WAFILIPI 1:9 - Biblia Ilagho Jiboie Kwa Wandu Wose

⁹ Ilombi japo ni angu lukundo lonyu luchurikie nandighi kuchumba, chiaimweri na kumanya na kutambukilwa kose;

WAFILIPI 1:9 Referans Kwoze

1 WATHESALONIKE 3:12

na Bwana ndem'bonye mchurikie, na kukaia na lukundo mmbeni na mmbeni kwa wungi; na kuwikunda wandu wose, seji isi dawuyamkunda inyo.

WAKOLOSAI 1:9

Kwa wundu ugho, kufuma dasikira agho, dadamlombia toe; eri mchulo ni kulumanya lukundo lwa Mlungu, kwa suku rose ra kiroho na kutambukilwa.

FILEMONI 1:6

Nani naawuyalomba angu wungara diko nagho aighu ya irumirio jako, ghurede kumanya agho mecha ghedu diko nagho andenyi ya Kristo.

WAKOLOSAI 3:10

na kurwa wundu wuwishi; nagho ghwaawuyabonywa wuwishi ghupate kummanya kwa kufwananishwa na uo muumbi wake.

1 PETRO 1:22

Kwa kukaia mwamerie kujielesha irangi jenyu kwa kuisikira ija loli, na kupata lukundo lwa loli lowikunda wanidu, fungenyi ndighi kukundana mmbeni na mmbeni kwa ngolo.

2 WAKORINTHO 8:7

Idana angu mwachua maza rose, irumirio, kughora, kumanya, kufunga ndighi kose, na uko kudikunda isi; zighanenyi angu mkaie mchurikie andenyi ya ihi kazi ya mvono wori.

1 WAKORINTHO 14:20

Wanidu, msakekaia sa wana kwa akili renyu; kwa mawiwi mkaie sa wanake, ela kwa akili, mkaie wandu mzoghue.

2 WATHESALONIKE 1:3

Deko na suti emfunyira Mlungu chawucha matuku ghose kwa wundu ghonyu wanidu, sa iji koni ifwanagha; kwa kukaia irumirio jenyu jaawuyazoghua kwa wungi, na lukundo luko aghadi konyu kwa kula mundu na mmbao lwaawuyachurikia.

2 PETRO 3:18

Ela mzoghuo andenyi ya mvono, na uko kummanya Bwana na Mkiri odu Jesu Kristo. Kwake uo, ndeghukaie ghuja wubaa, kufuma idana, hata kwa kala na kala. Amen.

WAEBRANIA 5:14

Ela vindo vikurie, ni va wandu wabaa, awo wikufundishire kwa kurizaisira akili rawo ridime kumanya mecha na mawiwi.

WAEFESO 5:17

Kwa huwo, msekaie wakelu, ela mtambukilo seji Bwana ukunde konyu.

MAKATANISHO 4:18

Ela chia ya wahachi ni sa mwengere ghwa ndoe kuela; ghuchuriagha kung'ala-ng'ala hata dime ivike.

1 WATHESALONIKE 4:1

Kutua wanidu, damvoya na kumshashira inyo andenyi ya Bwana Jesu, kukaia, sa iji koni morekufundishireghe kodu seji imfwane kughenda, na kum'boia Mlungu seji koni mwawuyabonya, mchurie kubonya woruwo koni.

AYUBU 17:9

Elaima mhachi uchaimaziria chia yake, na uo usewadie ikosa, uchachuria kukaia na ndighi.

ZABURI 119:66

Kunifundishe kumanya na kutanya nicha, angu nairumirie memu yako.