WAEFESO 1:9 - Biblia Ilagho Jiboie Kwa Wandu Wose

⁹ Angu Mlungu wadimanyishire iyo ngasu ya lukundo lwake, kwa hikima yose na kumanya, kunughana na mpango ghwake oreghuwikieghe andenyi ya Kristo

WAEFESO 1:9 Referans Kwoze

2 TIMOTHEO 1:9

Mlungu oredikirieghe na kudiwanga dipate kukaia waeli; si kwa wucha ghwa kazi redu anduangi, ela ni kwa wucha ghwa mpango ghwake moni, na mvono ugho oredinekieghe andenyi ya Kristo Jesu imbiri ya ngelo.

WAEFESO 1:11

Andenyi kwake Kristo, kunughana na ugho mpango ghwa Mlungu, uo uvikatishagha vilambo vose, karakara na njama ya lukundo lwake,

WAEFESO 3:11

Maza iri, rerebonyeroghe ni Mlungu karakara na mpango ghwake ghwa kala, ugho ughukatishire andenyi ya Kristo Jesu Bwana odu;

WAGALATIA 1:12

Angu ini serejiwusireghe kufuma kwa mdamu, hata serejifundishiroghe, ela jedeecha kwa chia ya mafunuo gha Jesu Kristo.

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.

WAROMA 8:28

Isi damanya angu kwa maza rose Mlungu wadabonya kazi chiaimweri na awa wimkundagha kwa kureda mecha; awo orewiwangieghe kunughana na kukunda kwake.

WAGALATIA 1:16

uendaboilwa umfunukuo Mwana wake andenyi kwapo, eri niwonemchila aghadi ya iro mbari zima, serebonyereghe njama na mndungi;

MABONYO GHA WADUMI 13:48

Nao iji wandu wa mbari zima wasikira huwo, wikaboilwa na kujikasa ilagho ja Mlungu; na awo wose weretaliloghe kukaia wandu wepata irangi ja kala na kala, wikarumiria.

MATHAYO 13:11

Jesu ukawitumbulia, “Inyo mwanekelo kurimanya ngasu ra wuzuri ghwa mlungunyi, ela awo ndewinekelo anduangi.

MABONYO GHA WADUMI 4:28

Nawo werebonyereghe ghose korekundieghe ghikatisho kwa mpango ghwako.

MABONYO GHA WADUMI 2:23

Uo Jesu, orefunyiroghe konyu kwa mpango tiki ghoremanyikieghe kwa Mlungu; nenyo mkamsulubisha na kum'bwagha kwa mikonu ya wandu wawiwi.

JEREMIA 2:29

Kwaki munishitakiagha na hoku mmbose moonilegha?

ZABURI 33:11

Njama ya BWANA yadadua kwa kala na kala, makusudi gha ngolo yake ghadua hata vivalwa na vivalwa.

LUKA 2:14

“Wubaa ghukaie kwa Mlungu aighu na ndighi, na sere andoenyi kwa wandu; awo uboilwagha nawo!”

LUKA 12:32

“Msakeobua inyo chagha kitini, angu yam'boie Ndeyo onyu kumneka ugho wuzuri.

WAROMA 11:25

Wanidu, nakunde mmanye maza iri rivisikie, msechekalikia kwa kumanya konyu. Kughilika kwa Waisraeli kuchakaia kwa ngelo imu, hata mtalo ghwa wandu wa mbari zima wimghalukiagha Mlungu ghukatie;

1 WAKORINTHO 1:21

Angu Mlungu, kwa hikima yake, wurumwengu ghorelemeloghe ni kummanya kwa hikima yake cheni. Niko erem'boieghe Mlungu, kwa chia ya wukelu ghwa agha dawuyaghichila, kuwikira awo wirumiriagha.

WAGALATIA 1:15

Ela Mlungu, uo orenisaghueghe imbiri nisevalo, na kuniwanga kwa mvono ghwake,

WAEFESO 1:8

ugho udinekie kwa wungi.