WAEBRANIA 9:8 - Biblia Ilagho Jiboie Kwa Wandu Wose

⁸ Kwa maza iri, Roho Mweli wawonyera kukaia chia engia Andu kwa Wueli Kuchumbie, yaduagha iserughulo iji iyo hema ya shighadi iduagha kimusi;

WAEBRANIA 9:8 Referans Kwoze

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

WAEBRANIA 3:7

Kwa huwo, seji Roho Mweli ughambagha, “Idime, ngera mwalusikira lwaka lwake,

WAEFESO 2:18

Angu kwa uo, isi diwose dapata chia emvikia uja Aba, andenyi ya Roho umweri.

2 PETRO 1:21

angu na jingi wulodi ghungi ndeghorechieghe kwa ndighi ya mdamu anduangi, ela wandu wereghorieghe malagho ghifumie kwa Mlungu, wikinyavurishwa ni Roho Mweli.

WAEBRANIA 9:3

Nanyuma ya pazia ya kawi, korekoghe na hema iwangwagha Andu kwa Wueli Kuchumbie.

WAGALATIA 3:8

Na maandiko ghikizoya kuwona seji Mlungu uchaawitala wandu wa mbari zima kukaia na hachi kwa irumirio, gherezoeghe kumchilia Abrahamu ghikighamba, “Mbari rose richarasimilwa kufumanya na oho.”

JOHANE 10:9

Ini nuo mnyango, uo ungiagha kwa kuidiria kwapo, uchakia; nao uchangia, na kufuma, na kuwona malisho.

MABONYO GHA WADUMI 28:25

Hata iji walemwa ni kupatana weni na weni, wikasighana nyuma ya Paulo kughora huwu, “Ni loli seji Roho Mweli oreghorieghe aighu ya weke ndeyo, kwa kumtumia mlodi Isaya ukighamba:

JOHANE 10:7

Nao Jesu ukaghora sena, “Namghoria loli, ini nuo mnyango ghwa ng'ondi.

ISAYA 63:11

Niko wikakumbuka matuku gha kala gha Musa mdumiki wa Mlungu, wikakotia, “Oko hao uo BWANA orewijosereghe vilongozi kufuma baharinyi? Oko hao uo BWANA orewinekieghe awo wandu Roho wake Mweli?

WAEBRANIA 10:15

Na Roho Mweli wori wadishuhudia; angu nyuma ya kughora,

LUKA 1:80

Nao uja mwana ukazoghua, na kukaia nandighi rohonyi kwake; ukakaia kireti, hata ituku ucheewoneka worinyi kwa wandu wa Israeli.