WAFILIPI 4:1 - Biblia Ilagho Jiboie Kwa Wandu Wose

¹ Kwa huwu wanidu nimkunde, muniriragha, kuboilwa kwapo na kirumbu chapo, mangenyi huwo koni andenyi ya Bwana wakundwa.

WAFILIPI 4:1 Referans Kwoze

WAFILIPI 1:27

Ilagho jikundikie konyu, ni ja inyo kughenda karakara na ijo Ilagho Jiboie ja Kristo, eri ngera nacha kummbona, angu ngera nakaia kula nenyo, nisikire wori mwawuyamanga andenyi ya roho imweri, muko na nia imweri, mkifunga ndighi chiaimweri kwa irumirio ja Ilagho Jiboie;

1 WAKORINTHO 16:13

Chereshenyi, mangenyi kwa irumirio jenyu; mkaie na ngolo na kufunga ndighi.

WAFILIPI 2:16

Mkijiwadia nandighi ilagho ja irangi, eri nidime kukukasa ijo Ituku ja Kristo, kukaia serekimbirieghe, angu kubonya kazi duu anduangi.

ZABURI 27:14

Mrumirie BWANA; kukufungishe ndighi hata kusefo ngolo; hee, mrumirie BWANA.

1 WAKORINTHO 15:58

Kwa huwu wanidu nimkunde, mangenyi msakenyavurika; mkimdumikia Bwana tulituli, mkimanya angu kazi yenyu andenyi ya Bwana si ya duu anduangi.

WAFILIPI 1:8

Angu Mlungu ni mshahidi wapo seji niko na bea mbaa kwa wundu ghonyu mmbose, kwa lukundo lwa Kristo Jesu.

WAEBRANIA 10:23

Ndedimazire uko kurumiria kwa isuwirio jedu, disakenyavurika; angu uo ulaghirie ni mloli.

WAROMA 2:7

Awo wawuyabonya mecha kwa kurumaghia, wikilola wubaa na ishima, na kudua kwa kala, uchawineka irangi ja kala na kala.

JOHANE 8:31

Jesu ukawizera waja Wayahudi weremrumirieghe, “Mkaghiwadia mafundisho ghapo, mchakaia wanughi wapo loli,

2 TIMOTHEO 2:1

Idana oho mwanwapo, kaia nandighi kwa chia ya mvono ghuko andenyi ya Kristo Jesu.

WAFILIPI 2:26

Angu orekoghe na bea emmbona inyo mmbose, ela orekoghe ukisumbuka kwa kukaia seji msikire, orekoghe mkongo.

2 WAKORINTHO 1:14

sa iji koni mmerie kutambukilwa kutini; eri mpate kukukasa nesi, seji didimagha kukukasa nenyo ijo Ituku ja Bwana Jesu.

MABONYO GHA WADUMI 11:23

Nao iji wavika aho, na kuwona seji Mlungu uredie mvono ghwake kwa wandu, ukaboilwa; ukawishashira wose widuo waloli kwa Bwana wikifunga ndighi kumnugha kwa ngolo yose.

MABONYO GHA WADUMI 2:42

Wikafunga ndighi kughiwadia mafundisho gha wadumi, na kukaia na wungara, chiaimweri na kughuchikanya mkate, na kulomba Mlungu.

ZABURI 125:1

Awandu wimrumiriagha BWANA, weeka sa Mghondi ghwa Sioni ghusedimagha kunyavurika, ela ghwadua kwa kala.

2 PETRO 3:17

Kwa huwo inyo wakundwa, mkimanya maza iri kiimbiri, mkulindie msechelaghashwa ni ijo ikosa ja wandu wileghagha, mchelaghalwa ni uko kumanga konyu.

WAEBRANIA 4:14

Idana kwa kukaia deko na Mkohani M'baa, uo orengirieghe mlungunyi, Jesu, Mwana wa Mlungu, ndedimazire kuja kurumiria kodu.

WAEBRANIA 3:14

Angu deko wangara wa Kristo, ikakaia damazira hata kutua kuja kurumiria kodu kwa imbiri, ingelo ighorwagha,

2 WATHESALONIKE 2:15

Kwa wundu ugho wanidu, mangenyi gi na kumazira agho mafundisho deremfundishireghe; ngera ni kwa chia ya madedo ghedu, angu kwa chia ya barua.

WAKOLOSAI 4:12

Epafra mumzenyu, nao ni mdumiki wa Kristo Jesu, wamroghua. Wawuyamlombia nandighi ngelo rose, mkaie wandu mzoghue mmangishiro, muichi putu ulo lukundo lose lwa Mlungu.

WAGALATIA 5:1

Kwa wundu ghwa wuhuru, Kristo wadiwikie huru; kwa huwo, mangenyi gi, hata msakerumiria kungirwa ghongolo ya wazumba sena.

MABONYO GHA WADUMI 14:22

Wikiwimangisha awo warumirii, na kuwifungisha ndighi widuo andenyi ya ijo irumirio wikighamba, “Ni suti dighungie Wuzuri ghwa Mlungu kwa chia ya wasi mungi.”

1 WATHESALONIKE 3:13

Kwa chia ihi, uchamneka ndighi; nenyo mchakaia mkatie na muelie imbiri ya Mlungu Aba odu, iji Bwana odu Jesu uchaacha andwamweri na waeli wake wose.

MATHAYO 10:22

Mchazamia wandu wose kwa wundu ghwa irina japo. Ela uo uchaarumaghia hata kutua, uchakia.

AYUBU 31:36

loli cheni nadaghifunga a iweghenyi kwapo, na kughirwa sa kirumbu chongonyi kwapo.