WAFILIPI 1:15 - Biblia Ilagho Jiboie Kwa Wandu Wose

¹⁵ Wamu loli wamchila Kristo kwa iriso na nganyi, ela wazima wamchila kwa nia iboie.

WAFILIPI 1:15 Referans Kwoze

WAFILIPI 2:3

Msakebonya ilagho jingi kwa kukukunda mmbeni, angu kukunda wubaa ghwa duu; ela kwa kukusera, muwitale wambenyu kukaia wafwane kumchumba inyo.

2 WAKORINTHO 11:13

Wandu sa awo ni wadumi wa tee, waawuyabonya kazi kwa mikalo, wikikubonya weni kukaia wadumi wa Kristo.

2 WAKORINTHO 4:5

Angu ndediwuekuchila isi diweni anduangi, ela daawuyamchila Jesu Kristo kukaia Bwana, na isi kukaia wadumiki wenyu kwa wundu ghwa Jesu.

2 WAKORINTHO 1:19

Angu Mwana wa Mlungu Jesu Kristo, uo deremchilieghe konyu, ini, na Silvano, na Timotheo, si wa “Hee” na “Hata” anduangi; ela andenyi kwake ni “Hee” matuku ghose.

MATHAYO 23:5

Mabonyo ghawo ghose wadabonya wikikunda kuwonwa ni wandu, angu waghibonya mafindikio ghawo na hemu ra nguwo rawo rikaie mbaa;

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.

WAGALATIA 2:4

Ela kwa wundu ghwa awo wanidu wa tee werengiriloghe andenyi kwa kiviso, awo werengirieghe kuzighana wuhuru ghodu diko nagho kwa Kristo Jesu, eri widingire wuzumbenyi;

2 WAKORINTHO 12:20

Angu naobua kewada yadimika ngacha konyu nimkuo seji nisekunde, na inyo muniwone seji msekunde; na kewada koko kurashana, iriso, machu, wusu, kusimana, kudedana, sheshe, kukukasa na nganyi.

1 WAKORINTHO 13:3

Ngera nafunya vose niko navo, na kuneka wakiwa, hata kufunya mumbi ghwapo ghukoro, nani siwadie lukundo, sipatagha fwaida ingi anduangi.

1 WAKORINTHO 1:23

ela isi daawuyamchila Kristo usulubishiro, uo uko ikuwisho kwa Wayahudi, na wukelu kwa wandu wa mbari zima.

MABONYO GHA WADUMI 11:20

Ela korekoghe na warumirii wamu, wandu wifumie Kupro na Kurene, nawo iji wereghendieghe Antiokia, wikawighoria Wagriki agho malagho wori; wikiwichilia ijo Ilagho Jiboie ja Bwana Jesu.

MABONYO GHA WADUMI 10:36

Inyo mwamanya ijo ilagho orewighenjereghe Waisraeli, ukichila Ilagho Jiboie ja sere kwa chia ya Jesu Kristo (uo nuo Bwana wa wose).

MABONYO GHA WADUMI 9:20

Nao shwa wori ukazoya kumchila Jesu andenyi ya masunagogi ukighamba, “Jesu ni Mwana wa Mlungu.”

MABONYO GHA WADUMI 8:35

Niko Filipo ukazoya kughora; nao ukizoya na maandiko ghaja gheni, ukamchilia Ilagho Jiboie ja Jesu.

MABONYO GHA WADUMI 5:42

Na ituku ituku, Hekalunyi na nyumbenyi ndeweresighieghe kumchila Jesu kukaia Kristo anduangi.

MABONYO GHA WADUMI 8:5

Filipo ukasea muzi ghwa Samaria, ukawichilia Kristo.

WAROMA 2:8

Ela wandu wa sheshe, wiseisikiragha ija loli, wikinugha mawiwi, wichachelwa ni machu na kubia kubaa kwa Mlungu.