WAEFESO 2:3 - Biblia Ilagho Jiboie Kwa Wandu Wose

³ Na isi diwose derekoghe na bea ra mumbi aghadi kwawo, dikinugha bea ra mumbi na ra maririkanyo; na kwa asili, derekoghe aisi ya machu gha Mlungu, karakara na wandu wose.

WAEFESO 2:3 Referans Kwoze

TITO 3:3

Angu na isi diweni aho imbiri derekoghe wakelu disesikiragha, dilaghashiro, na kubonywa wazumba ni maboilo na bea zima-zima, dikimeria matuku ghedu kwa wuwiwi na iriso; dikizamia wandu, na kuzamiana diweni na diweni.

1 PETRO 1:14

Sa wana wisikiragha, msakekufwananisha na bea ra imbiri ra kusowa kumanya konyu.

WAEFESO 4:22

Ruonyi ghuja wuasili ghonyu ghwa tabia ya kala, ya irangi ja kunoneka kwa bea ra mikalo;

WAROMA 13:14

ela Bwana Jesu Kristo ukaie irwao jenyu; hata msakeghubonyera mumbi wulalo ghokatisha bea raro.

WAROMA 6:12

Kwa huwu msesighe kaung'a ibonye nguma andenyi ya mimbi yenyu ifwagha, hata mrumirie kurikatisha bea raro.

ZABURI 51:5

Ini ne mkaung'a kufuma kuvalwa kwapo; ne mkaung'a kufuma naamwa kifunyi kwa mao.

1 JOHANE 2:16

Angu iro maza rose riko wurumwengunyi, bea ra mumbi, bea ra meso, na kukujosa kwa irangi, ndevifumagha kwa uja Aba anduangi, ela vadafuma wurumwengunyi.

WAEFESO 2:2

iro morekoghe mkighenda naro aho imbiri, kwa kunugha mighendo ya wurumwengu ughu, na uo m'baa wa ndighi ra mbeonyi; iyo roho yawuyabonya kazi idana andenyi ya wandu wisemsikiragha Mlungu.

JOHANE 8:44

Inyo mo wana wa ndeyo uja Mmbiwi, na bea rake niro reni mkundagha kuribonya. Uo orekoghe m'bwaghi kufuma kuzoya, hata na jingi ndekaiagha na loli, angu ndekuwadie loli ingi andenyi kwake anduangi. Iji waghora tee, wadaghora kikwake cheni: angu uo moni ni mtee, na ndee wa tee rose.

2 WAKORINTHO 7:1

Idana kwa kukaia deko na malaghiro agha wakundwa, yadifwana dikueleshe isi diweni wuchafu ghose ghwa mumbi na roho, na kughukatisha wueli kwa uko kuobua kwa Mlungu.

1 WAKORINTHO 4:7

Kwani-lee, nani ukubonyere kuwoneke wuzima? Anguu, niki kuko nacho icho kuserenekeloghe? Da ikakaia kodenekwa-lee, kukukasiraki sena seji ndekorenekeloghe?

WAROMA 7:18

Naichi andenyi kwapo, nako ni andenyi ya mumbi ghwapo, kilambo chingi kicha ndechikaiagha anduangi.

MARKO 4:19

ela masumbuko gha wurumwengu, kuboilwanya na bea ra vilambo vizima, kwangia na kujibwagha jija ilagho; najo jalemwa ni kuva matunda.

KUZOYA 6:5

Nao BWANA ukaghuwona wuwiwi ghwa mdamu sa iji ghwakaia m'baa ndoenyi, na kula ighesho ja ngolonyi kwake ni wuwiwi mduu matuku ghose.

WAROMA 11:30

Na sa iji koni morekoghe msemsikiragha Mlungu aho imbiri, ela idana mwafuilo wughoma kwa wundu ghwa kulegha kwawo;

WAROMA 9:22

Ni huwo koni ikaie kwa Mlungu. Odekunda kuwonyera machu ghake, na kubonya ndighi rake rimanyike. Ela orekoghe na irumaghio ibaa, ukirumaghianya na waja werewikiloghe kwa wundu ghwa machu ghake; awo weretanyiroghe wipate kutoteshwa.

