WUFUNUO 21:1 - Biblia Ilagho Jiboie Kwa Wandu Wose

¹ Niko ngawona mlungunyi kuwishi na ndoenyi kuwishi; angu uko mlungunyi kwa imbiri na ndoenyi kwa imbiri korekoghe kwameria kuida, na bahari ndeerekoghe sena anduangi.

WUFUNUO 21:1 Referans Kwoze

2 PETRO 3:13

Ela kunughana na ilaghiro jake, isi daawuyaweseria mlungunyi kuwishi, na ndoenyi kuwishi, andu hachi ikaiagha.

ISAYA 66:22

“Angu sa iji koni mlungunyi kuwishi na ndoenyi kuwishi nerekubonyereghe kuchaadua imbiri kwapo, ni huwo koni na kivalwa chako na irina jako jichaadua imbiri kwapo.

WUFUNUO 21:5

Na uo oreserieghe kidombo aighu ya kifumbi cha nguma ukaghamba, “Ola niaribonya maza rose rikaie mbishi.” Wokoni ukaghora, “Kughiandike agha, angu ni malagho ghiko na wuloli, ghidimagha kurumirilwa.”

2 PETRO 3:10

Ela Ituku ja Bwana jichacha sa kitoi; ituku ijo, mlungunyi kuchaida kwa lwaka lubaa, na vilambo viko andenyi yaro vichasagha kwa modo, na ndoenyi kuchahia chiaimweri na vilambo vose viko andenyi yaro.

WUFUNUO 20:11

Niko ngawona kifumbi cha nguma kibaa cha chokwa, na uo orechiserieghe. Nao ndoenyi na mlungunyi kukamkimbia, na andu kwaro ndekorewonekieghe anduangi.

ISAYA 27:1

Ngelo iyo, BWANA uchamkaba Leviathani, iyo choka ikimbiagha, kwa lufu lwake lukurie, lubaa, sena luwadie ndighi; uchamkaba Leviathani, iyo choka ighalaaghala, na kuibwagha iyo choka mbaa ikaiagha baharinyi.

DANIELI 7:3

Na nyamandu mbaa inya rikajoka kufuma baharinyi risefwanane.

WUFUNUO 13:1

Nao ngawona nyamandu ikijoka kufuma baharinyi, iko na mbembe ikumi na vongo mfungade; iro mbembe rake rerekoghe na virumbu ikumi, na irina ja masholio aighu ya vongo vake.

ISAYA 57:20

Ela wandu wawiwi wichakaia sa mivo-mivo ya bahari isehoragha, machi gharo ghachue mazozo na wuchafu.

ISAYA 51:11

Niko aho wandu wa BWANA wikombolo wichawuya, wichacha Jerusalemu wikibora, nawo wichakaia na maboilo gha kala na kala; wichakaia na iseko na kuboilwa, wasi na kulila ndeghuchaakaia kwawo anduangi.

WAROMA 8:21

kukaia, ivo vilambo veni vichafunywa andenyi ya wuzumba ghwa kuwoa, vipate wuhuru ghwa wubaa ghwa wana wa Mlungu.

WUFUNUO 6:14

Mawingunyi koreinjikieghe seji karatasi rikuchwagha, na kula mghondi na kisiwa vereinjikieghe andu kwaro.