WALAWI 2:9 - Biblia Ilagho Jiboie Kwa Wandu Wose

⁹ Na uo mkohani uchawusa katini ka ijo ifunyo ja viro, na kukora sa ifungu jekumbuka kukaia mkate ghose ghwameria kukorwa aighu ya madhabahu, ghukaie kizongona chekora; irumba ja vindo ivo jamnukiagha BWANA nicha na ndighi.

WALAWI 2:9 Referans Kwoze

WALAWI 2:2

ima ughurede kwa wakohani, wana wa Haruni. Niko mkohani uchabegha ngonde ichue ya ugho mufu ghudendere na mavuda, chiaimweri na vilungo varo vose; nao uchaghukora sa ifungu jekumbuka kukaia mufu ghose ghwameria kukorwa aighu ya madhabahu, ghukaie kizongona chekora; irumba ja vindo ivo jamnukiagha BWANA nicha na ndighi.

WAFILIPI 4:18

Napatire manosi ghose, hata na kuchumba seji nerekundieghe, ngakatwa; nyuma ya kupata agho nereredeloghe ni Epafrodito. Nagho ni kizongona cha marumba mecha, chirumirikiagha na kum'boia Mlungu.

WALAWI 6:15

Umu wawo uchabegha ngonde ichue ya mufu ghudendere ghwa kizongona cha viro, chiaimweri na mavuda gharo na vilungo vose viko aighu ya kizongona cha viro, nao uvikore vikaie lukumbuso kukaia vaafunywa kwa BWANA, ni irumba icha kwa BWANA.

WAFILIPI 2:17

Hata ngera niafunywa sa kizongona cha kunywa, na kudilwa aighu ya kizongona cha irumirio jenyu, nichaboilwa na kuzuma andwamweri nenyo mmbose.

WAEFESO 5:2

Nenyo mghende kwa lukundo, sa iji koni Kristo oredikundieghe, na kukufunya moni kwa wundu ghodu, ukaie ifunyo na kizongona cha marumba mecha kwa Mlungu.

WAROMA 15:16

nipate kukaia mdumiki wa Kristo Jesu kwa wandu wa mbari zima, kwa ugho wukohani ghwa Ilagho Jiboie ja Mlungu, eri wandu wa mbari zima wikaie kizongona chirumirikiagha kwa Mlungu, chieleshero ni Roho Mweli.

KUFUMA 29:18

Niko kuikore yose aighu ya madhabahu, ikaie kizongona chekora. Irumba ja kizongona icho, janiboiagha na ndighi.

WAROMA 12:1

Kwa huwu wanidu, namvoya kwa wundu ghwa wughoma mungi ghwa Mlungu, muifunye mimbi yenyu ikaie sa kizongona chiko moyo; chielie, chirumirilwagha ni Mlungu; nako niko kutasa konyu kwa loli.

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

ISAYA 53:10

BWANA waghamba, “Erekoghe ni lukundo lwapo kumvonua, na kumngira wasinyi; ingelo orekufunyagha uo moni kizongona kwa wundu ghwa kaung'a, nao uchawona kivalwa chake, na kudua moyo matuku mengi, lukundo lwapo luchakatishwa kwa chia yake uo;

WALAWI 2:8

Niko kuchareda ijo ifunyo ja viro kwa BWANA, jibonyero na ivo vilambo; hata iji ghwanekwa mkohani, uchaghureda madhabahunyi.

WALAWI 2:16

na mkohani uchawusa ifungu itini ja viro viwishi vichanilo na mavuda na vilungo varo, uvikore sa ifungu jekumbuka kukaia viro vose vamerie kukorwa aighu ya madhabahu vikaie kizongona chekora kwa BWANA.

WALAWI 4:31

Nao uchainja mavuda ghake ghose, sa iji koni mavuda ghiinjwagha kufuma kwa vizongona va mapatano; na kughikora aighu ya madhabahu ghikaie marumba mecha kwa BWANA. Kwa chia ihi, mkohani uchabonya mapatano kwa wundu ghwa kaung'a ra uo mundu, nao uchafuilwa wughoma.

WALAWI 5:12

Nao uchaghureda kwa mkohani, ughubeghe ngonde ichue, ghukaie sa ifungu jekumbuka kukaia ghwaafunywa kwa BWANA; nao uchaghukora aighu ya vizongona madhabahunyi; ni kizongona cha vindo kwa wundu ghwa kaung'a.

WALAWI 24:7

Nao kungire marumba ghiboie kula luzaria lwa mikate, ghipate kukaia lukumbuso kwa wundu ghwa kizongona cha vindo chafunywa kwa BWANA.

MITALO 5:26

Na uo mkohani uchabegha ngonde ichue ya icho kizongona cha viro na kuchikora aighu ya madhabahu; konyuma umnyoshe uo muka agho machi.

WALAWI 1:9

Uja mundu wafuya icho kizongona uchaoghosha mawula na vindo vose va ndenyi na maghu gharo, na mkohani uchavikora vose madhabahunyi, vikaie kizongona chekora; irumba ja vindo ivo jamnukiagha BWANA nicha nandighi.