WUFUNUO 4:10 - Biblia Ilagho Jiboie Kwa Wandu Wose

¹⁰ awo waghosi mirongo iwi na bana wadaghwa kijimijimi imbiri yake uo uko kidombo kifumbinyi cha nguma, na kumtasa uo uduagha moyo kwa kala na kala. Nawo wakumba virumbu vawo imbiri ya icho kifumbi cha nguma wikibora:

WUFUNUO 4:10 Referans Kwoze

WUFUNUO 5:8

Hata iji wameria kuchiwada icho chuo, iro nyamandu riko moyo inya, na awo waghosi mirongo iwi na bana, wikaghwa imbiri ya uo Mwana wa Ng'ondi; kula umu uko na zeze, na bakuli ra dhahabu richue marumba, nagho ni malombi gha waeli.

WUFUNUO 19:4

Na waja waghosi mirongo iwi na bana, na rija nyamandu riko moyo inya rikaghwa kijimijimi na kumtasa Mlungu, uo uko kidombo aighu ya kifumbi cha nguma wikighamba, “Amen, Mlungu ndekaso.”

WUFUNUO 11:16

Na awo waghosi mirongo iwi na bana, wiseagha kidombo vifumbinyi vawo va nguma imbiri ya Mlungu, wikaghwa kijimijimi na kumtasa Mlungu,

ZABURI 95:6

Choonyi dighoghome dimtase; dimdungie ngokoro BWANA Muumbi odu.

WUFUNUO 4:4

Mbai-mbai ya icho kifumbi cha nguma, verekoghe vifumbi vimu va nguma mirongo iwi na vina, na waghosi mirongo iwi na bana waseria aighu yaro, wirwae nguwo ra chokwa na virumbu va dhahabu vongonyi kwawo.

WUFUNUO 7:11

Na weke malaika wose wikakaia mbai mbai ya icho kifumbi cha nguma, na mbai mbai ya awo waghosi, na iro nyamandu riko moyo inya; nawo wikaghwa kijimijimi imbiri ya icho kifumbi cha nguma, na kumtasa Mlungu

WUFUNUO 5:14

Na iro nyamandu riko moyo inya rikaghamba, “Amen”, na awo waghosi wikaghwa kijimijimi na kutasa.

WUFUNUO 15:4

Nani useobuagha na kujikasa irina jako, ee Bwana? Angu oho kuekeri koko mweli. Wandu wa mbari rose wichacha na kukutasa oho, angu kutanya kwako kwamerie kufunukulwa.”

ZABURI 72:11

Wazuri wose ndewimghoghomie, na mbari rose rimdumikie.

WUFUNUO 4:9

Hata iro nyamandu riko moyo rikameria kumneka wubaa na ishima na chawucha, uo uko kidombo kifumbinyi cha nguma, uo uduagha moyo kwa kala na kala,

1 MALAGHO GHA NGELO 29:20

Niko Daudi ukajizera ikwanyiko jose, “Mkasenyi BWANA Mlungu odu.” Na iwkanyiko jose jikamkasa BWANA Mlungu wa weke ndee, wikaghoghomesha vongo vawo, wikamtasa BWANA na kumneka ishima mzuri.

MATHAYO 2:11

wikaghenda na kungia andu aja mwana orekoghe, wikammbona uko na mae Maria, wikamdungia ngokoro wikamtasa. Wikafungua mali rawo, wikamfunyira manosi gha dhahabu, ubani, na manemane.

2 MALAGHO GHA NGELO 7:3

Wandu wa Israeli wose wiendawona modo ghwasea, na wubaa ghwa BWANA aighu ya Hekalu, wikaghoghoma na mawushu ghawo ghikadunga andonyi sakafunyi; wikatasa na kumfunyira BWANA chawucha wikighamba, “BWANA ni mucha, angu lukundo kwake lukatie lwadua matuku ghose.”

LUKA 24:52

Nawo wikamtasa na kuwuya Jerusalemu, kwa kuboilwa kubaa.

ZABURI 115:1

Disakenekwa wubaa ee BWANA, isi disakenekwa; ela oho kuneko wubaa, kwa wundu ghwa lukundo lwako lukatie, na wuloli ghwako.

AYUBU 1:20

Ayubu ukawuka, ukarashua nguwo yake kwa wasi, ukaara iridia jake ukaghwa andonyi ukatasa.

1 WAKORINTHO 15:10

Ela kwa mvono ghwa Mlungu, nakaia sa iji niko; na ugho mvono ghwake kwapo, ndeghorekoghe ghwa duu anduangi. Wulalo ghwaro, nabonyere kazi mbaa kuchumba wadumi wose; ima sena si ini ungi, ela ni mvono ghwa Mlungu ghuko andwamweri nani.

WUKUMBUSO 32:40

Loli sa iji koni ini niko Mlungu uko moyo, naghorua mkonu ghwapo na kughema,

ZABURI 47:8

Mlungu wadasea kidombo aighu ya kifumbi chake cha nguma cha wueli; wadaribonyera mbari ra wandu nguma.

ISAYA 6:1

Mwaka ghuja Mzuri Uzia orefueghe, neremmbonieghe BWANA uko kidombo aighu ya kifumbi chake cha nguma chiwusirilo ighu, na irwao jake jerechueghe Hekalunyi.

DANIELI 4:34

Nebukadnezari ukaghamba, “Kutua kwa agho matuku, ini Nebukadnezari nerewusireghe meso ghapo cha mlungunyi, nawurilwa ni akili rapo, ngamkasa Uo-Uko-Aighu-Nandighi, ngamkasa na kumneka ishima uo uduagha moyo kwa kala na kala. Uo wadabonya nguma kwa kala na kala, na wuzuri ghwake ghwadakaia vivalwa na vivalwa.

DANIELI 12:7

Nao uo malaika urwae marwao gha kitani, uko nalughu ya machi gha ugho moda ukawusira mikonu yake yose nokoighu cha mlungunyi; ngamsikira ukighema kwa uo uduagha moyo kwa kala na kala kukaia, ichadwa ngelo, na ngelo iwi, na nusu ngelo; na ndighi ra waeli rikameria kuvika kutua kwaro, malagho agho ghose ghichakaia ghakatishwa.

WUFUNUO 4:2

Na shwa wori ngakaia andenyi ya Roho; nao ola ngawona kifumbi cha nguma mlungunyi chaserelwa ni mndumu!

WUFUNUO 10:6

ukaghema kwa Mlungu ukaiagha moyo kwa kala na kala, uo oreumbieghe mlungunyi na vose viko andenyi yaro, ndoenyi na vose viko andenyi yaro, na bahari na vose viko andenyi yaro; kukaia, ndekuwuyakaia kuchelewa kungi sena.

WUFUNUO 15:7

Na imu ya iro nyamandu riko moyo inya, ikawineka awo weke malaika mfungade, bakuli mfungade ra dhahabu richue machu gha kubia kwa Mlungu, uo uduagha moyo kwa kala na kala;