WAEFESO 2:1 - Biblia Ilagho Jiboie Kwa Wandu Wose

¹ Na inyo, oremkaishireghe moyo iji morekoghe mfue rohonyi kwa wundu ghwa makosa na kaung'a renyu;

WAEFESO 2:1 Referans Kwoze

WAKOLOSAI 2:13

Na inyo, wandu morekoghe mfue kiroho kwa wundu ghwa makosa, na kwa kusowa kushamishwa kwa mimbi yenyu, Mlungu oremkaishireghe moyo andwamweri na Kristo, umeria kudifuya wughoma makosa ghedu ghose,

WAROMA 8:2

Angu ija Sharia ya Roho wa irangi jiko andenyi ya Kristo Jesu, yanibonyere nisekaie aisi ya sharia ya kaung'a na kifwa.

WAEFESO 4:18

Maririkanyo ghawo ghangirwa kira, hata ndewitambukilwagha; watanyiro na irangi ja Mlungu, kwa wundu ghwa wukelu ghuko andenyi kwawo, na kukua kwa ngolo rawo.

JOHANE 5:21

Angu sa iji koni Aba urukishagha wafu na kuwineka irangi, huwo koni Mwana wadawineka irangi awo uwikundagha.

1 JOHANE 3:14

Isi damanya angu damerie kufuma kifonyi na kungia iranginyi, kwa kukaia dawikunde awo wanidu. Uo ose usewadie lukundo, wadakaia kifonyi.

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

WAEFESO 5:14

Niko huwu ighorelo, “Wuka ee mundu kulalagha kuruke kufuma kwa wafu na Kristo uchakulangalishira mwengere.”

1 TIMOTHEO 5:6

Ela uo unughagha bea rake reni, wafue hata ngera oko moyo.

JOHANE 5:25

Namghoria loli, ngelo iacha, hata idana eko, iji wafu wichaalusikira lwaka lwa Mwana wa Mlungu, na awo wilusikiragha, wichakaia moyo.

1 WAKORINTHO 15:45

Niko huwo ikaandikwa, “Mundu wa imbiri, Adamu, oreumbiloghe ukakaia mundu uko moyo.” Adamu wa kutua ni roho unekagha irangi.

JOHANE 10:10

Kitoi chadacha kwa kuiwa, kubwagha na kunona; ini nerechieghe wipate kukaia na irangi ja kala na kala, sena wijipate kwa wungi.

WUFUNUO 3:1

“Na uo malaika wa ikanisa ja Saridi kumuandikie huwu: ‘Agha ni malagho gha uo uko na iro roho mfungade ra Mlungu, na nyerinyeri mfungade. Narimanya kazi rako; koko na irina jedua moyo, ela kwafue.

LUKA 15:32

Ni hachi putu kubonya maseko na kuboilwa, angu uhu mwanyinyu orekoghe ufue, nao hoyu oko moyo; orekoghe ulagharie, nao idana wawoneka.’”

LUKA 15:24

Angu uhu mwanwapo orekoghe ufue, nao hoyu oko moyo; orekoghe ulagharie, nao hoyu wawoneka.’ Wikazoya kuja na kubonya maseko.

MATHAYO 8:22

Ela Jesu ukamzera, “Ninughe, sigha wafu wirike wafu wawo.”

2 WAKORINTHO 5:14

Angu lukundo lwa Kristo lwadibonyera nguma, kwa kukaia damerie kuwona huwu, ikakaia mundu umweri orefueghe kwa wundu ghwa wose, huwo wose wedeefwa.

KUZOYA 8:21

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya.