WUFUNUO 21:2 - Biblia Ilagho Jiboie Kwa Wandu Wose

² Nani nerewonieghe ugho muzi ghuelie, Jerusalemu mbishi, ghukisea kufuma mlungunyi kwa Mlungu; ghuboisiro sa mwai ulowolwagha upambilo kwa wundu ghwa mumi wake.

WUFUNUO 21:2 Referans Kwoze

WAEBRANIA 11:10

Angu Abrahamu orekoghe ukighuwesera muzi ghuko na misingi, ghuaghilo na kubonywa ni Mlungu.

WUFUNUO 3:12

Uo usimagha, nicham'bonya ukaie nguro andenyi ya iyo hekalu ya Mlungu wapo, hata najingi ndechaafuma aho anduangi. Nichajiandika irina ja Mlungu wapo aighu kwake, na irina ja muzi ghwa Mlungu wapo, ugho Jerusalemu mmbishi ghuseagha kufuma mlungunyi kwa Mlungu wapo, na irina japo jeni iwishi nichajiandika wori.

WUFUNUO 21:10

Ukanidwa noko cha mghondinyi m'baa niko andenyi ya Roho, ukaniwonyera ugho muzi ghuelie ghwa Jerusalemu, ghukisea kufuma mlungunyi kwa Mlungu,

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

WAEBRANIA 13:14

Angu aha ndediwadie muzi ghungi ghuduagha anduangi, ela daawuyaghulola ugho ghuchagha.

WAEBRANIA 12:22

Ela inyo mwaghuvikia Mghondi ghwa Sioni, na muzi ghwa Mlungu uko moyo, Jerusalemu ghwa mlungunyi, na weke malaika wisetalikagha wakwanyika kwa kuboilwa;

WUFUNUO 22:19

Na mndungi ukainja ilagho jingi ja wulodi ghwa chuo ichi, Mlungu uchainja iwaghio jake ja ugho mudi ghwa irangi, na jekaia andenyi ya ugho muzi ghuelie; seji ghighorelo andenyi ya chuo ichi.

2 WAKORINTHO 11:2

Neko na iriso ja Kimlungu kwa wundu ghonyu, angu inyo mooka sa mwai uelie nimkumbie wulanga, nipate kumreda kwa mumi wake umweri, uo Kristo.

ISAYA 54:5

Kwa kukaia Muumbi wako nuo sa mumi wako, irina jake ni BWANA wa majeshi; na Mkomboli wako ni Mlungu Mweli wa Israeli, wadawangwa Mlungu wa wurumwengu ghose.

ISAYA 52:1

Wuka! Wuka kukurushe ndighi rako ee Jerusalemu; rwaa nguwo rako righokie ee Jerusalemu muzi ghwa wueli. Mndungi useshamishiro angu useelie jingi ndechaangia kwako sena anduangi.

ISAYA 62:4

Ndekuchaawangwa sena “Usighilo,” na isanga jako kuwangwa “Ukimbirilo.” Ela kuchawangwa “Mlungu waboilwanya nao.” Na isanga jako jichawangwa “Ulowolo.” Kwa kukaia Mlungu waboilwa ni oho, na isanga jako uchajiwusa sa mumi waro.

ZABURI 87:3

Malagho mecha ghaghorwa aighu yako, ee muzi ghwa Mlungu.

WUFUNUO 11:2

Ela kuseipime iyo waza iko shighadi ya hekalu, kuseipime; angu yamerie kunekwa iro mbari, nawo wichaghuwadia-wadia ugho muzi ghwa wueli kwa meri mirongo ina na iwi.

WUFUNUO 1:9

Ini Johane mwanyinyu, mngara onyu andenyi ya Jesu, kwa agho matiriro, na ugho Wuzuri, na uko kurumaghia luma; nerekoghe andenyi ya kisiwa chiwangwagha Patimo, kwa wundu ghwa ijo ilagho ja Mlungu, na ugho wushuhuda ghwa Jesu.

WUFUNUO 1:4

Ini Johane, naghiandikia makanisa mfungade ghiko isanga ja Asia. Mvono ndeghukaie konyu, na sere ifumagha kwa Mlungu uo uko, nao orekoghe, na nuo uchagha; na kufuma kwa iro roho mfungade riko imbiri ya kifumbi chake cha nguma,

WUFUNUO 1:1

Wufunuo ghwa Jesu Kristo, ugho Mlungu oremnekieghe uwiwonyere wadumiki wake iro maza riko suti rikaie kafwani. Na Kristo ukamduma malaika wake urimanyishe kwa mdumiki wake Johane;

JOHANE 3:29

Uo uko na muka nuo bwana arusi, ela mghenyi wa bwana arusi, uo ukaiagha kimusi na kumsikira, wadaboilwa kumsikira bwana arusi ukideda. Idana kuboilwa kwapo kwakatishwa.

JEREMIA 31:23

BWANA wa majeshi, uo Mlungu wa Israeli waghamba huwu, “Ngelo nichaawiwunja wandu isangenyi kwawo, wichatumia agha malagho sena andenyi ya isanga ja Juda na andenyi ya mizi yawo, ‘BWANA ndeghurasimie ugho mghondi ghwa wueli ghwa Jerusalemu, aho andu kwa wueli ukaiagha.’

ISAYA 1:21

Yakaie wada muzi ghorekoghe mloli, kuwuya sa ilaya; ugho ghorechuloghe ni loli! Hachi erekoghe andenyi kwake, ela idana ghwachulwa ni wabwaghi.

WAEBRANIA 11:16

Ela seji iko, weekunda isanga jiboie kuchumba, najo ni ja mlungunyi. Kwa huwo, Mlungu ndewonagha waya ghungi iji wakammbanga Mlungu wawo, angu wawiboisire muzi.

WUFUNUO 21:9

Nao umu wa awo weke malaika mfungade, werekoghe na iro bakuli mfungade richue agho makabo mfungade gha kutua, ukacha ukanizera, “Choo nikuwonyere uo mwai ulowolwagha, uo muka wa Mwana wa Ng'ondi.”

WUFUNUO 22:17

Uo Roho, na uo mwai ulowolwagha waghamba, “Choo.” Na uo mundu usikiragha ndeghambe, “Choo.” U mundu uomagha ndeche; uo ukundagha, ndeghiwuse machi gha irangi duu.