WALAWI 10:2 - Biblia Ilagho Jiboie Kwa Wandu Wose

² Niko modo ghukasea kufuma kwa BWANA, ghukawikora wikafwa imbiri ya BWANA.

WALAWI 10:2 Referans Kwoze

MITALO 26:61

Ela Nadabu na Abihu werefueghe iji werefunyireghe kizongona cha modo ghuseelie imbiri ya BWANA.

MITALO 16:35

Na modo ghukafuma kwa BWANA, ghukawikora awo wandu maghana awi na mirongo misanu werekoghe wikifukira marumba.

WALAWI 9:24

Modo ghukasea kufuma kwa BWANA, na kukora kizongona chekora na agho mavuda gherekoghe aighu ya madhabahu; hata iji wandu wose werewonieghe huwo, wikakema na kughwa andonyi kijimijimi.

2 SAMUELI 6:7

BWANA ukajokwa ni machu aighu ya Uza; na Mlungu ukamkaba angu oreidadireghe Sanduku ya Ilaghano ja BWANA, nao ukafwa ahoeni mbai na mbai ya Sanduku ya Mlungu.

1 WAKORINTHO 10:11

Maza iri rerebonyekieghe kwawo rikaie mfwano, rikaandikwa rikaie mafundisho kodu isi divikilo ni ngelo ra kutua.

MABONYO GHA WADUMI 5:10

Nao shwa wori Safira ukaghwa maghunyi kwa Petro ukafwa. Wadawana wiendangia wikamkua wafwa, wikamduka cha shighadi na kumrika kaavui na mumi.

MABONYO GHA WADUMI 5:5

Nao iji Anania wasikira malagho agho, ukaghwa andonyi ukafwa; na wandu wose weresikireghe ilagho ijo, wikangilwa ni wowa m'baa.

ISAYA 30:33

Kwa kukaia andu komkoria mzuri wa Waashuru kwamerie kuboiswa konkala uko; ni kina chiko kishapa sena chiko ndenyi; modo na mbande vawikilo tayari kwa wungi; BWANA uchaghufuria na miruke yake sa modo ghwa kibiriti na kughukora.

1 MALAGHO GHA NGELO 24:2

Ela Nadabu na Abihu werefueghe imbiri ya ndee, nawo ndewerekoghe na wana wangi; niko Eleazari na Ithamari wikawuya wakohani.

1 MALAGHO GHA NGELO 15:13

Indo ja imbiri BWANA oredikabieghe angu inyo msereidukieghe; kwa kukaia ndedereitalieghe seji iwikilo wakfu.”

1 MALAGHO GHA NGELO 13:10

BWANA ukajokwa ni machu aighu ya Uza ukamkaba angu waghorua mkonu uiwade Sanduku, nao ukafwa ahoeni imbiri ya Mlungu.

2 WAZURI 1:12

Elija ukamtumbulia, “Ikakaia ne mundu wa Mlungu, modo ndeghusee kufuma mlungunyi, ghukumerie chiaimweri na wandu wako mirongo misanu.” Niko modo ghwa Mlungu ghukasea kufuma mlungunyi, ghukammeria chiaimweri na wandu wake mirongo misanu.

2 WAZURI 1:10

Elija ukamtumbulia uja m'baa wa wandu mirongo misanu, “Ikakaia ne mundu wa Mlungu, modo ndeghusee kufuma mlungunyi ghukumerie chiaimweri na wandu wako mirongo misanu.” Modo ghukasea kufuma mlungunyi ghukammeria chiaimweri na awo wandu wake mirongo misanu.

1 SAMUELI 6:19

BWANA ukawibwagha wandu mirongo mfungade wa Beth-shemeshi, angu werezighanireghe andenyi ya iyo Sanduku ya BWANA. Wandu wikalila kwa kukaia BWANA orewibwaghieghe wandu wengi aghadi yawo.

MITALO 16:49

Na awo wandu werebwaghiloghe ni saka, werekoghe elfu ikumi na inya na maghana mfungade; waja werefueghe kwa maza ra Kora wiko mbai.

WALAWI 16:1

BWANA ukaghora na Musa nyuma ya kifwa cha wana wa Haruni, awo werefuyeghe angu weremfunyireghe BWANA modo ghuseelie;

WALAWI 10:5

Niko wikacha na wikawadia rija nguwo rawo wererwaeghe, wikaiduka na kuifunya shighadi ya kambi sa iji koni Musa oreghorieghe.

KUFUMA 24:1

BWANA ukamzera Musa, “Joka mghondinyi aha kwapo, oho na Haruni, Nadabu, Abihu, na vilongozi va Waisraeli mirongo mfungade; nenyo mkaie kakula koni, na kutasa.

1 WAZURI 18:38

Niko BWANA ukasera modo; ghukakora icho kizongona, na mbande, na magho, na teri; ghukaomera agho machi gheredungiloghe mtaronyi.

AYUBU 1:16

Nao ukighora woruwu, mdumwa umu ukacha ukighamba, “Lukuwa lwasea lukakora ng'ondi na wadumiki, lukawimeria putu; nani naafufunuka ini moni niekeri nichekughoria.”

ZABURI 50:3

Mlungu odu uacha, ela ndechagha kima; modo ghulunguragha ghoko imbiri kwake, na kiremba kibaa chammara mbai mbai.

MITALO 14:37

Wikabwaghwa ni BWANA kwa saka ya ngawawi.

1 WAZURI 13:28

Ukaghenda ukaghuwona mumbi ghwa uja mlodi wa Mlungu ghuko achienyi, na shimba na punda riko kimusi mbai na mbai ya ugho mumbi. Shimba ndeerejieghe ugho mumbi, hata kubwagha punda.