WUFUNUO 1:4 - Biblia Ilagho Jiboie Kwa Wandu Wose

⁴ Ini Johane, naghiandikia makanisa mfungade ghiko isanga ja Asia. Mvono ndeghukaie konyu, na sere ifumagha kwa Mlungu uo uko, nao orekoghe, na nuo uchagha; na kufuma kwa iro roho mfungade riko imbiri ya kifumbi chake cha nguma,

WUFUNUO 1:4 Referans Kwoze

ISAYA 11:2

Roho wa BWANA uchakaia aighu kwake, roho wa hikima na kumanya, roho wa njama na kudima; roho wa wuya, umuobuagha BWANA.

ZABURI 90:2

Imbiri kuseumbie mighondi angu ndoenyi na wurumwengu, oho korekoghe; sena kuchadua kwa kala na kala.

WAEBRANIA 13:8

Jesu Kristo nuo moni ighuo, na idime, na hata kwa kala na kala.

JOHANE 1:1

Aho kuzoenyi, Ilagho orekoghe aeni, na Ilagho orekoghe andwamweri na Mlungu, nao orekoghe ni Mlungu moni.

WUFUNUO 5:6

Niko neremmbonieghe Mwana wa Ng'ondi uko kimusi ghadi na ghadi ya icho kifumbi cha nguma, na iro nyamandu riko moyo inya, na awo waghosi. Nao orekoghe ukiwoneka seji odebwaghwa; orekoghe na mbembe mfungade, na meso mfungade, nagho ni roho mfungade ra Mlungu ridumilo ndoenyi kose.

WUFUNUO 4:5

Kufuma kwa icho kifumbi cha nguma, rerefumieghe chuhehia, na chwaka na mirurumo ya chukuwa; na imbiri ya icho kifumbi cha nguma, korekoghe na taa mfungade rikiaka, naro ni roho mfungade ra Mlungu;

WUFUNUO 1:8

“Ini ne Alfa na Omega” waghamba Bwana Mlungu uo uko, nao orekoghe, na nuo uchagha; Uo Uwadie Ndighi Rose.

WUFUNUO 3:1

“Na uo malaika wa ikanisa ja Saridi kumuandikie huwu: ‘Agha ni malagho gha uo uko na iro roho mfungade ra Mlungu, na nyerinyeri mfungade. Narimanya kazi rako; koko na irina jedua moyo, ela kwafue.

JAKOBO 1:17

Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.

ZEKARIA 4:10

Wandu wichafwa ngolo kwa kuwona kazi ya iaghi ikighenda mboa-mboa. Ela wichammbona Zerubabeli ukiiagha Hekalu, nawo wichaboilwa.” Malaika ukanizera, “Iro taa mfungade, ni meso mfungade gha BWANA ghizighanagha ndoenyi kose.”

ISAYA 41:4

Nani ubonyere maza iri rikaie seji riko, ukipanga malagho kivalwa hata kivalwa? Ini BWANA, wa imbiri, na wa kutua, ni Ini.

KUFUMA 3:14

Mlungu ukamzera Musa, “INI NEKO UO UKO. Kuwizere wana wa Israeli huwu, ‘INI NEKO waniduma konyu.’”

WUFUNUO 4:8

Iro nyamandu riko moyo inya, riko na mawawa arandadu kula imu, rachue meso chia rose, hata na nandenyi; naro radabora kari kose kio na dime rikighamba, “Mweli, Mweli, Mweli, ni uo Bwana Mlungu Uwadie-Ndighi-Rose; uo orekoghe, uo uko, nao nuo uchagha.”

WUFUNUO 3:7

“Na uo malaika wa ikanisa ja Filadelfia kumuandikie huwu: ‘Agha ni malagho gha uo Mweli, uo mloli, uo uko na ugho mfunguo ghwa Daudi; uo ukarughua, mndungi ndedimagha kurugha; ukarugha, mndungi ndedimagha kurughua anduangi.

WAROMA 1:7

Namuandikia inyo wakundwa wose wa Mlungu muko Roma, muwangilo mkaie waeli. Mvono ndeghukaie konyu na sere ifumagha kwa Mlungu Aba odu na kwa Bwana Jesu Kristo.

ZEKARIA 3:9

Naawuyawika igho jiko na chuwaru mfungade imbiri ya Joshua; nichakota mbari aghadi yaro, nani nichainja kaung'a ya isanga iji kwa ituku jimweri.

