WAFILIPI 4:6 - Biblia Ilagho Jiboie Kwa Wandu Wose

⁶ Msakeja wasi kwa ilagho jingi, ela mummanyishe Mlungu maza renyu rose mkunde kwa malombi, na kuvoya, na kufunya chawucha.

WAFILIPI 4:6 Referans Kwoze

1 PETRO 5:7

Mumkumbie uo wasi ghonyu ghose, angu wawuyamtala inyo.

ZABURI 55:22

Kumneke BWANA wasi ghwako, nao uchakutesia; na jingi ndechaamsigha mhachi ulemo.

MATHAYO 6:8

Msekaie sa awo, angu Ndeyo onyu wavimanya ivo vilambo muko na bea navo imbiri inyo msevilombie.

JEREMIA 33:3

“Niwange nani nichakutumbulia; nichakughoria maza mbaa rivisikie, iro kusererimanyireghe.

MAKATANISHO 16:3

Kumsighie BWANA kazi rako, nao uchaikatisha mipango yako.

ZABURI 62:8

Rumirienyi Mlungu ngelo rose ee wandu, mumghorie wasi ghonyu ghwa ngolonyi; Mlungu nuo andu kodu kokimbiria.

WAKOLOSAI 4:2

Duonyi mkilomba kwa kufunga ndighi, na kucheresha andenyi yaro, mkifunya chawucha.

WAEFESO 6:18

Lombenyi kwa Roho tuli tuli; kwa kulomba na kuvoya kose, mkicheresha aighu ya agho kwa kurumaghia kose, na kuvoya kwa wundu ghwa waeli wose.

WAKOLOSAI 3:17

Nenyo mkakabonya ilagho ijo jose, kwa madedo angu kwa mabonyo, bonyenyi kula ilagho kwa irina ja Bwana Jesu, mkimfunyira Mlungu Aba chawucha kwa uo.

LUKA 18:1

Niko Jesu ukawighoria wanughi wake mfwano ughu ghuwonyeragha kukaia yawifwana kufunga ndighi kulomba Mlungu, hata wisefo ngolo.

LUKA 12:22

Nao Jesu ukawizera wanughi wake, “Kwa huwu namzera inyo, msakejisumbukia irangi jenyu, wei mchajaki, angu mimbi yenyu wei mcharwaki.

ZABURI 51:15

Kunitambuo memu yapo ee BWANA, nani nichakukasa.

WAKOLOSAI 3:15

Sere ya Kristo ndeibonye nguma ngolonyi konyu, nayo kwa loli niyo moreiwangiloghe mkaie andenyi ya ugho mumbi ghumweri; nenyo mkaie na chawucha.

1 SAMUELI 30:6

Daudi ukaja wasi nandighi, kwa kukaia wandu werezoeghe kuja malagho ghemlasa na magho, angu werekoghe na luwawo lubaa rohonyi kwa wundu ghwa wana wawo wa womi na wa waka. Ela Daudi ukafungishwa ndighi ni BWANA Mlungu wake.

WAEFESO 5:20

mkimfunyira chawucha Mlungu Aba matuku ghose, kwa wundu ghwa kula ilagho, kwa irina ja Bwana odu Jesu Kristo.

ZABURI 55:17

Nadamlalamikia BWANA ngilila, nakenyi na nakesho na dimeghadi, nao wadanisikira.

LUKA 10:41

Ela Bwana ukamtumbulia, “Marita, Marita, kwaja wasi na kusumbulwa ni maza nyingi;

LUKA 18:7

Welee, na Mlungu nao ndechaawitanyira hachi wasaghulwa wake wimliliagha kio na dime anguwada? Loli uchamuka kuwitesia?

MATHAYO 10:19

Ela iji wamghenja mandunyi, msekambo ni chongo wei mghora wada; angu ngelo yaro ikavika, mchanekwa gha kughora.

MAKATANISHO 15:8

Vizongona va mmbiwi vadamzamia BWANA, ela ilombi ja mundu mucha jadam'boia.

LUKA 12:29

Kwa huwu, msakelola mchajaki, angu mchanywaki, hata msakeja wasi.

1 SAMUELI 1:15

Ela Hana ukatumbulia, “Ii hata bwana wapo, ini ne muka niko na wasi m'baa; sinyue divei hata chofi anduangi, ela nedeeka ngimneka BWANA wasi ghwa ngolo yapo.

2 WAKORINTHO 1:11

Inyo wori suti muditesie kwa malombi, eri wengi wipate kufunya chawucha wulalo ghodu; kwa wundu ghwa agho marasimio dinekwagha, kunughana na matumbulio gha malombi mengi.

1 WAKORINTHO 7:32

Neekunda mseje wasi kwa ilagho jingi. Mundu uselowue, wadasumbukia maza ra Bwana seji udimagha kum'boia Bwana.

1 PETRO 4:7

Uko kutua kwa maza rose kwalighisa; kwa huwo kaienyi na akili na kukumazira eri mpate kulomba Mlungu.

MATHAYO 13:22

Na ija mbeu ipotokie midinyi ya minjwa, ni sa mundu ujisikiragha ijo ilagho, ela masumbuko gha irangi iji na bea ra mali rajibwagha ijo ilagho, najo ndejivagha matunda ghangi anduangi.

DANIELI 3:16

Nao Shadraka na Meshaki na Abednego wikamtumbulia mzuri, “Ee Nebukadnezari, ndedina haja ekutumbulia aighu ya ilagho iji.

2 MALAGHO GHA NGELO 32:20

Niko Mzuri Hezekia na mlodi Isaya mwana wa Amozi wikalomba na kumlilia Mlungu aighu ya ilagho ijo.

1 SAMUELI 7:12

Nao Samueli ukawada igho na kujidunga ghadi na ghadi ya Mispa na Jeshana, ukajiwanga irina jake Ebenezeri, angu oreghambieghe, “Aha niko BWANA uditeserie.”

LUMBO 2:14

Kooka sa mbughi ikuvisire lukororonyi, leka niwone wushu ghwako ghughokie, nisikire lwaka lwako lusingie.

1 WAKORINTHO 7:21

Ikakaia kodeeka mzumba ingelo korewangwagha, kusesumbuke. Ela kukadima kufuma wuzumbenyi kughutumie ugho wuhuru.

1 WAZURI 8:28

BWANA Mlungu wapo, ini ne mdumiki wako. Sikira malombi ghapo, kunikatishire seji nilombagha.

JEREMIA 32:16

“Nyuma ya kumneka Baruku mwana wa Neria ija barua eghua mbuwa, neremlombieghe BWANA ngighamba,

DANIELI 6:10

Nao iji Danieli wamanya kukaia ija sharia yameria kungirwa sahihi, ukaghenda nyumbenyi kwake ukajoka gorofenyi ukarughua madirisha ghake kulangaya cha Jerusalemu, ukadunga ngokoro mando adadu kwa ituku, ukalomba na kufunya chawucha kwa Mlungu wake sa iji koni orekoghe ukibonya.

MATHAYO 6:34

Kwa huwu msakeja wasi kwa wundu ghwa kesho, angu kesho ichakaia na wasi ghwake ghukate. Wasi ghwa kula ituku jimweri ghwakata.

1 TIMOTHEO 2:1

Ilagho ja imbiri, nakunde kulalama, malombi, kuvoya, na kufunya chawucha kwa Mlungu, kubonyo kwa wundu ghwa wandu wose;

1 TIMOTHEO 5:5

Uo uko muka mkiwa loli, nao oosighwa uekeri, oowika isuwirio jake kwa Mlungu; nao wadadua ukivoya na kulomba Mlungu kio na dime.