WUFUNUO 1:7 - Biblia Ilagho Jiboie Kwa Wandu Wose

⁷ Olenyi uacha mawingunyi, na kula iriso jichammbona, na kula mundu oremdungieghe, na wandu wa mbari rose ra ndoenyi, wichakema mchungu kwa wundu ghwake. Niko koni. Amen.

WUFUNUO 1:7 Referans Kwoze

MATHAYO 24:30

Niko aho ichawoneka alama ya Mwana wa Mdamu aighu mawingunyi, na mbari rose ra ndoenyi richakema na kulila, nawo wichammbona Mwana wa Mdamu ukicha aighu ya mawingu gha mlungunyi uko nandighi na wubaa mungi;

ZEKARIA 12:10

“Nichawichura wandu wa nyumba ya Daudi na awo wikaiagha Jerusalemu roho ya wughoma na kulomba. Wichamzighana mundu were'bwahieghe kwa kumdunga na ndagha nawo wichamlilia mwana wa ititi; wichalila na ndighi seji mundu uliliagha mwana wake wa imbiri.

DANIELI 7:13

Na kwa agho mawono gha nakio, nerewonieghe umu ufwanane na mwana wa mdamu ukicha andenyi ya mawingu gha mlungunyi; ukamchea Uo wa Matuku Mengi, ukakaia kimusi imbiri kwake.

JOHANE 19:37

Na sena seji maandiko ghaghora andu kuzima, “Wandu wichamzighana uo weremdungieghe.”

MARKO 14:62

Jesu ukatumbulia, “Ini nuo moni; nenyo mchammbona Mwana wa Mdamu uko kidombo chia ya mkonu ghwa kiwomi ghwa Uo-Uwadie-Ndighi-Rose, sena mchammbona ukicha na mawingu gha mlungunyi.”

LUKA 21:27

Niko aho wichaammbona Mwana wa Mdamu ukicha andenyi ya iwingu uko nandighi na wubaa mungi.

1 WATHESALONIKE 4:17

niko isi disigharikie diko moyo, dichakafulwa nokoighu cha mawingunyi chiaimweri nawo, dimmare Bwana mbeonyi, na huwo dichakanya andwamweri na Bwana matuku ghose.

1 WATHESALONIKE 1:10

na kummbesera Mwana wake kufuma mlungunyi uo oremrukishireghe kufuma kwa wafu; uo Jesu udikiragha na agho machu gha Mlungu ghichagha.

MARKO 13:26

Niko wichaammbona Mwana wa Mdamu ukicha mawingunyi kwa ndighi na wubaa mungi.

JUDA 1:14

Na Enoko, mundu wa kivalwa cha mfungade nyuma ya Adamu, orefunyireghe wulodi aighu ya wandu awa ukighamba, “Olenyi Bwana waawuyacha andwamweri na maelfu gha waeli wake,

MATHAYO 26:64

Jesu ukamzera, “Oho kwaghamba. Nani namghoria angu kufuma idana mchammbona Mwana wa Mdamu wasea kidombo chia ya mkonu ghwa kiwomi ghwa Uo Uwadie Ndighi, sena ukicha aighu ya mawingu gha mlungunyi.”

WUFUNUO 22:20

Uo ushuhudiagha maza iri waghamba, “Loli niacha kafwani.” Amen. Choo Bwana Jesu.

ZABURI 22:16

Bonjo ya wandu wawiwi yanimaria chia rose, yanikwanyikia na kunisoghodera sa koshi; wadunga mikonu yapo na maghu ghapo.

1 JOHANE 3:2

Wakundwa, de wana wa Mlungu idana; ela ndeiwueka worinyi seji dichaakaia. Damanya angu kasikira Kristo wawoneka worinyi, dichafwanana nao, angu dichammbona seji koni uko.

ZABURI 97:2

Mawingu na kira kibaa vammara chia rose, wabonya nguma kwa hachi na loli.

WAEBRANIA 10:29

Mwamanya ni ikabo ibaa saki jichaamfwana mundu ummenyere Mwana wa Mlungu, ukaibonya bagha ya ilaghano kukaia kilambo cha kisha, iyo cheni oreelesheroghe nayo, sena wammenya Roho wa mvono?

AYUBU 33:26

Uchalomba kwa Mlungu nao uchamsikira; uchamtasa Mlungu kwa kuboilwa. Na Mlungu uchammbunjira hachi rake.

ISAYA 19:1

Agha nigho malagho aighu ya Misri, ola BWANA uacha Misri naiseghe wajoka aighu iwingunyi. Milimu ya Misri ichasughusika imbiri kwake, na wandu wa Misri wichafwa ngolo.

NAHUMU 1:3

BWANA ndekaiagha wa shwa-shwa kubonya machu, ela wawadie kudima. Ndemsighagha mkosi usemkabie; wadasela andenyi ya kikulughulu na kiremba; mawingu ni teri yawusirwa ni maghu ghake.

JOHANE 19:34

Ela asikari umu ukamdunga luwarunyi kwake na ifumu, nao shwa wori ikafuma bagha na machi.

MITALO 24:17

Nammbona, ela si idana; namzighana, ela ndeko kaavui; Mzuri uchafuma kwa Jakobo sa nyerinyeri, na uo ubonyagha nguma uchawuka andenyi ya Israeli; uchawikaba Wamoabu, na kuwinona-nona wana wose wa lung'eto.

ZABURI 68:1

Mlungu wadawuka na wamaiza wake wiasaghisika; wandu wose wizamilwaghwa ni uo, wadakimbia imbiri kwake.

WATANYI 5:31

“Huwo koni wamaiza wako ndewitote ee BWANA! Ela waghenyi wako ndewing'ale-ng'ale karakara na iruwa jibukagha kwa ndighi rake.” Nao isanga jikakaia na sere kwa miaka mirongo ina.

WUFUNUO 22:4

Wichammbona wushu ghwake, na irina jake jichakaia jiandikilo chamunyi kwawo.

WAEBRANIA 6:6

iji wajikana ijo irumirio; angu waameria kumsulubisha Mwana wa Mlungu kwa kukunda kwawo weni, na kumfusha waya worinyi.

ZEKARIA 12:11

Ituku ijo kililo cha Jerusalemu chichakaia kibaa sa kililo cha Hadadi-rimoni wurindinyi ghwa Megido.

MATHAYO 16:27

Angu Mwana wa Mdamu uchacha na wubaa ghwa Ndee andwamweri na weke malaika wake, nao uchamlipa kula mundu kunughana na mabonyo ghake.

MATHAYO 16:28

Namghoria loli, weko wandu aha wisechaafwa anduangi hata wameria kummbona Mwana wa Mdamu ukicha kwa Wuzuri ghwake.”

MATHAYO 25:31

“Ngelo Mwana wa Mdamu uchagha na wubaa ghwake, na weke malaika wose wiko andwamweri nao, uchasea kidombo aighu ya kifumbi chake cha nguma.