WAEFESO 1:3 - Biblia Ilagho Jiboie Kwa Wandu Wose

³ Ndekaso uo Mlungu, Ndee wa Bwana odu Jesu Kristo, uo oredirasimieghe andenyi ya Kristo na kula irasimio ja kiroho cha mlungunyi.

WAEFESO 1:3 Referans Kwoze

1 PETRO 1:3

Mlungu ndekaso, uo Ndee Bwana odu Jesu Kristo. Kwa wughoma ghwake m'baa, isi derevaloghe wuwishi, dipate kukaia na isuwirio jiko moyo kwa chia ya uko kuruka kwa Jesu Kristo kufuma kwa wafu;

2 WAKORINTHO 1:3

Ndekaso uo Mlungu Ndee Bwana odu Jesu Kristo, Aba wa wughoma, na Mlungu wa wuhoreshi ghose;

WAEFESO 2:6

ukadirukisha andwamweri nao, na kudisera kidombo andwamweri nao andenyi ya malalo gha mlungunyi kwa Kristo Jesu;

KUZOYA 22:18

Na kwa kivalwa chako, mbari rose ra ndoenyi richanilomba irasimio, angu oho kwalusikira lwaka lwapo.”

WAEFESO 1:20

iro orerikatishireghe andenyi ya Kristo, iji oremrukishireghe kufuma kwa wafu, na kumsera kidombo chia ya mkonu ghwake ghwa kiwomi aho mlungunyi;

ZABURI 72:19

Irina jake ndejikaso kwa kala na kala, ndoenyi kose kuchuo wubaa ghwake. Amen, Amen.

WAEFESO 6:12

Angu ndediwuelwa na wadamu, ela daawuyalwa na mawubaa, na awo wiwadie ndighi, na wabonyi nguma wa wurumwengu ughu ghwa kira chiko idime, na majeshi gha roho rizamie, ghiko cha mlungunyi.

WAEFESO 3:10

ipate kukaia kwa chia ya ikanisa, hikima ya Mlungu iko kwa chia zima-zima, imanyike idana kwa wabaa na awo wiwadie ndighi wa malalo gha mlungunyi.

WAGALATIA 3:9

Niko huwo awo wose wiko wandu wa irumirio, warasimilwa chiaimweri na Abrahamu uo orekoghe na irumirio.

1 MALAGHO GHA NGELO 4:10

Jabeshi ukammbanga Mlungu wa Israeli ukighamba, “Nirasimie kunichurie isanga; nifungishe ndighi, na kunilindia nisepato ni ilagho jingi jizamie.” Mlungu ukamneka icho orelombieghe.

ISAYA 61:9

Kivalwa chawo chichamanyika kwa iro mbari ra wandu, ee, wana wawo wichamanyika aghadi ya wandu; wandu wose wichaawiwona, wichawitambua kukaia ni awo wandu BWANA uwirasimie.”

ZABURI 134:3

BWANA, uo ubonyere mlungunyi na ndoenyi, ndekurasimie kufuma Sioni.

JOHANE 17:21

Aba, nalomba angu wose wikaie kindo chimweri andenyi kodu; seji oho Aba kuko andenyi kwapo, na ini andenyi kwako. Nawo wikaie kindo chimweri, wurumwengu ghupate kurumiria angu ni oho korenidumieghe.

ZABURI 72:17

Irina ja mzuri ndejiduo kwa kala na kala, na sare yake iere na kukaia luma sa iruwa. Wandu ndewilombe irasimio kwa chia yake, na mbari ra wandu rose rimmbange mrasimilwa.

1 MALAGHO GHA NGELO 29:20

Niko Daudi ukajizera ikwanyiko jose, “Mkasenyi BWANA Mlungu odu.” Na iwkanyiko jose jikamkasa BWANA Mlungu wa weke ndee, wikaghoghomesha vongo vawo, wikamtasa BWANA na kumneka ishima mzuri.

WAEFESO 1:17

kukaia, uo Mlungu wa Bwana odu Jesu Kristo Aba wa wubaa, umneke inyo Roho ya hikima, na ya mafunuo ghemmanya uo.

