WAFILIPI 4:8 - Biblia Ilagho Jiboie Kwa Wandu Wose

⁸ Kutua wanidu, maza iro rose riko ra loli, iro rose riko ra ishima, iro rose riko ra hachi, iro rose rielie, iro rose riboie; ikakaia riko ringi ra sare ndicha, ikakaia ghuko wucha ghungi, ikakaia chiko kilambo chingi chifwanagha kukaswa; ririkanyenyi aighu ya maza iro.

WAFILIPI 4:8 Referans Kwoze

JAKOBO 3:17

Ela hikima ifumagha mlungunyi, imbiri yaelie, sena ni ya sere, na ya wumboa; iseng'etere, ichue wughoma, na matunda mecha, ndeiwadie ngera, hata kusowa wuloli.

TITO 2:7

Kukuwonyere kumoni kukaia mfwano ghwa mabonyo mecha kwa kula chia, na kwa mafundisho ghako kukuwonyere kumoni kukaia kwaghiichi sena kwawuyaghitala,

2 WAKORINTHO 8:21

angu isi daawuyalola icho chiredagha ishima imbiri ya Bwana, na imbiri ya wadamu wori.

WAGALATIA 5:22

Ela itunda ja Roho, ni lukundo, kuboilwa, sere, kurumaghia, kutala wandu, ishima, wuloli,

1 PETRO 2:12

Mkaie na tabia ndicha aghadi ya wandu wa mbari zima; eri wikakaghora aighu yenyu wei mo wabonyi kiwiwi, wiriwone kazi renyu riboie, na kumkasa Mlungu ijo Ituku uchagha.

WAEBRANIA 13:18

Mudilombie, angu isi deko na loli kukaia nia redu raelie, nesi dakunde kubonya maza rose kwa ishima.

1 TIMOTHEO 4:12

Mndungi usakeghumenya wudawana ghwako; ela kukaie mfwano kwa warumirii kwa chia ya madedo na tabia, kwa lukundo, kwa irumirio na wueli.

WAEFESO 5:9

(angu itunda ja mwengere jawoneka andenyi ya icho chose chiko chiboie, na hachi, na loli);

TITO 1:8

Ela ukaie mundu okaribisha wandu, ukundagha kubonya nicha, ukubonyeragha nguma moni, mundu wa hachi, uelie, ukumaziriagha moni.

1 JOHANE 3:3

Na kula mundu wawuyamsuwiria huwo, wakuelesha moni sa iji koni Kristo uelie.

1 PETRO 1:22

Kwa kukaia mwamerie kujielesha irangi jenyu kwa kuisikira ija loli, na kupata lukundo lwa loli lowikunda wanidu, fungenyi ndighi kukundana mmbeni na mmbeni kwa ngolo.

TITO 3:14

Na wandu wedu wikufundishe kukufunya kwa kubonya kazi ndicha, eri widime kutesia maza rakundika kwa shwa-shwa, wisekaie wisene mabonyo.

WAROMA 13:13

Ndedighende nicha seji dighendagha na dime; si kwa lwafuo na kuwongia, si kwa kulaka na kushughunuka, si kwa kurashana na iriso,

MAKATANISHO 20:7

Mundu wa hachi, ughendagha nicha, wana wake wicharasimilwa nyuma yake.

JAKOBO 1:27

Dini ielie isewadie wuchafu imbiri ya Mlungu Aba, ni ihi: ni kuwighendia na kuwitesia wana wakiwa, na waka wifuilo ni womi wawo kwa wasi ghwawo, na kukulindia moni uselusho ni wurumwengu.

1 JOHANE 3:18

Wanake watini, disakekaia na lukundo lwa madedo maduu, ela lwa mabonyo na loli.

TITO 2:2

Kuwilaghire waghosi wikaie wa kukumazira, wiko na wuloli, wiko na suku, na irumirio jikatie, na lukundo, na kumanga.

2 WAKORINTHO 13:7

Ela daawueghemlomba Mlungu umtesie msebonye makosa. Si angu wei isi diwoneke sa wandu disimie, ela ni angu m'bonye ijo jiko ja hachi, hata ngera dawoneka sa wandu dilemelo.

WAKOLOSAI 4:5

Mkaie na hikima kwa awo wandu wiserumirie, mkitumia ngelo nicha.

1 PETRO 4:8

Na aighu ya rose, mduo na lukundo mmbeni na mmbeni lusesiagha, kwa kukaia lukundo lwafinikira wungi ghwa kaung'a.

