WUFUNUO 1:2 - Biblia Ilagho Jiboie Kwa Wandu Wose

² uo orejishuhudieghe ijo ilagho ja Mlungu na ugho wushuhuda ghwa Jesu Kristo, aighu ya ghose oreghiwonieghe.

WUFUNUO 1:2 Referans Kwoze

1 WAKORINTHO 1:6

wokoni sa iji koni wushuhuda ghwa Kristo ghuko andenyi konyu,

WUFUNUO 12:17

Niko iyo choka ikam'bonyera machu uo muka, ikaghenda kubonya wuda na kivalwa chake chisigharikie; awo wandu wiiwadiagha memu ya Mlungu na awo wiko na wushuhuda ghwa Jesu. Nayo ikakaia kimusi a msangaghenyi ghwa bahari.

1 JOHANE 1:1

Agho malagho gherekoghe kufuma kuzoenyi, agho dereghisikireghe, agho dereghiwonieghe na meso ghedu, agho dereghizighanireghe na kughiadada na mikonu yedu; gha ijo Ilagho ja Irangi.

JOHANE 21:24

Uhu nuo uja mnughi ushuhudiagha maza iri, na kuriandika. Nesi damanya angu agho ughighorie ni gha loli.

JOHANE 19:35

Uhu uwonie maza iri ni mshahidi, na wushuhuda ghwake ni ghwa loli, sena wamanya wori uaghora loli, eri inyo mpate kurumiria.

WUFUNUO 1:19

Idana kuandike iro maza kuriwonagha; iro riko, na iro richaakaia konyuma.

WUFUNUO 1:9

Ini Johane mwanyinyu, mngara onyu andenyi ya Jesu, kwa agho matiriro, na ugho Wuzuri, na uko kurumaghia luma; nerekoghe andenyi ya kisiwa chiwangwagha Patimo, kwa wundu ghwa ijo ilagho ja Mlungu, na ugho wushuhuda ghwa Jesu.

MABONYO GHA WADUMI 26:16

Ela wuka kukaie kimusi kwa maghu ghako, angu nakufutukia kwa wundu ughu; nikuwike kukaie mdumiki na mshahidi wa maza kwaniwona andenyi yaro, na iro nichaakuwonyera;

JOHANE 12:17

Waja wandu werekwanyeghe na Jesu ngelo oremrukishagha Lazaro kufuma kwa wafu, wereghorieghe iro maza rerebonyekieghe.

WUFUNUO 6:9

Hata iji uo Mwana wa Ng'ondi oreghufungueghe ugho muhuri ghwa kasanu, nerewonieghe aisi ya madhabahu roho ra wandu werebwaghiloghe kwa wundu ghwa ijo ilagho ja Mlungu, na kwa wundu ghwa wushuhuda werekoghe nagho;

1 JOHANE 4:14

Nesi dawonie, sena dashuhudia, angu uja Aba oremdumieghe Mwana wake ukaie Mkiri wa wurumwengu.

1 WAKORINTHO 2:1

Iji nerechieghe konyu wanidu, ngimchilia ngasu ya Mlungu, seretumieghe malagho gha ndighi angu gha hikima anduangi.

MABONYO GHA WADUMI 4:20

ela isi ndedichaaleka kughora malagho dighiwonie na kughisikira anduangi.”

JOHANE 3:11

Nakughoria loli, isi dadeda agho dighiichi, na kushuhudia agho dighiwonie, ela inyo ndemghurumiriagha wushuhuda ghodu anduangi.

JOHANE 1:32

Nao Johane ukashuhudia ukighamba, “Neremmbonieghe Roho sa mbughi ukisea kufuma mlungunyi na kukaria aighu yake.

WUFUNUO 12:11

Nawo wedemsima kwa iyo bagha ya Mwana wa Ng'ondi, na kwa ilagho ja wushuhuda ghwawo; angu ndewereghikundieghe marangi ghawo hata kifwa.

3 JOHANE 1:12

Demetrio washuhudilwa wucha ni kula mundu; hata na iyo loli wori yamshuhudia. Na isi wori dawuyamshuhudia, na oho kwamanya angu wushuhuda ghodu ni ghwa loli.

MABONYO GHA WADUMI 22:15

angu kuchakaia mshahidi wake kwa wandu wose aighu ya maza kuriwonie na kusikira.

WUFUNUO 1:11

lukighamba, “Agho kughiwonagha kughiandike chuonyi, na kughighenjera agho makanisa mfungade; Efeso, Simurna, Pergamo, Thuatira, Saridi, Filadelfia, na Laodikea.”

WUFUNUO 20:4

Niko ngawona vifumbi va nguma, na awo wereviserieghe, ni awo werenekeloghe nguma retanya. Na wokoni nerewonieghe roho ra wandu weredumbuloghe vongo kwa wundu ghwa kumshuhudia Jesu, na kwa wundu ghwa ilagho ja Mlungu, awo wisereitasireghe iyo nyamandu hata mlimu ghwake; hata ndewerebonyeroghe alama ingi yake chamunyi kwawo, angu mikonunyi kwawo anduangi. Wikakaia moyo, na kubonya nguma andwamweri na Kristo miaka elfu.

WUFUNUO 22:21

Mvono ghwa Bwana Jesu, ndeghukaie na waeli wose. Amen.