Biblia Todo Logo
Bib sou entènèt

- Piblisite -




WAFILIPI 2:1 - Biblia Ilagho Jiboie Kwa Wandu Wose

1 Kwa huwo, ikakaia koko kuhoreshwa ngolo kungi andenyi ya Kristo, ikakaia iko ngolo ingi ya lukundo, ikakaia ghoko wungara ghungi ghwa Roho, ikakaia koko kurirana kungi kwa lukundo na wughoma;

Gade chapit la Kopi




WAFILIPI 2:1
42 Referans Kwoze  

Idana inyo sa wandu wa Mlungu msaghulo, waeli mkundo, mkaie na ngolo ya wughoma, wucha, kukusera, wumboa, na kurumaghia;


Ndekuwadie mndungi ummbonie Mlungu jingi; dikakundana diweni na diweni, Mlungu uchakaia andenyi kodu, na lukundo lwake luchakatia andenyi kodu.


Mvono ghwa Bwana Jesu Kristo, na lukundo lwa Mlungu, na wungara ghwa Roho Mweli, vikaie na inyo mmbose.


eri wipate kuhoreshwa ngolo rawo kwa kuwadanishwa chiaimweri kwa lukundo, wipate iro mali rose ra kuelelwa kwa loli, na kuimanya ngasu ya Mlungu, nayo ni Kristo;


Kwa kukaia, isi diwose derebaputiziroghe dikaie wa mumbi ghumweri kwa uo Roho umweri; ikaiagha ni Wayahudi, angu Wagriki; ngera ni wazumba, angu wakitina; isi diwose derenyosheroghe uo Roho umweri.


Yaboie saki wanidu kukaia chiaimweri kwa wumweri!


Ela itunda ja Roho, ni lukundo, kuboilwa, sere, kurumaghia, kutala wandu, ishima, wuloli,


Na angu muko wana, Mlungu wadumie Roho wa Mwana wake andenyi ya ngolo redu, ukemagha, “Abba! Aba.”


Wandu wose wererumirieghe werekoghe na nia imweri na roho imweri, hata mndungi ndereghorieghe wei kindo chingi ni chake moni uekeri anduangi; ela werekoghe na wungara ghwa vilambo vose.


Wandu wose wiiwadiagha memu ya Mlungu, wadakaia andenyi kwake, nao moni andenyi kwawo. Kwa chia iyo, isi damanya angu Mlungu oko andenyi kodu, kwa uo Roho oredinekieghe.


Idana niacha kwako; nani naghighora malagho agha wurumwengunyi, eri kuboilwa kwapo kukate kuchuo andenyi ngolonyi kwawo.


Kwa wundu ugho daichi na kurumiria ulo lukundo Mlungu udikunde nalo. Mlungu ni lukundo, na uo ukaiagha andenyi ya lukundo, wadakaia andenyi ya Mlungu, na Mlungu wadakaia andenyi kwake.


Angu isi de wakushamishwa wa loli, wandu dimtasagha Mlungu kwa Roho, na kukukasa andenyi ya Kristo Jesu, hata ndediwueritala maza ra mumbi anduangi;


Welee, ndemmanyire inyo mo hekalu ya Mlungu, na angu Roho wa Mlungu wadakaia andenyi konyu?


Huwo koni uja Roho waditesia wunyonge ghodu; angu isi ndediichi kulomba seji ifwanagha, ela uja Roho moni wadilombia kwa kusoria ngolo kubaa kuseghorekagha.


Na isuwirio ndejidifushagha waya; angu lukundo lwa Mlungu lwadirilo ngolonyi kodu kwa chia ya Roho Mweli uo dinekelo.


Na ituku ituku werekoghe wikingia Hekalunyi, na kughuchikanya mkate nyumbenyi kwawo, wikija vindo kwa kuboilwa na ngolo rielie,


Wandu wisaghulo na kuwikwa ni Mlungu uja Aba, na kueleshwa ni uo Roho, wipate kumsikira Jesu Kristo, na kueleshwa kwa bagha yake. Mvono na sere nderichurikie konyu.


eri kwa chia ya agho malagho awi, ilaghiro na ighemi, agho isedimikagha Mlungu ughore tee, isi dikusaghikie nao, didime kukaia na ngolo mbaa ejiwada ijo isuwirio jiwikilo imbiri kodu.


Angu Mlungu ni mshahidi wapo seji niko na bea mbaa kwa wundu ghonyu mmbose, kwa lukundo lwa Kristo Jesu.


Mumbi ni ghumweri, na Roho ni umweri, sa iji koni morewangiloghe ni Mlungu kwa ijo isuwirio jimweri ja kuwangwa konyu.


Ela chawucha kwa Mlungu, uo udighenjagha kari kose dikisima andenyi ya Kristo; na kueresha irumba icha ja kummanya uo kula andu, kwa kuditumia isi.


Naghora loli wanidu, ngikukasa andenyi ya Kristo Jesu Bwana odu kwa wundu ghonyu; nadaka kifonyi kula ituku!


“Namsighia sere, sere yapo namneka, simnekagha seji wurumwengu ghubonyagha. Msakeja wasi ngolonyi konyu, hata msakeobua.


“Sichaamsigha wakiwa anduangi, ela nichacha konyu.


Nao ahoeni Jerusalemu, korekoghe na mundu uwangwagha Simeoni. Mundu uhu orekoghe mundu wa hachi umuobuagha Mlungu, nao orekoghe ukighuwesera ghuja wuhoreshi ghwa Israeli, na Roho Mweli orekoghe aighu kwake.


Kwa huwo niaililia Moabu na muzi ghwa Kir-heresi.


Swiv nou:

Piblisite


Piblisite