2 SAMUELI 23:3

Mlungu wa Israeli waghorie, uo uko mbanga ya Israeli wanizerie, “Iji mndumu wabonya nguma aighu ya wadamu kwa hachi, ukibonya nguma uko andenyi ya kuobua kwa Mlungu,

WAROMA 13:3

Angu awo wibonyagha nguma ndewiobolwagha ni awo wibonyagha nicha anduangi, ela wadaobolwa ni awo wibonyagha kiwiwi. Kwakunde kusemuobuo uo ubonyagha nguma? Bonya nicha, na oho kuchawona ukikurumiria;

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

WAFILIPI 3:1

Kutua wanidu boilonyi andenyi ya Bwana. Siwonagha wasi ghungi ngamwandikia ngiwuria ghaja malagho gheni, na inyo ghimfwana.

WAROMA 2:29

Ela Myahudi wa loli ni uo uko Myahudi nandenyi, na kushamishwa kwa loli ni uko kwa ngolonyi, kwa kiroho; siko kuja kwa Sharia iandikilo anduangi. Nao wadakaswa ni Mlungu, ndekaswagha ni wadamu anduangi.

ISAYA 26:7

Chia ya mundu wa hachi yaghokie, Oho Mlungu kwadaidenderesha chia ya mhachi.

MAKATANISHO 31:31

Mneke ishima kwa ghose ubonyere, na kazi rake rim'bonye ukaso andu kokwania kwa muzi.

1 TIMOTHEO 2:2

kwa wundu ghwa wazuri, na wandu wose wa veo va ighu; eri dipate kukaia na irangi jihorie, na ja sere, jiko na kuobua kwa Mlungu, jiko ja ishima kwa chia rose.

1 TIMOTHEO 5:10

Ukaie ushuhudilo kwa mabonyo ghake mecha ghelela wana, kukaribisha waghenyi, kuoghosha waeli maghu, kuwitesia awo wiko na wasi, na kukufunya moni kubonya nicha kwa kula chia.

WUKUMBUSO 16:20

Mnughe hachi iekeri; mpate kudua moyo na kupata ifwa ja ijo isanga BWANA Mlungu onyu umnekagha.

WAEFESO 6:14

Kwa huwu mangenyi, mkikaia na loli sa mkowa kiwonunyi konyu; na hachi sa ngao laghenyi konyu;

1 WATHESALONIKE 4:12

Kwa chia iyo, wandu wiserumiriagha wichamneka ishima, nenyo ndemchaakusaghika na mndungi anduangi.

WAEFESO 4:25

Kwa huwu mkisigha tee, kula mundu ughorie mmbao loli; angu deko via diweni na diweni.

2 WAKORINTHO 6:8

kwa kunekwa ishima, na kwa kusowelwa ishima; kwa kuzighirilwa, na kwa kughorwa nicha. Nesi daawuyawonwa sa watee, ela daawuyaghora loli;

MABONYO GHA WADUMI 10:22

Nao wikaghamba, “Kornelio, m'baa wa ijeshi, mundu wa hachi, umuobuagha Mlungu, uko na sare iboie kwa mbari yose ya Wayahudi; orezereloghe ni malaika mweli ukudumirie kughende nyumbenyi kwake, upate kusikira agho ghose kuchaaghora.”

JOHANE 7:18

Mundu udedagha kwa nguma rake reni wadalola wubaa ghwake moni. Ela uo ulolagha wubaa ghwa uo oremdumieghe, wadakaia mloli, hata ndekuwadie mikalo ingi andenyi kwake anduangi.

LUKA 2:25

Nao ahoeni Jerusalemu, korekoghe na mundu uwangwagha Simeoni. Mundu uhu orekoghe mundu wa hachi umuobuagha Mlungu, nao orekoghe ukighuwesera ghuja wuhoreshi ghwa Israeli, na Roho Mweli orekoghe aighu kwake.

MARKO 6:20

Herode oremuobueghe Johane, ukimmanya angu oko mundu wa hachi, na mweli, ukamlindia. Hata ngera kuja kusikira machilo gha Johane koremkambirieghe chongo, ela sena orekoghe ukimsikiria kwa kuboilwa.

MAKATANISHO 11:1

BWANA wadazamilwa ni wandu witumiagha ratili ra tee; ela wadaboilwa ni wandu witumiagha vipimo va loli.

