WUFUNUO 3:12 - Biblia Ilagho Jiboie Kwa Wandu Wose

¹² Uo usimagha, nicham'bonya ukaie nguro andenyi ya iyo hekalu ya Mlungu wapo, hata najingi ndechaafuma aho anduangi. Nichajiandika irina ja Mlungu wapo aighu kwake, na irina ja muzi ghwa Mlungu wapo, ugho Jerusalemu mmbishi ghuseagha kufuma mlungunyi kwa Mlungu wapo, na irina japo jeni iwishi nichajiandika wori.

WUFUNUO 3:12 Referans Kwoze

WUFUNUO 22:4

Wichammbona wushu ghwake, na irina jake jichakaia jiandikilo chamunyi kwawo.

WUFUNUO 21:2

Nani nerewonieghe ugho muzi ghuelie, Jerusalemu mbishi, ghukisea kufuma mlungunyi kwa Mlungu; ghuboisiro sa mwai ulowolwagha upambilo kwa wundu ghwa mumi wake.

WUFUNUO 14:1

Niko ngazighana, nao hoja Mwana wa Ng'ondi uko kimusi aighu ya Mghondi ghwa Sioni, wikwanye nao waja wandu elfu ighana na mirongo ina na inya, awo wereandikiloghe irina jake na irina ja Ndee chamunyi kwawo.

WAGALATIA 2:9

nawo iji wawona seji ninekelo ghuja mvono, Jakobo, Kefa na Johane, wandu weretaliloghe kukaia sa nguro, werediwadieghe mkonu ghwa kiwomi ghwa wungara ini na Barnaba, dipate kughenda kwa wandu wa mbari zima, nawo wighende kwa wandu wishamishiro.

JEREMIA 1:18

Ola idime nakubonya oho kukaie sa muzi ghuwadie ngome; sa nguro ya chuma na sa wurigha ghwa shaba. Isanga jose jichakutangala, na wazuri wa Juda, na wabaa wake, na wakohani wake, na wandu wose wa iji isanga.

WUFUNUO 2:17

Uo uko na kudu, ndesikire agho malagho Roho ughighoriagha agho makanisa. Uo usimagha, nichamneka imu ya mana ivisiro, na kumneka igho ja chokwa jiandikilo irina iwishi aighu yaro, ijo mndungi usejiichi, ela uo mundu moni ujiwusagha.’

WAEBRANIA 12:22

Ela inyo mwaghuvikia Mghondi ghwa Sioni, na muzi ghwa Mlungu uko moyo, Jerusalemu ghwa mlungunyi, na weke malaika wisetalikagha wakwanyika kwa kuboilwa;

ZABURI 48:8

Seji disikire, niko koni diwonie andenyi ya muzi ghwa BWANA wa majeshi, ugho muzi ghwa Mlungu odu, BWANA ughumangishire kwa kala na kala.

1 JOHANE 4:4

Wanake watini, inyo mo wa Mlungu, nenyo mwawisimie awo walodi wa tee, angu uo Roho uko andenyi konyu, ni m'baa kuchumba uo roho uko wurumwengunyi.

1 WAZURI 7:21

Huramu oreridungieghe iro nguro ra shaba kaavui na lukumbi lwa Hekalu. Nguro ilangaye cha kusinyi, ukaiwanga Jakini na nguro ya kawi ilangaye cha kaskazinyi, ukaiwanga Boazi.

WUFUNUO 2:7

Uo uko na kudu, ndesikire agho malagho Roho ughighoriagha agho makanisa. Uo usimagha nichamneka kuja matunda gha mudi ghwa irangi, ugho ghuko andenyi ya mbuwa ya Mlungu.’

WAEFESO 3:15

nao ni ndee wa vichuku vose va mlungunyi na ndoenyi;

EZEKIELI 48:35

Kipimo cheghumara muzi ghose chia rose inya ni meta elfu ikenda, na irina ja ugho muzi kufuma ngelo iyo, ni BWANA-Oko-Aha.”

ISAYA 65:15

Wasaghulwa wapo wichatumia irina jenyu kwa kuwasira njowe, na ini BWANA Mlungu nicham'bwagha inyo; ela wadumiki wapo nichawineka irina izima.

WUFUNUO 17:14

Nawo wichalwa na uo Mwana wa Ng'ondi chiaimweri na awo wikwanye, werewangiloghe wikasaghulwa, nawo ni waloli; na uo Mwana wa Ng'ondi uchawisima, angu uo ni Bwana wa weke bwana na Mzuri wa wazuri.”

ZABURI 87:3

Malagho mecha ghaghorwa aighu yako, ee muzi ghwa Mlungu.

ZABURI 46:4

Ghoko moda dumeda dwaro duredagha kuboilwa mzinyi kwa Mlungu, andu kuelie kokaia kwa Uo-Uko-Aighu-Nandighi.

ISAYA 62:2

Mbari ra wandu richawona hachi yako, na wazuri wichaghuwona wubaa ghwako; na oho kuchawangwa irina iwishi, jichaaghorwa ni BWANA moni.

EZEKIELI 40:49

Wulacha ghwa lukumbi ghorekoghe meta ikumi, na wushapa ghwaro meta irandadu. Korekoghe na viluwatiro ikumi vejoka nokoighu, na nguro kula luwaru mbai na mbai ya kula kizingiti.

WAEBRANIA 13:14

Angu aha ndediwadie muzi ghungi ghuduagha anduangi, ela daawuyaghulola ugho ghuchagha.

WUFUNUO 2:11

Uo uko na kudu, ndesikire agho malagho Roho ughighoriagha agho makanisa. Uo usimagha, ndechaabonywa ilagho jingi ni icho kifwa cha kawi anduangi.’”

WUFUNUO 3:5

Uo usimagha, ucharushwa nguwo ra chokwa woruwo, nani sichaajivuta irina jake andenyi ya icho chuo cha irangi anduangi; ela nichajirumiria imbiri ya Aba na imbiri ya weke malaika wake.

MARKO 12:16

Nao wikamredia. Nao moni ukawikotia, “Welee, fwana ihi na iandiko iji ni vani?” Wikamtumbulia, “Ni va Kaisari.”