WUFUNUO 15:3 - Biblia Ilagho Jiboie Kwa Wandu Wose

³ Nawo wabora lumbo lwa Musa mdumiki wa Mlungu, na lumbo lwa Mwana wa Ng'ondi wikighamba, “Kazi rako ni mbaa na ra mashiniko, ee Bwana Mlungu Uwadie Ndighi Rose! Chia rako ni ra hachi na loli, ee Mzuri wa mbari rose.

WUFUNUO 15:3 Referans Kwoze

ZABURI 111:2

Kazi ra BWANA ni mbaa. Wandu wose wiboilwagha naro, wadakufundisha andenyi yaro.

ZABURI 139:14

Nakukasa, angu kwaniumbie kwa chia eobosha na mashiniko; Ilagho iji najimanya ngolonyi kwapo to.

ZABURI 145:17

BWANA ni mhachi kwa ghose ubonyagha, nao ni wa wughoma kwa mabonyo ghake ghose.

WAEBRANIA 3:5

Na Musa orekoghe mloli andenyi ya nyumba yose ya Mlungu sa mdumiki, upate kushuhudia maza rechaadedwa konyuma ni Mlungu.

ISAYA 33:22

Angu BWANA nuo mtanyi odu, BWANA nuo udibonyeragha nguma; BWANA nuo mzuri odu, nao uchadikira.

HOSEA 14:9

Awo wiko na hikima ndewitambukilo ni agho ghiandikilo na aha, wighingire ngolonyi. Chia ra BWANA ni ra loli, na wandu wa hachi wichadua kwa kurinugha iro; wakaung'a wichakuwa na kughwa kwa kulegharinugha.

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

JOHANE 1:17

Angu Mlungu orefunyireghe Sharia kwa chia ya Musa, ela mvono na loli verechieghe kwa chia ya Jesu Kristo.

ZABURI 100:5

BWANA ni mucha; lukundo lwake lwadua kwa kala, na wuloli ghwake ghwadua vivalwa vose.

KUZOYA 17:1

Nao iji Abramu wavika miaka mirongo ikenda na ikenda, BWANA ukamfutukia ukamzera, “Ini ne Mlungu-Uwadie-Ndighi-Rose; ninughe kukaia kukatie.

WUFUNUO 19:2

angu kutanya kwake ni kwa loli na hachi; nao wamerie kujitanya ijo ilaya ibaa jerenonieghe ndoenyi kwa wulaki ghwake, ukalipa ngenga kwa wundu ghwa iyo bagha ya wadumiki wake.”

WUFUNUO 14:3

nawo werekoghe wikibora lumbo luwishi imbiri ya icho kifumbi cha nguma, na imbiri ya iro nyamandu riko moyo inya, na imbiri ya awo waghosi. Ndekuwadie mndungi oredimieghe kukufundisha ulo lumbo, ela awo wandu elfu ighana na mirongo ina na inya awo werekombologhe kufuma ndoenyi;

WUKUMBUSO 31:30

Niko Musa ukaghora malagho gha ulu lumbo hata ghikasia, ikwanyiko jose ja wandu wa Israeli jikisikiria:

WUFUNUO 17:14

Nawo wichalwa na uo Mwana wa Ng'ondi chiaimweri na awo wikwanye, werewangiloghe wikasaghulwa, nawo ni waloli; na uo Mwana wa Ng'ondi uchawisima, angu uo ni Bwana wa weke bwana na Mzuri wa wazuri.”

WUFUNUO 11:17

wikighamba, “Dakufunyira chawucha, Bwana Mlungu, Kuwadie ndighi rose, oho kuko, nao korekoghe; kwa kukaia kwariwusa iro ndighi rako mbaa, kukazoya kubonya nguma.

WUFUNUO 4:8

Iro nyamandu riko moyo inya, riko na mawawa arandadu kula imu, rachue meso chia rose, hata na nandenyi; naro radabora kari kose kio na dime rikighamba, “Mweli, Mweli, Mweli, ni uo Bwana Mlungu Uwadie-Ndighi-Rose; uo orekoghe, uo uko, nao nuo uchagha.”

DANIELI 6:20

Hata iji orevikieghe kaavui andu Danieli orekumbiloghe, ukakema kwa lwaka lwa wasi, ukamzera Danieli, “Ee Danieli, mdumiki wa Mlungu uko moyo, welee, Mlungu wako kumdumikiagha tulituli wadimie kukukira kusejigho ni shimba?”

ISAYA 45:21

Choonyi mghore mashitakio ghenyu worinyi, wipate kughibonyera njama chiaimweri. Nani oreghighorieghe agha konkala uko, nani oreghifunukueghe kokala, Welee, si ini moni BWANA? Hata ndekuwadie mlungu ungi mzima kuchumba ini, Mlungu wa hachi na Mkiri, ndekuwadie ungi kunichumba Ini putu.

