WAFILIPI 1:27 - Biblia Ilagho Jiboie Kwa Wandu Wose

²⁷ Ilagho jikundikie konyu, ni ja inyo kughenda karakara na ijo Ilagho Jiboie ja Kristo, eri ngera nacha kummbona, angu ngera nakaia kula nenyo, nisikire wori mwawuyamanga andenyi ya roho imweri, muko na nia imweri, mkifunga ndighi chiaimweri kwa irumirio ja Ilagho Jiboie;

WAFILIPI 1:27 Referans Kwoze

WAEFESO 4:1

Kwa huwu, ini niko mfungwa kwa wundu ghwa Bwana, namlomba mkaie na kughenda kufwananagha na kuwangwa konyu uko morewangiloghe.

1 WAKORINTHO 1:10

Namvoya wanidu kwa irina ja Bwana odu Jesu Kristo, msikirane; hata kusekaie kuwaghanyika kungi aghadi konyu, ela mmbwadane kwa nia imweri na njama imweri.

2 PETRO 3:14

Kwa huwo wakundwa, angu mwawuyawesera maza iri, fungenyi ndighi, mkulo ni Mlungu wandu msewadie iboli hata ikosa jingi; mko na sere.

WAKOLOSAI 1:10

Mkaie na irangi jimfwanagha Bwana, jim'boiagha putu, mkibonya kazi ndicha kwa kula chia, na kuchurikia kwa kummanya Mlungu.

JUDA 1:3

Wakundwa, ngikaia na bea mbaa emuandikia malagho aighu ya kukia kodu isi diwose, nerewonieghe ni suti niandike, ngimlomba angu mujidederie ijo irumirio werenekeloghe awo waeli indo jimweri tua.

1 WATHESALONIKE 4:1

Kutua wanidu, damvoya na kumshashira inyo andenyi ya Bwana Jesu, kukaia, sa iji koni morekufundishireghe kodu seji imfwane kughenda, na kum'boia Mlungu seji koni mwawuyabonya, mchurie kubonya woruwo koni.

WAFILIPI 2:12

Kwa huwu wakundwa, sa iji koni msikiragha ngelo rose, kaienyi huwo koni hata idana; si iji niko aeni anduangi, ela kuchumba, hata ingelo niseko wori. Katishenyi kukia konyu mmbeni, kwa kuobua na kusughusika;

WAFILIPI 3:18

Angu namghorie kalazi koni, hata idana niamghoria kwa kudikwa ni mbori kukaia, wandu wengi wakaia wamaiza wa msalaba ghwa Kristo.

2 WAKORINTHO 13:11

Kutua wanidu, mkaie mana. Boisenyi chia renyu, munisikire, mmbwadane, mkaie na sere, na uo Mlungu wa lukundo na sere uchakaia andwamweri nenyo.

MABONYO GHA WADUMI 4:32

Wandu wose wererumirieghe werekoghe na nia imweri na roho imweri, hata mndungi ndereghorieghe wei kindo chingi ni chake moni uekeri anduangi; ela werekoghe na wungara ghwa vilambo vose.

ZABURI 133:1

Yaboie saki wanidu kukaia chiaimweri kwa wumweri!

JEREMIA 32:39

Nichawineka nia imweri na chia imweri, wipate kuniobua kwa kala na kala kwa mecha ghawo na gha wana wawo wichaanugha nyuma.

2 PETRO 3:11

Kwa kukaia vilambo ivi vose vichasagha huwu, yamfwana inyo mkaie wandu wifwane wada? Yamfwana mkaie na irangi jielie, na kuobua kwa Mlungu;

1 WAKORINTHO 15:58

Kwa huwu wanidu nimkunde, mangenyi msakenyavurika; mkimdumikia Bwana tulituli, mkimanya angu kazi yenyu andenyi ya Bwana si ya duu anduangi.

WAROMA 1:16

Angu ini sijiwoniagha waya Ilagho Jiboie, kwa kukaia ni ndighi ra Mlungu remkira mundu uo ose urumiriagha; kwa Myahudi kande, na kwa Mgriki wori.

JAKOBO 3:18

Na mavalo gha hachi, ni mbeu iwalwagha andenyi ya sere ni awo wibonyagha sere.

FILEMONI 1:5

kwa kukaia nawuyasikira malagho gha irumirio kuko najo kwa Bwana Jesu, na lukundo kuko nalo kwa waeli.

TITO 2:10

hata kuiwa-iwa, ela wiwonyere seji wiko waloli putu, eri wipate kwa maza rose kughirudia ishima mafundisho gha Mlungu Mkiri odu.

2 TIMOTHEO 4:7

Namerie kulwa ghuja wuda ghuboie, namerie mwendo ghwapo, na irumirio najilindirie.

1 TIMOTHEO 1:19

kukijimazira ijo irumirio na nia iboie. Wandu wamu waleghie kuisikira iyo nia, wikadima wakunonia irumirio jawo;

1 TIMOTHEO 1:11

karakara na ijo Ilagho Jiboie ja wubaa, ja Mlungu ukaswaghwa; ijo nerenekeloghe nijidumikie.