2 WAKORINTHO 11:31

Uo Mlungu, na Ndee wa Bwana Jesu, uo ukaswagha kwa kala na kala, wamanya angu siwueghora tee kungi.

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

KUZOYA 14:20

Mlungu ndekaso Uo-Uko-Aighu-Nandighi, uo orekunekieghe wusimi kwa wamaiza wako.” Nao Abramu ukamneka ifungu ja ikumi ja ivo vose orekoghe navo.

1 WAKORINTHO 12:12

Angu sa iji mumbi ni ghumweri, nagho ghwawadie via vilazi, na via vose va mumbi hata ngera ni vingi, ela ni mumbi ghumweri, na Kristo ni huwo koni.

WAROMA 12:5

niko koni na isi; hata ngera deko wengi, ela de mumbi ghumweri andenyi ya Kristo, na via chimu chimu kula mundu na mmbao.

DANIELI 4:34

Nebukadnezari ukaghamba, “Kutua kwa agho matuku, ini Nebukadnezari nerewusireghe meso ghapo cha mlungunyi, nawurilwa ni akili rapo, ngamkasa Uo-Uko-Aighu-Nandighi, ngamkasa na kumneka ishima uo uduagha moyo kwa kala na kala. Uo wadabonya nguma kwa kala na kala, na wuzuri ghwake ghwadakaia vivalwa na vivalwa.

WAEFESO 1:10

kukaia, kwa ngelo ikatie, upate kuvikwanya vilambo vose andenyi kwake; ivo viko mlungunyi, na ivo viko andoenyi.

2 WAKORINTHO 5:17

Kwa huwo ngera mndungi oko andenyi ya Kristo, wakaia iumbo iwishi, maza ra kala rameria kuida, na iro mbishi rameria kucha.

WAROMA 15:6

eri mpate kumkasa Mlungu Ndee Bwana odu Jesu Kristo chia imweri, kwa lwaka lumweri.

NEHEMIA 9:5

Walawi winughagha wikawanga wandu wichemtasa Mlungu: Jeshua, Kadmieli, Bani, Hashabneia, Sherebia, Hodia, na Shebania, na Pethaya, wikighamba, “Wukenyi mumkase BWANA Mlungu onyu; mkasenyi kwa kala na kala! Kula mundu ndejikase irina jake ja wubaa, hata ngera ndeidimikagha mdamu umkase kwa kukata.”

WAEBRANIA 8:5

Awo waawuyabonya kazi iko fwana na kirerendi cha kazi ya Andu kwa Wueli kwa mlungunyi; angu iji Musa orekoghe kaavui na kuiwusira iyo hema, orefundishiroghe ni Mlungu ukizerwa, “Manya kubonye kula kindo karakara na mfwano ghuja ghoni korewonyeroghe aighu ya mghondi.”

WAFILIPI 2:11

na wandu wose wimghore Jesu Kristo kukaia ni Bwana, kwa wubaa ghwa Mlungu Aba.

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

WAEBRANIA 9:23

Huwo niko erekoghe suti, ivo vilambo viko fwana ya vilambo va mlungunyi, vielesho kwa iyo mizango ya dini. Ela va mlungunyi ivo, vaeleshwa kwa kizongona kicha kuchumba.

JOHANE 20:17

Jesu ukamzera, “Kusakeniwada, angu sijokie kande kwa Aba, ela ghenda kwa wanidu kuwighorie niajoka kwa Aba na Aba onyu; kwa Mlungu wapo na Mlungu onyu.”

JOHANE 14:20

Ngelo iyo ikavika, mchamanya angu ini neko andenyi ya Aba, na inyo moko andenyi kwapo, na ini andenyi konyu.

LUKA 2:28

Simeoni ukamwambaria mikonunyi kwake ukamkasa Mlungu ukighamba,

2 MALAGHO GHA NGELO 31:8

Hata iji Hezekia na wanjama wake wacha na kuwona ivo vitungu, wikamkasa BWANA, na wandu wake Israeli.