WAFILIPI 1:28 - Biblia Ilagho Jiboie Kwa Wandu Wose

²⁸ msewiobuagha watangali wenyu kwa ilagho jingi. Ihi ni alama kwawo iko worinyi iwonyeragha kutota kwawo, ela konyu ni kukia nako kuafuma kwa Mlungu.

WAFILIPI 1:28 Referans Kwoze

MATHAYO 10:28

Msakewiobua awa wibwaghagha mumbi wisedimagha kubwagha roho; ela muobuonyi uo udimagha kubwagha roho na mumbi kwa jehanamu.

ISAYA 51:7

“Nisikirenyi inyo muimanyagha hachi, inyo wandu mmbwadie sharia yapo ngolonyi; msakeobua masholio gha wandu, hata msakefwa waya kwa kudukana kwawo.

WAROMA 8:17

na ikakaia diko wana, de wandu wa ifwa, wandu wa ifwa wa Mlungu, na wangara wa ifwa andwamweri na Kristo; ikakaia datirirwa andwamweri nao, eri diwonekaswa andwamweri nao wori.

WAEBRANIA 13:6

Niko dadima kughamba kwa wuwana, “Bwana nuo mtesia wapo, sichaaobua anduangi; mdamu wadima kunibonya wada?”

ISAYA 12:2

“Ola Mlungu nuo kukia kwapo, nichamrumiria hata sichaaobua anduangi; kwa kukaia BWANA Mlungu nuo ndighi na lumbo lwapo, nao nuo kukia kwapo.”

WUFUNUO 2:10

Kusakeobua agho matiriro ghichaakuchea. Olenyi wamu wenyu mwalighisa kungirwa kifungonyi ni Ibilisi, upate kumtima; nenyo mchatirirwa matuku ikumi. Kukaie mloli hata kufwa, nani nichakuneka kirumbu cha irangi.

1 WATHESALONIKE 2:2

Ela hata ngera derepatireghe wasi, na kubonywa kiwiwi aja Filipi, seji mwawuyamanya; derekoghe na ngolo kwa Mlungu odu, kumchilia inyo ijo Ilagho Jiboie ja Mlungu dikitangalwa na ndighi.

LUKA 3:6

na kula mundu uchawona kukia kwa Mlungu.’”

ISAYA 51:12

BWANA waghamba, “Ni Ini, ee, ni inimoni nikuhoreshagha, waghamba BWANA; kwaki oho kumuobuagha mdamu ufwagha, uo mwana wa mdamu uko sa nyasi riomagha shwa,

KUZOYA 49:18

“Ini nichakuweseria kukia kwako ee BWANA.

MABONYO GHA WADUMI 28:28

“Kwa huwu mumanye angu uku kukia kwa Mlungu kwaghenjerwa wandu wa mbari zima, nawo wichasikira.” [

ZABURI 50:23

Mundu unifunyiragha vizongona va chawucha, wadanineka ishima, na uo uboisagha mighendo yake, nichammbonyera kukia kwapo.”

JOHANE 16:8

Nao moni kasikira wacha, uchaghuwonyera wurumwengu worinyi seji ghukosere; kwa kaung'a, na kwa hachi, na kwa kutanywa.

MARKO 3:3

Jesu ukamzera uja mundu uko na mkonu ghwake ghukelemere, “Choo aha imbiri.”