WUFUNUO 10:1 - Biblia Ilagho Jiboie Kwa Wandu Wose

¹ Niko nerewonieghe malaika mzima uwadie ndighi ukisea kufuma mlungunyi, urwae iwingu, na lusenge lwa vua chongonyi kwake; wushu ghwake ghorekoghe sa iruwa, na maghu ghake gherekoghe sa nguro ra modo.

WUFUNUO 10:1 Referans Kwoze

MATHAYO 17:2

Nawo wikimzighana, ukaghaluka fwana yake; wushu ghwake ghukang'ala-ng'ala sa iruwa, na marwao ghake ghikawuya gha chokwa sa mwengere.

EZEKIELI 1:28

Sa lusenge lwa vua luko mawingunyi ngelo ya vua kunya, niko uko kung'ala-ng'ala kwaro korekoghe kwammara chia rose. Kuwoneka uko kodefwanana na wubaa ghwa BWANA. Nani iji nerehuwonieghe ugho wubaa, nereghueghe andonyi kiwushu-wushu, ngasikira lwaka lwa mndumu udedagha.

WUFUNUO 5:2

Ngawona malaika uwadie ndighi, ukichila na lwaka lubaa ukighamba, “Nani ufwanagha kufungua mihuri ya icho chuo na kuchikuchua?”

DANIELI 10:6

Mumbi ghwake ghorekoghe ghuking'ala-ng'ala sa lulu, na wushu ghwake ghorekoghe ghukiaka sa luhehia. Meso ghake gherekoghe sa lumu lwa modo; mikonu na maghu ghake gherekoghe sa shaba izughulo nandighi, na lwaka lwake lorekoghe sa lwaka lwa izungu ja wandu.

WUFUNUO 4:3

Na uo orechiserieghe, orewonekieghe sa magho gha zoghori mbaa ghiwangwagha jasperi na karneliani, na mbai-mbai ya icho kifumbi, korekoghe na lusenge lwa vua luwonekagha sa igho ja zumaridi.

WUFUNUO 8:13

Niko ngazighana, nani ngasikira indu ikikema na lwaka lubaa ngelo erekoghe ikiburuka koighu mbeonyi, “Ni bugha! Ni bugha! Ni bugha kwa awo wandu wikaiagha ndoenyi, ingelo weke malaika wamu wadadu wakakaba tarumbeta rawo!”

ZABURI 104:3

Kukaagha muzi mawingunyi naighu amachinyi. Kwadatumia marundu sa igare jako, na kughenda aighu ya mawawa gha mbeo.

ZABURI 97:2

Mawingu na kira kibaa vammara chia rose, wabonya nguma kwa hachi na loli.

WUFUNUO 1:7

Olenyi uacha mawingunyi, na kula iriso jichammbona, na kula mundu oremdungieghe, na wandu wa mbari rose ra ndoenyi, wichakema mchungu kwa wundu ghwake. Niko koni. Amen.

MABONYO GHA WADUMI 26:13

nao dime ghadi ee Mzuri, nerewonieghe chienyi mwengere kufuma mlungunyi, ghuelie kuchumba iruwa, ghukang'ala-ng'ala chia rose kwapo, na wose deredambanyeghe.

LUKA 21:27

Niko aho wichaammbona Mwana wa Mdamu ukicha andenyi ya iwingu uko nandighi na wubaa mungi.

DANIELI 7:13

Na kwa agho mawono gha nakio, nerewonieghe umu ufwanane na mwana wa mdamu ukicha andenyi ya mawingu gha mlungunyi; ukamchea Uo wa Matuku Mengi, ukakaia kimusi imbiri kwake.

KILILO CHA JEREMIA 3:44

Kwakufinikire iwingu ja machu ghako hata malombi ghedu ndeghikuvikiagha.

ISAYA 54:9

“Agha naghifwananisha na matuku gha Nuhu, sa iji koni nereghemieghe kwa Nuhu kukaia machi mengi ndeghichaacha ndoenyi sena, niko koni naghema kukaia sichaakaia na machu na oho, hata sichaakubukia anduangi.

ISAYA 19:1

Agha nigho malagho aighu ya Misri, ola BWANA uacha Misri naiseghe wajoka aighu iwingunyi. Milimu ya Misri ichasughusika imbiri kwake, na wandu wa Misri wichafwa ngolo.

LUMBO 5:15

Maghu ghake gheeka sa nguro ra marimari rimangishiro aighu ya dhahabu, fwana yake eeka sa Mighondi ya Lebanoni, na miereri yaro izoghue ighu.

WALAWI 16:2

ukamzera, “Kumzere mwanyinyu Haruni usecheghe kula ngelo andenyi ya Andu kwa Wueli Kuchumbie nandenyi ya pazia; andu aho Kifumbi cha Wughoma chiko aighu ya Sanduku ya Ilaghano, uchefwa; kwa kukaia nichawoneka andenyi ya iwingu aighu ya Kifumbi cha Wughoma.

KUFUMA 16:10

Hata iji Haruni orekoghe ukighora na ikwanyiko jose ja wandu wa Israeli, wikazighana cha kireti, wikawona wubaa ghwa BWANA ghuko andenyi ya iwingu.

WUFUNUO 18:1

Nyuma ya agho, nerewonieghe malaika ukisea kufuma mlungunyi, uko na nguma mbaa; na ndoenyi kukalangalishirwa mwengere ni wubaa ghwake.

WUFUNUO 18:21

Niko malaika uwadie ndighi ukawada igho sa igho ibaa jesha, ukajikumba baharinyi ukighamba, “Huwo niko ugho muzi ghwa Babuloni ghuchaaghushwa kwa ndighi; nagho ndeghuchaawoneka sena anduangi.

WUFUNUO 20:1

Niko ngawona malaika ukisea mlungunyi, uwadie mfunguo ghwa kina cha abuso, na mnyororo m'baa mkonunyi kwake.