MABONYO GHA WADUMI 2:46

Na ituku ituku werekoghe wikingia Hekalunyi, na kughuchikanya mkate nyumbenyi kwawo, wikija vindo kwa kuboilwa na ngolo rielie,

MATHAYO 12:25

Nao Jesu ukimanya maghesho ghawo ukawizera, “Wuzuri ugho ghose ghuwaghanyikagha mafungu mafungu, ndeghudimagha kumanga anduangi; hata ndekuwadie muzi angu nyumba iwaghanyikagha cheni idimagha kumanga anduangi.

MAKATANISHO 22:23

BWANA uchawidederia, nao uchawiredia wasi awo wawuyawisoka.

1 WATHESALONIKE 3:6

Ela idana angu Timotheo uwurie kufuma konyu, na kudiredia malagho mecha gha irumirio jenyu na lukundo, wadighorie seji mwawuyadikumbuka tulituli, mkikaia na bea mbaa ediwona, seji koni isi diko na bea mbaa emmbona.

WAKOLOSAI 1:4

angu dasikire malagho gha irumirio jenyu muko najo kwa Kristo Jesu, na lukundo muko nalo kwa waeli wose;

WAFILIPI 2:24

nani wokoni narumiria Bwana ukakunda nichacha wori.

WAEFESO 1:15

Kwa wundu ughu, angu nisikire malagho gha irumirio jenyu andenyi ya Bwana Jesu, na lukundo lonyu kwa waeli wose,

WAEFESO 1:13

Andenyi ya Kristo, inyo wori moresikireghe ilagho ja loli, ijo Ilagho Jiboie ja kukia konyu; nenyo mwendamrumiria, morekabiloghe muhuri kwa Roho Mweli wa ilaghiro;

WAGALATIA 1:7

Si angu wei jeko ilagho jiboie jingi izima, ela weko wandu wamu wawuyamjisha wasi na kukunda kujighalua Ilagho Jiboie ja Kristo.

2 WAKORINTHO 9:13

Kwa chia ya kutimwa kwaro wudumiki ughu, wichamkasa Mlungu wikiwona seji mwawuyasikira, kwa kujirumiria ijo Ilagho Jiboie ja Kristo; na kwa wundu ghwa iyo ngolo enyu ndicha efunya, kwa wundu ghwawo na kwa wazima wose;

2 WAKORINTHO 4:4

Awo ndewidimagha kurumiria, angu mlungu wa wurumwengu ughu wawituwira akili rawo, na kuwighiria wisewone mwengere ghwa Ilagho Jiboie ja wubaa ghwa Kristo; uo uko fwana ya Mlungu.

WAROMA 15:29

nani namanya angu ngakacha konyu, nichacha nichue marasimio gha Kristo.

WAROMA 15:16

nipate kukaia mdumiki wa Kristo Jesu kwa wandu wa mbari zima, kwa ugho wukohani ghwa Ilagho Jiboie ja Mlungu, eri wandu wa mbari zima wikaie kizongona chirumirikiagha kwa Mlungu, chieleshero ni Roho Mweli.

WAROMA 10:8

Ela ighora wada? Iaghora, Ilagho jeko kaavui kwako, momunyi kwako na ngolonyi kwako; (ijo nijo ilagho ja irumirio dawuyajichila.)

WAROMA 1:9

Mlungu, uo nimdumikiagha kwa ngolo yapo yose ngijichila ijo Ilagho Jiboie ja Mwana wake, nuo mshahidi wapo kukaia, nadamkumbuka inyo matuku ghose kwa malombi ghapo;

WAROMA 1:5

Kwa chia yake uo, isi dapatire mvono na wudumi ghowibonya wandu wa mbari rose wipate kusikira kwa uko kurumiria kwa wundu ghwa irina jake;

MABONYO GHA WADUMI 24:24

Nyuma ya matuku ghamu, Felike orechanyeghe na mkake Drusila nao ni Myahudi; ukamdumiria Paulo ukikunda umsikire ukighora malagho aighu ya irumirio jiko kwa Kristo Jesu.

ZABURI 122:3

Jerusalemu ni muzi ghuaghilo na kuwadanishwa nicha.

WAFILIPI 1:5

ngifunya chawucha kwa wundu ghwa wungara ghonyu aighu ya ijo Ilagho Jiboie, kufuma jija ituku ja imbiri hata idana.

WAFILIPI 3:20

Ela isi kedu ni mlungunyi, nesi daawuyammbesera Mkiri ufumagha aho, Bwana Jesu Kristo;

WAFILIPI 4:1

Kwa huwu wanidu nimkunde, muniriragha, kuboilwa kwapo na kirumbu chapo, mangenyi huwo koni andenyi ya Bwana wakundwa.

1 MALAGHO GHA NGELO 19:12

Nao ukaghamba, “Wasiria wikanichumba ndighi, kunitesie; na Waamoni wikakuchumba ndighi niakutesia.