RUTHU 3:11

Idana mwai wapo kuseobuo, nichakubonyera kula ilagho kwajilomba, kwa kukaia kula mundu uko andenyi ya ughu muzi waichi angu ko muka kuboie.

LUKA 16:15

Ela Jesu ukawizera, “Inyo moko wandu mkunekagha mmbeni hachi imbiri ya wandu, ela Mlungu warimanya ngolo renyu; angu icho chikaswagha imbiri ya wandu, chakaia chizamie imbiri ya Mlungu.

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

MABONYO GHA WADUMI 22:12

“Korekoghe na mndumu aho uwangwagha Anania, muoboi Mlungu kwa kunugha Sharia, uko na sare iboie kwa Wayahudi wose werekoghe aja.

LUMBO 5:16

Oosingwa ni malagho, nao ni mundu ukundikie. Uo nuo mkundwa wapo na mghenyi wapo, ee waka wa Jerusalemu.

KUZOYA 18:19

Hata, nameria kumsaghua uo, upate kuwifundisha wana wake, na wose wa nyumbenyi kwake, kubonya agho ghiko gha loli na gha hachi; nani nipate kumkatishira Abrahamu ilaghano japo.”

1 JOHANE 4:1

Wakundwa, msakeirumiria kula Roho, ela muritime-time iro roho, mpate kuwona ngera ni ra Mlungu; angu walodi wa tee wengi wafumirikie, na kuwoneka wurumwengunyi.

1 TIMOTHEO 5:2

wakeku sa weke mayo, na wai sa wanyinyu wa waka kwa wueli ghose.

LUKA 23:50

Korekoghe na mndumu uwangwagha Josefu, mundu wa muzi ghumu ghwa Wayahudi ghuwangwagha Arimatea. Orekoghe mwanachama wa Mwandu, mundu mucha na wa hachi;

MAKATANISHO 31:29

Wadaghora, “Waka wengi wabonyere nicha nandighi, ela oho kwawichumba wose.”

MAKATANISHO 16:11

BWANA wadakunda ratili rose na vipimo varo vikaie va loli, na icho chose chiuzwagha chikaie cha hachi.

MAKATANISHO 12:4

Muka mucha ni kirumbu cha mumi wake; ela muka ofusha waya ni sa chonda cha ghilimi kwa mumi wake.

1 TIMOTHEO 3:4

Suti ukaie mundu uibonyeragha nguma nyumba yake nicha, mundu uwibonyagha wana wake wimsikire, na kukaia na ishima kwa kula chia.

MABONYO GHA WADUMI 6:3

Kwa huwu wanidu, saghuonyi wandu mfungade aghadi konyu wiko na sare iboie, wichulo ni Roho na suku, diwiwike kwa wudumiki ughu.

MATHAYO 22:16

Wikamdumia wamu wa wanughi wawo chiaimweri na wanjama wa Herode wikighamba, “Mwalimu, dakumanya angu koko mloli, na chia ya Mlungu kwadaifundisha kwa loli, hata ndekutalagha mndungi, angu kusetalagha mawubaa gha wadamu anduangi.

MAKATANISHO 31:10

Nani udimagha kumpata muka uboie? Ni wa zoghori mbaa kuchumba lulu.

WAEBRANIA 11:2

Irumirio jerewibonyereghe wandu wa kala wikarumirikia kwa Mlungu.

1 TIMOTHEO 3:11

Waka wori suti wikaie wa loli, wisekaie wezighiria, ela wikaie wikumaziragha weni, wiko waloli kwa maza rose.

2 WAKORINTHO 8:18

Dimdumanya na uja mwanidu umanyikie nandighi aghadi ya makanisa ghose kwa kuchila kwake ijo Ilagho Jiboie.

2 SAMUELI 1:23

“Sauli na Jonathani werekoghe wakundwa wikundikie ndewitane jingi kufuma wiko moyo hata kifwa. Werekoghe wiangue kuchumba indu, werekoghe na ndighi kuchumba shimba.

2 PETRO 3:1

Barua ihi namuandikia ni ya kawi wakundwa, nani kwa barua rose, narinyavurisha nia renyu kwa kumkumbusa;

ZABURI 82:2

“Mtanya kuseko na hachi, na kudawiria wawiwi hata lii?

WAROMA 14:18

na uhu umdumikiagha Kristo kwa chia ihi, wamrira Mlungu na kurumirilwa ni wandu.