WAFILIPI 1:6 - Biblia Ilagho Jiboie Kwa Wandu Wose

⁶ Nani neko na loli kukaia, uo oreizoeghe kazi ndicha andenyi konyu, uchadua ukiikatisha hata ijo Ituku ja Jesu Kristo.

WAFILIPI 1:6 Referans Kwoze

WAFILIPI 2:13

angu Mlungu wawuyabonya kazi andenyi konyu, ukimneka nia ekunda na kubonya iro rawuyam'boia uo.

WAEFESO 4:12

kwa wundu ghwa kuwiwika nicha waeli kwa kazi ya wudumiki, kwa kuagha mumbi ghwa Kristo.

1 PETRO 5:10

Nenyo, nyuma ya kutirirwa kwa ngelo ndini, uo Mlungu wa mvono ghose, ummbangie kwa wubaa ghwake ghwa kala na kala andenyi ya Kristo, uchamkatisha moni, na kummangisha, na kumneka ndighi.

ZABURI 138:8

BWANA, kuchakatisha malaghiro ghako kwapo; lukundo lwako lukatie ee BWANA lwadua kwa kala. Kusakesigha kazi kuibonyere.

1 WAKORINTHO 1:8

Uo uchamlindia inyo hata kutua, mpate kukaia msewadie ikosa jingi Ituku ja Bwana odu Jesu Kristo.

2 WATHESALONIKE 1:11

Kwa wundu ughu, dawuyamlombia inyo matuku ghose, eri Mlungu odu upate kum'bonya mkaie wandu wifwane kwa ijo irangi oremmbangieghe; nenyo mdime kukatisha kula ilagho icha, na kazi ya irumirio kwa ndighi rake;

WAEBRANIA 10:35

Kwa huwo msakeghusigha ugho wuwana ghonyu, angu ghoko na mafungu mabaa.

JOHANE 6:29

Jesu ukawitumbulia, “Kazi ya Mlungu niyo ihi: inyo kumrumiria uo oremdumieghe.”

WAFILIPI 1:10

eri mpate kusaghua iro riboie kuchumba, na kukaia muelie msewadie ikosa jingi ijo Ituku ja Kristo,

WAEBRANIA 12:2

dikimzighana Jesu mzoishi na mkatishi wa irumirio jedu. Uo, kwa wundu ghwa kuja kuboilwa korewikiloghe imbiri kwake, oreghurumaghieghe msalaba, ukaghumenya waya; nao waserie kidombo chia ya mkonu ghwa kiwomi ghwa kifumbi cha nguma cha Mlungu.

1 WATHESALONIKE 1:3

Nesi dawuyaikumbuka imbiri ya Mlungu Aba odu, iyo kazi yenyu ya irumirio, na kufunga ndighi konyu kwa lukundo, na kumanga kwa isuwirio andenyi ya Bwana odu Jesu Kristo.

FILEMONI 1:21

Nakuandikia niko na wuloli angu kuchanisikira; ngimanya angu kuchabonya mengi kuchumba agho naghora.

WAFILIPI 1:29

Angu inyo mwanekelo, si uko kurumiria Kristo koni anduangi, ela hata na kutirirwa wori kwa wundu ghwake;

2 WATHESALONIKE 3:4

Nesi deko na irumirio kwa Bwana kwa wundu ghonyu kukaia, mwawuyabonya; na mchabonya agho malagho dawuyamlaghira.

WAKOLOSAI 2:12

Nenyo mwarikilo andwamweri nao kwa wubaputizo, na kwa ugho wubaputizo, mkarukanya andwamweri nao kwa chia ya irumirio, kwa uko kubonya kazi kwa Mlungu; uo oremrukishireghe Kristo kufuma kwa wafu.

2 WAKORINTHO 7:16

Neko na kuboilwa kubaa, angu neko na irumirio jikate konyu.

MABONYO GHA WADUMI 11:18

Wiendasikira agho wikanyama kima. Wikamkasa Mlungu wikighamba, “Mlungu wawinekie wandu wa mbari zima wori kuhea kovikia kupata irangi.”

MABONYO GHA WADUMI 16:14

Umu wa awo weredisikireghe orekoghe muka uwangwagha Lidia, ufumie muzi ghwa Thuatira, uuzagha vilambo va rangi ya zambarau. Muka uo orekoghe mtasi Mlungu, na Bwana ukarughua ngolo yake ughisikire malagho gherekoghe ghikighorwa ni Paulo.

WAGALATIA 5:10

Neko na irumirio kwa Bwana, kukaia, inyo ndemchaawada mawoni mazima, ela ghapo gheni; na uo mundu wawuyamjisha wasi, uchatanywa andu koni uko.

2 PETRO 3:10

Ela Ituku ja Bwana jichacha sa kitoi; ituku ijo, mlungunyi kuchaida kwa lwaka lubaa, na vilambo viko andenyi yaro vichasagha kwa modo, na ndoenyi kuchahia chiaimweri na vilambo vose viko andenyi yaro.

2 WAKORINTHO 9:4

isechekaia ngera Wamakedonia wamu wichanye nanimoni, nao ghukaie waya kodu iji damkua mseko tayari; (ndedighambagha wei ni konyu) angu dimrumirie na ndighi.

2 WAKORINTHO 2:3

Nani neremuandikieghe ghaja gheni, eri ngacha nisevaviro ngolo ni waja wandu weni inifwaneghe winibonye niboilo. Angu nerekoghe na wuloli kwa inyo mmbose kukaia, kuboilwa kwapo kuchakaia kuboilwa konyu inyo mmbose.

2 WAKORINTHO 1:15

Kwa kukaia neremanyireghe putu agha ghose, niko nerekundieghe nizoe niche konyu kande, eri kuboilwa konyu kukaie mando awi.

WAFILIPI 2:12

Kwa huwu wakundwa, sa iji koni msikiragha ngelo rose, kaienyi huwo koni hata idana; si iji niko aeni anduangi, ela kuchumba, hata ingelo niseko wori. Katishenyi kukia konyu mmbeni, kwa kuobua na kusughusika;

WAFILIPI 2:16

Mkijiwadia nandighi ilagho ja irangi, eri nidime kukukasa ijo Ituku ja Kristo, kukaia serekimbirieghe, angu kubonya kazi duu anduangi.