mlungunyi, na alama aisi ndoenyi; kuchakaia na bagha, modo, na mosi ghwa ikungughu.

JOELI 2:30

“Nichawonyera alama na mashiniko gha jija ituku mawingunyi na ndoenyi, bagha na modo na makungughu gha mosi.

ISAYA 14:31

Lilenyi na kukema mchungu mkilola wutesia inyo mizi ya Wafilisti; mngilo ni wowa inyo mmbose, kwa kukaia teri yawoneka cha kaskazinyi sa mosi, teri ya masikari ghichagha ghisena wowa.”

WUFUNUO 14:11

Na mosi ghwa ugho modo ghuwitiriragha, ghwajoka kwa kala na kala. Wandu awo witasagha iyo nyamandu, na iyo fwana yaro, na uo ose uko na alama ya irina jake, ndewina kuhora na dime hata na kio anduangi.”

KUFUMA 19:18

Mghondi ghwa Sinai ghukafinikirwa ni mosi, angu BWANA oreserieghe aighu yake andenyi ya modo; mosi ghwaro ghukajoka nokoighu sa mosi ghwa iwiwi, mghondi ghose ghukasughusika na ndighi.

KUZOYA 15:17

Nao iruwa jiendaneng'ena na kira kungia, chikawoneka chombo chifukiagha mosi, na lumu lwa modo, vikaidiria aghadi ya rija nyama.

WUFUNUO 8:12

Uo malaika wa kana ukaikaba tarumbeta yake, ifungu ja kadadu ja iruwa, na ja mori, na ja nyerinyeri jikakabwa, hata ifungu ja kadadu ja miengere yaro jikawuya kira; na ifungu ja kadadu ja dime hata ja kio ndejeredimieghe kufunya miengere yaro anduangi.

WUFUNUO 9:17

Na huwu niko nereriwonieghe iro farasi andenyi ya mawono ghapo: awo wirijokagha, wererwaeghe ngao ra laghenyi riko na rangi sa ya modo ghwa buluu, na ya mkungo sa modo ghwa kibiriti. Vongo va farasi verekoghe sa va shimba; na memunyi kwawo korefumieghe modo, mosi, na kibiriti.

DANIELI 3:6

Na uo ose useghwagha na kutasa, uchawadwa shwa wori na kukumbwa andenyi ya iwiwi ja modo.”

WUFUNUO 9:1

Niko uo malaika wa kasanu ukaikaba tarumbeta yake, nani ngawona nyerinyeri yapotoka kufuma mlungunyi, nayo erenekeloghe mfunguo ghwa kina cha abuso.

WUFUNUO 9:11

Reko na mzuri aighu yawo, uo malaika wa kina cha abuso; irina jake kwa Kiebrania wawangwa Abaddoni na kwa Kigriki ni Apolioni.

WUFUNUO 16:10

Nao malaika wa kasanu ukawada bakuli yake, na kudia aighu ya kifumbi cha nguma cha iyo nyamandu, na wuzuri ghwake ghukangilwa ni kira. Wandu wikaluma chumi rawo kwa kuwawa kubaa,