MIKA 5:2

BWANA waghamba, “Bethlehemu Efrata, koko mtini putu aghadi ya mizi yose ya Juda; ela nichawusira m'bonyi nguma kufuma kwako, nao uchakaia m'bonyi nguma wa Israeli ufumagha kwa kichuku icheni cha kala.”

WUFUNUO 2:8

“Na malaika wa ikanisa ja Simurna kumuandikie huwu: ‘Agha ni malagho gha uo wa imbiri na wa kutua, uo orefueghe na kukaia moyo sena.

WUFUNUO 1:20

Ngasu ya iro nyerinyeri mfungade kuriwonie kwa mkonu ghwapo ghwa kiwomi, na vinara va taa va dhahabu mfungade ni ihi: iro nyerinyeri mfungade ni weke malaika mfungade wa makanisa mfungade; na ivo vinara va taa mfungade, ni makanisa mfungade.

WUFUNUO 1:11

lukighamba, “Agho kughiwonagha kughiandike chuonyi, na kughighenjera agho makanisa mfungade; Efeso, Simurna, Pergamo, Thuatira, Saridi, Filadelfia, na Laodikea.”

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

2 WAKORINTHO 1:2

Mvono na sere rifumagha kwa Mlungu Aba odu, na kwa Bwana Jesu Kristo, nderikaie andwamweri nenyo.

1 WAKORINTHO 1:3

Mlungu Aba odu na Bwana Jesu Kristo, ndemneke inyo mvono na sere.

WUFUNUO 3:14

“Na uo malaika wa ikanisa ja Laodikea, kumuandikie huwu:” “Agha ni malagho gha uo Amen, uo mloli, na mshahidi wa loli, uko kuzoya kwa kuumba kwa Mlungu.

WUFUNUO 2:18

“‘Na malaika wa ikanisa ja Thuatira kumuandikie huwu:’ ‘Agha ni malagho gha Mwana wa Mlungu, uo uko na meso sa lumu lwa modo, na maghu ghake ghiko sa shaba izughulo na ndighi.

WUFUNUO 2:12

“Na malaika wa ikanisa ja Pergamo kumuandikie huwu: ‘Agha ni malagho gha uo uko na lufu lukalie chia rose.

WUFUNUO 1:1

Wufunuo ghwa Jesu Kristo, ugho Mlungu oremnekieghe uwiwonyere wadumiki wake iro maza riko suti rikaie kafwani. Na Kristo ukamduma malaika wake urimanyishe kwa mdumiki wake Johane;

MABONYO GHA WADUMI 19:10

Ukadua ukibonya huwo miaka iwi, na wandu wose wa Asia wikajisikira ilagho ja Bwana, Wayahudi na Wagriki wori.

ZEKARIA 6:5

Ukanitumbulia, “Iri ni mbeo inya ra mlungunyi rafuma kummbona Bwana wa ndoenyi kose.”

MABONYO GHA WADUMI 2:9

Wapelethi, Waamedi, Waelami, na wandu wikaiagha Mesopotamia, Judea, Kapadokia, Ponto, na Asia;

WUFUNUO 1:9

Ini Johane mwanyinyu, mngara onyu andenyi ya Jesu, kwa agho matiriro, na ugho Wuzuri, na uko kurumaghia luma; nerekoghe andenyi ya kisiwa chiwangwagha Patimo, kwa wundu ghwa ijo ilagho ja Mlungu, na ugho wushuhuda ghwa Jesu.

WUFUNUO 1:17

Nani iji neremmbonieghe, nereghueghe maghunyi kwake seji naafwa. Ela ukaniwikiria mkonu ghwake ghwa kiwomi ukaghamba, “Kusakeobua, ini nuo wa imbiri, na wa kutua;

WUFUNUO 8:2

Niko ngawona awo weke malaika mfungade, wikaiagha kimusi imbiri ya Mlungu, nawo wikanekwa tarumbeta.

WUFUNUO 16:5

Ngamsikira uo malaika wa machi ukighamba, “Oho ko mhachi; seji koni kwatanya niko koni, oho kuko, sena korekoghe, ee Mweli.

WUFUNUO 22:8

Ni ini moni Johane neresikireghe na kuriwona maza iri. Nani iji neresikireghe na kuriwona, nereghueghe kijimijimi maghunyi kwa uo malaika oreniwonyereghe maza iri, nani ngakunda nimtase.

WUFUNUO 22:16

“Ini Jesu namduma malaika wapo ughighorie makanisa maza iri. Ini ne wa kivalwa cha Daudi; iyo nyerinyeri ing'alaa-ng'ala ya luma lwa nakesho.”