ZABURI 145:6

Wandu wichaeresha malagho gha mabonyo ghako gha ndighi gheobosha; nani nichaeresha malagho gha wubaa ghwako.

ZABURI 99:4

Mzuri wa kudima, oho kwadaikunda hachi; kwaimangishire loli andenyi ya Jakobo, kwaredie hachi na loli.

WUFUNUO 19:16

Oko na irina jiandikilo ijohonyi kwake na barenyi kwake, MZURI WA WAZURI, na BWANA WA WEKE BWANA.

ZEFANIA 3:5

Ela BWANA ni mhachi andenyi ya ugho muzi, ndebonyagha makosa; wadawonyera hachi yake kwa wandu wake nakesho hata nakenyi. Ela wandu wiseko na hachi wadachuria kubonya makosa hata ndewifwagha waya anduangi.

MIKA 7:20

Kuchawonyera wuloli na lukundo lwako lukatie kwa wandu wako, icho kivalwa cha Abrahamu na Jakobo sa iji korelaghirieghe kwa weke aba kufuma kala.

ZABURI 105:5

Kumbukenyi kazi ubonyere ra mashiniko; weke mwakilimbiti wake, na matanyo ghake,

ZABURI 78:12

Mlungu orebonyereghe weke mwakilimbiti wurindinyi ghwa Sioni; andenyi ya isanga ja Misri weke ndee wikiwona.

AYUBU 5:9

Uo wadabonya maza ra mashiniko, na weke mwakilimbiti wisena mtalo.

2 MALAGHO GHA NGELO 24:6

Niko mzuri ukammbanga Jehoiada, m'baa wawo ukamzera, “Kwaki kusewidumie Walawi wiendewada wushuru kwa wandu wa Juda na Jerusalemu sa iji koni Musa uo mdumiki wa Mlungu oreghuwikieghe aighu ya Israeli kwa wundu ghwa Hema ya Ilaghano?”

1 MALAGHO GHA NGELO 6:49

Haruni na wana wake werekoghe wikifunya vizongona aighu ya madhabahu gha vizongona vekora na aighu ya madhabahu ghefukira marumba kwa wundu ghwa wudumiki ghose gwa Andu kwa Wueli Kuchumbie. Wikabonya wupatanisho kwa wundu ghwa Israeli karakara na malagho ghose gherelaghiriloghe ni Musa mdumiki wa Mlungu.

WUFUNUO 14:8

Na malaika umu wa kawi ukanugha ukighamba, “Ghwaghue, ghwaghue ugho muzi m'baa ghwa Babuloni! Ugho ghorewibonyereghe wandu wa mbari rose kunywa divei ya bea ra wulaki ghwake.”

DANIELI 9:11

Wandu wose wa Israeli wamerie kuchikanya sharia rako, wikaghaluka na kulegha kukusikira. Kwa huwo njowe na maghemi ghose ghiandikilo andenyi ya Sharia ya Musa mdumiki wako, ghamerie kudichea; kwa kukaia dakubonyere kaung'a.

NEHEMIA 9:14

Kukawifundisha kuitala Sabato yako kukaia ya wueli, kukawineka sharia rako kwa mkonu ghwa Musa mdumiki wako.

WUKUMBUSO 34:5

Kwa huwo Musa mdumiki wa BWANA ukafwa isanga ja Moabu kunughana na ilagho ja BWANA;

WUKUMBUSO 32:3

Nichajikasa irina ja BWANA, na wandu wake wichaeresha wubaa ghwake.

JOSHUA 22:5

Mlindie kuiwadia memu na sharia iro Musa mdumiki wa BWANA oremlaghirieghe; kumkunda BWANA Mlungu onyu, na kubonya lukundo lwake kwa kula chia; kuiwadia memu yake, kuwadana nao na kumdumikia kwa ngolo renyu rose, na kwa roho renyu rose.”

AYUBU 36:24

“Kumbuka kurikuma kazi ra Mlungu, seji wandu wamu wimkasire chumbonyi rawo.

ZABURI 18:30

Uhu Mlungu, chia yake ni ya loli putu, malaghiro ghake gheko na wuloli; uo wadawilindia wose wikusaghikagha kwake.

ZABURI 92:5

Ni mbaa saki iro kazi rako ee BWANA! Maghesho ghako gheko ndenyi nandighi!

ZABURI 111:7

Uo ni mloli na mhachi kwa agho ghose ubonyagha; memu yake yose ni erumirilwa.

1 TIMOTHEO 1:17

Idana kwa uo Mzuri wa ngelo rose, useidagha, usewonekagha, Mlungu uekeri, ndejikaie ishima na wubaa kwa kala na kala. Amen.

WUFUNUO 1:8

“Ini ne Alfa na Omega” waghamba Bwana Mlungu uo uko, nao orekoghe, na nuo uchagha; Uo Uwadie Ndighi Rose.