JOHANE 1:13

Awo werewurieghe wana wa Mlungu, si kwa ndighi ra kidamu, angu kwa ndighi ra mumbi, hata kwa lukundo lwa mdamu anduangi, ela kwa Mlungu.

ISAYA 53:6

Isi diwose dalagharie kara kara na ng'ondi, kula umu odu ukaighalukia chia yake moni; na BWANA ukamdukishira mawiwi ghedu ghose.

AYUBU 25:4

Mdamu udima wada kukaia mhachi imbiri ya Mlungu? Mdamu uvalo ni muka udima wada kukaia uelie?

AYUBU 14:4

Nani udimagha kufunya kilambo chielie kufuma kwa icho chiseelie? Ndeuko ungi.

KUZOYA 8:21

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya.

2 PETRO 2:18

Angu, wikideda madedo gha kukukasa gha wukelu, wawiruda kwa bea rawo ra wulaki wandu wimerie kufufunuka kafwani kufuma kwa awo wikaiagha makosenyi.

2 PETRO 2:14

Weko na meso ghichue wulaki, nawo ndewikunde kutana na kaung'a. Wakalia wandu wanyonge; ngolo rawo rakufundishire kukaia na lwafuo; ni wandu wiwadilo ni njowe putu.

1 TIMOTHEO 6:9

Na wandu wikunde kukaia na mali, waghwa na kungia matimonyi; wangia mdeghonyi, na andenyi ya bea nyingi ra ndengwa risewadie akili, iro riwinonagha, na kuwitotesha wandu.

WAGALATIA 3:22

Ela maandiko ghaawuyaghora kukaia wurumwengu ghose ghooka kaung'enyi, eri icho cherelaghiriloghe kwa irumirio jiko andenyi ya Jesu Kristo, chipate kunekwa awo wirumiriagha.

WAROMA 1:24

Kwa huwu Mlungu ukawisighanya na bea ra ngolo rawo wipate kubonya maza ra wuchafu, hata kuvikia kusowiana ishima kwa mimbi yawo weni na weni.

1 JOHANE 2:8

Ela sena namwandikia momu mmbishi ugho ghuko ghwa loli andenyi kwake, na andenyi konyu wori; kwa kukaia kira chaawuyaida, na mwengere ghwa loli ghwaawuyang'ala-ng'ala.

MABONYO GHA WADUMI 14:16

Kwa vivalwa viidie, uo moni orewisighieghe wandu wa mbari rose wighende sa iji werekundieghe weni.

KUZOYA 5:3

Iji Adamu orekoghe mundu wa miaka ighana na mirongo idadu orevaeghe mwana ufwanane nao moni, ukammbanga irina jake Sethi.

WAROMA 2:14

Angu wandu wa mbari zima, wisewadie Sharia ingi, iji wabonya kwa asili yawo maza ra Sharia, wakaia Sharia weni hata ngera ndewiwadie Sharia.

WAROMA 5:9

Idana angu dabonywa kukaia na hachi kwa bagha yake, kuchumba na ndighi, Uo uchadikira na machu gha Mlungu.

WAROMA 5:10

Ikakaia iji derekoghe wamaiza derepatanishiroghe na Mlungu kwa kifwa cha Mwana wake, kuchumba nandighi idana nyuma ya kukundanishwa, dichakirwa kwa irangi jake.

WAKOLOSAI 1:21

Na inyo ngelo rimu morekoghe kula na Mlungu, mkikaia wamaiza wake, kwa wundu ghwa mabonyo na maririkanyo ghenyu ghizamie.

1 WATHESALONIKE 4:13

Ela wanidu ndedikunde inyo mkaie msemanyagha malagho gha awo wimerie kufwa, eri msechekaia mkiwawa ni ngolo sa wandu wazima awo wisewadie isuwirio.

1 WATHESALONIKE 5:6

Kwa huwo disakelala seji wazima wilalagha, ela dichereshe na kukaia na akili.