WALAWI 26:4 - Biblia Ilagho Jiboie Kwa Wandu Wose

⁴ nichamredia vua kwa vimu varo, isanga jipate kuva viro, na midi ive matunda.

WALAWI 26:4 Referans Kwoze

ZEKARIA 8:12

Wandu wichawa kwa sere, mzabibu ghuchava matunda gharo, na ndoe ichachuria mavalo gharo, na vua ichanya; nani nichawibonya awa wandu wisigharikie wipate agha marasimio ghose.

ZABURI 67:6

Ndoe yafunya mavalo ghake, Mlungu, Mlungu odu wadirasimia.

EZEKIELI 36:30

Midi yenyu ya matunda ichava kwa wungi, na mavalo gha mbuwenyi; eri msekaie na wasi ghungi ghwa njala sena ghommenyesha aghadi ya iro mbari ra wandu.

ISAYA 30:23

Mkawa mbeu renyu ndoenyi, BWANA uchamredia vua, nenyu mchakuwida viro kwa wungi. Ngelo iyo mfugho renyu richakatwa ni nyasi.

AYUBU 5:10

Wadanyesha vua ndoenyi, na kurinyoshera mbuwa machi.

WUKUMBUSO 28:12

BWANA uchakurughuya mali rake ndicha ra mlungunyi, na kunyesha vua isangenyi kwa vimu varo, nao ucharasimia kazi rako; kuchakopesha mbari nyingi, ela oho ndekuchaakopa anduangi.

WUKUMBUSO 11:14

uchanyesha vua kunughana na vimu varo; vua ya sumesu na vua ya kwari; mpate kukuwida viro venyu, divei na mavuda ghenyu.

WALAWI 25:21

BWANA ucharasimia isanga mwaka ghwa karandadu jipate kukaia na mavalo ghikate miaka iwi.

MABONYO GHA WADUMI 14:17

Ela sena nderekusighieghe uo moni kuseko na wushuhuda, angu orebonyereghe nicha kwa kumneka vua kufuma mlungunyi, na vimu va mvono; ukamneka vindo, na kuchura ngolo renyu kuboilwa.”

MATHAYO 5:45

eri mpate kukaia wana wa Ndeyo onyu uko mlungunyi. Angu uo wadawilangalishira mwengere ghwa iruwa awo wiko wecha na wawiwi, na kuwinyeshera vua wahachi na wakaung'a wori.

ZABURI 85:12

Hee, BWANA uchadineka icho chiboie, na isanga jedu jichafunya mavalo gharo.

ZABURI 68:9

Korenyeshereghe vua kwa wungi ee Mlungu, kukajideghedesha isanga jako jereomieghe nandighi,

WUFUNUO 11:6

Weko na nguma efunga mawingu, vua ingi isenye ngelo ya kuchila kwawo; sena weko na nguma reghalusa machi ghiwuye bagha, na kuikaba ndoe kwa kula ikabo shwa kwa shwa seji wikundagha weni.

JAKOBO 5:7

Kwa huwu wanidu, rumaghienyi hata Bwana uche. Zighanenyi angu mlimi wadawesera mavalo gha ndoe gha zoghori mbaa, ukirumaghia, hata ghipate vua ya imbiri na ya nyuma.

JEREMIA 14:22

Eko milungu ingi ya tee ya iro mbari ra wandu idimagha kureda vua? Hata mawingunyi kuekeri ndekudimagha kureda mishushure. Wele si oho kumoni kubonyagha agha ghose, ee BWANA Mlungu odu? Nesi dawika isuwirio jedu kwako.

ISAYA 5:6

Nichaisigha inoneke putu, mizabibu ndeichaaboiswa hata kulimilwa; nayo ichabukwa ni isaka na minjwa. Nichalaghira mawingu ghisenyeshe vua ingi aighu yake sena.”

ZABURI 104:13

Kwadainyeshera mighondi vua kufuma mawingunyi, na ndoenyi yachua marasimio ghako.

1 WAZURI 17:1

Mlodi uwangwaghwa Elija wa isanga ja Tishbi jiko Gileadi ukamzera Ahabu, “Kwa irina ja BWANA Mlungu wa Israeli ukaiagha moyo, uo Mlungu nimdumikiagha, vua ndeichaanya ndoenyi hata mami ghangi kuwoneka isaakaia kwa ilagho nichaajighora.”

WALAWI 25:19

Isanga jichava mavalo gharo, na oho kuchaja kughude na kukaia banana.

WUKUMBUSO 11:13

“Na inyo mkasikira malaghiro na kumkunda BWANA Mlungu onyu na kumdumikia kwa ngolo renyu rose, na kwa roho renyu rose, seji nimlaghiragha idime,

ZABURI 67:7

Mlungu wadirasimia; ndoenyi kose ndekumuobuo.

ZABURI 85:13

Hachi ichamkiria BWANA, na kum'boisira chia eidia.

JOELI 2:22

Inyo nyamandu ra isakenyi msakeobua, Milamba yabusa nyasi mbishi, na midi iava matunda. Tini na zabibu rachua na ndighi.