WUFUNUO 1:12 - Biblia Ilagho Jiboie Kwa Wandu Wose

¹² Niko nereghalukieghe nimmbone uo orededanyagha nani; hata iji naghaluka, ngawona vinara va taa va dhahabu mfungade.

WUFUNUO 1:12 Referans Kwoze

ZEKARIA 4:2

Ukanikotia, “Kwawuyawona kii?” Ngatumbulia, “Naawuyawona kinara cha taa cha dhahabu, na bakuli ya mavuda yawikirilwa aighu. Aighu yaro korekoghe na taa mfungade, riko na andu kongiria wutambi kula imu.

KUFUMA 25:37

Kubonye taa mfungade rewikiria aighu ya icho kilambo chewikiria taa; na kuriwikiria aighu ripate kulangalishira kiimbiri.

WUFUNUO 1:20

Ngasu ya iro nyerinyeri mfungade kuriwonie kwa mkonu ghwapo ghwa kiwomi, na vinara va taa va dhahabu mfungade ni ihi: iro nyerinyeri mfungade ni weke malaika mfungade wa makanisa mfungade; na ivo vinara va taa mfungade, ni makanisa mfungade.

WUFUNUO 1:13

Na aghadi ya vinara va taa, nerewonieghe mndumu sa Mwana wa Mdamu, urwae nguwo ndacha, na mkumbo ghwa dhahabu ghufungilo laghenyi kwake.

MIKA 6:9

Kuobua kwa BWANA niyo hikima. BWANA waawuyawanga mzinyi, “Sikirenyi inyo wandu mkwanyikagha mzinyi!

KUFUMA 37:23

Ukabonya taa mfungade kwa wundu ghwa icho kilambo chewikiria taa, na kilambo cheinja ivu na sahani raro kwa dhahabu ielie.

WUFUNUO 1:19

Idana kuandike iro maza kuriwonagha; iro riko, na iro richaakaia konyuma.

WUFUNUO 2:1

“Uo malaika wa ikanisa ja Efeso kumuandikie huwu: ‘Agha ni malagho gha uo uwadiagha nyerinyeri mfungade kwa mkonu ghwake ghwa kiwomi, uselagha aghadi ya vinara va taa va dhahabu mfungade.

WUFUNUO 4:1

Nyuma ya agho, nerezighanireghe, nao ola, ngawona mnyango ghwarughulwa mlungunyi! Na ulo lwaka nerezoeghe kulusikira lukighora nani sa tarumbeta lukaghamba, “Joka nokunu, nani nichakuwonyera iro maza riko na suti ekaia nyuma ya agha.”