WAFILIPI 1:17 - Biblia Ilagho Jiboie Kwa Wandu Wose

¹⁷ Awo wamu waawuyamchila Kristo kwa nganyi hata si kwa nia ielie anduangi, wikikunda kuniredia wasi nikikaia kifungonyi.

WAFILIPI 1:17 Referans Kwoze

WAFILIPI 2:3

Msakebonya ilagho jingi kwa kukukunda mmbeni, angu kukunda wubaa ghwa duu; ela kwa kukusera, muwitale wambenyu kukaia wafwane kumchumba inyo.

WAFILIPI 1:7

Ni hachi ini kumririkanyira huwo inyo mmbose, kwa kukaia moko ngolonyi kwapo. Angu inyo mmbose moko wangara wa mvono andwamweri nani kwa kufungwa kwapo, na kwa kujidederia na kujimangisha ijo Ilagho Jiboie.

2 TIMOTHEO 4:16

Iji nerekoghe ngikudederia indo ja imbiri, ndekuwadie mndungi oreniteserieghe, wandu wose wedenikimbia. Mlungu usewitalie ikosa ijo.

1 TIMOTHEO 2:7

Kwa wundu ghwa ijo, ini nerewikiloghe nikaie mchili na mdumi, (Naghora loli sighoragha tee anduangi), mwalimu wa iro mbari zima, kwa irumirio na loli.

MABONYO GHA WADUMI 26:24

Nao iji Paulo orekoghe ukikudederia huwo, Festo ukaghamba kwa lwaka lubaa, “Paulo, koko na isu! Kushoma kwako kubaa kwaawuyakuwusira isu.”

MABONYO GHA WADUMI 26:1

Nao Agripa ukamzera Paulo, “Kwarumirilwa kukudederie kumoni.” Niko Paulo ukaghughorua mkonu ghwake na kukudederia huwu:

MABONYO GHA WADUMI 22:1

“Wanidu na weke aba, sikirienyi nikudederie imbiri konyu.”

LUKA 21:14

Kaienyi mmange ngolonyi konyu msecheja wasi, wei mchatumbulia wada;

WAROMA 2:8

Ela wandu wa sheshe, wiseisikiragha ija loli, wikinugha mawiwi, wichachelwa ni machu na kubia kubaa kwa Mlungu.

WAFILIPI 1:18

Da uko niwada? Ngera ni kwa mikalo, angu ngera ni kwa loli, kose-kose Kristo waawuyachilwa; na kwa wundu ghwa ijo ilagho, naboilwa.

2 TIMOTHEO 2:9

Kwa wundu ghwa ijo Ilagho Jiboie, nawuyatirirwa ningirilo pingu sa m'bonyi mawiwi. Ela Ilagho ja Mlungu ndejifungwagha.