WAEBRANIA 9:27 - Biblia Ilagho Jiboie Kwa Wandu Wose

²⁷ Na seji koni iwikilo kwa wandu kufwa indo jimweri, na nyuma yaro kutanywa,

WAEBRANIA 9:27 Referans Kwoze

2 WAKORINTHO 5:10

Angu isi diwose, suti dikaie kimusi imbiri ya kifumbi cha kutanya cha Kristo; eri kula mundu upate malipo gha agho oreghibonyereghe ngelo uko mumbinyi; ikaiagha ni mecha, angu mawiwi.

MCHILI 12:7

Wandu wichawuya ndoenyi, na roho iwuye kwa Mlungu uo oreifunyireghe.

MCHILI 12:14

Angu Mlungu uchatanya kula ilagho dibonyagha jikaiagha jiboie angu jizamie; hata agho ghibonyero kivisonyi.

2 SAMUELI 14:14

Angu isi diwose dichafwa, nesi deefwanana na machi ghimerie kudilwa ghisedimagha kushoika; ela Mlungu ndeinjagha irangi ja mundu, ela wadapima ukilola maghesho ghemmbunja uja mundu uleghelo useduo kula nao.

MABONYO GHA WADUMI 17:31

Angu wawikie ituku jechaghutanya wurumwengu kwa hachi, kwa mundu uo oremmbikieghe; nao wawiwonyera wandu wose wuloli ghwa ilagho ijo kwa kumrukisha mundu uo kufuma kwa wafu.”

MCHILI 9:5

Wandu wiko moyo waichi wori wichafwa, ela awo wifue ndewiwuemanya ilagho jingi. Ndewiwadie ifungu jingi sena; weeliwika putu.

JUDA 1:15

kuwitanya wandu wose, na kuwiwonyera mabonyo ghawo ghose ghiseko na kuobua kwa Mlungu, agho wibonyere kwa iyo chia iseko na kuobua kwa Mlungu; na kwa wundu ghwa maza rose rizamie awo wakaung'a wisewadie kuobua kwa Mlungu wiridedie aighu ya Mlungu.”

2 TIMOTHEO 4:1

Nakulaghira imbiri ya Mlungu na imbiri ya Kristo Jesu, uo uchaawitanya wandu wiko moyo na wandu wifue, ngelo ya kuwoneka kwake kukaia mzuri.

MCHILI 11:9

Mundu wa irika, boilwa ngelo kuko mdawana. Bonya ijo jose ngolo yako ikunde kujibonye. Ela kumbuka kukaia Mlungu uchakutanya kwa ghose kubonyere.

WAROMA 5:12

Kwa huwo, sa iji kaung'a erengirieghe wurumwengunyi kwa chia ya mundu umweri, na iyo kaung'a ikareda kifwa, huwo koni kifwa chaidie na kungia kwa wandu wose; angu wose wabonyere kaung'a.

MCHILI 3:20

Mdamu na nyamandu wiaghenda andu kumweri; wose weefuma terinyi nawo wiawuya terinyi.

AYUBU 14:5

Irangi jake jeepimwa, na mtalo ghwa meri yake koko nagho; oho kwapangie kutua kwake, usedimagha kughalua.

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

WAEBRANIA 6:2

na ghwa mafundisho gha wubaputizo, na gha kuwikiria mikonu, na gha kuruka kufuma kwa wafu, na gha kutanywa kwa kala na kala.

ZABURI 89:48

Nani udimagha kudua moyo usefo jingi? Nani udimagha kukulindia usengie kaburinyi?

AYUBU 30:23

Namanya angu kuchaningira kifonyi, andu kuwikilo kwa wandu wose wiko moyo.

AYUBU 19:25

Ini namanya Mkomboli wapo oko moyo, na kutua uchacha kunivuvua.

WUFUNUO 20:11

Niko ngawona kifumbi cha nguma kibaa cha chokwa, na uo orechiserieghe. Nao ndoenyi na mlungunyi kukamkimbia, na andu kwaro ndekorewonekieghe anduangi.

WAROMA 2:5

Ela kwa kukulwa ni ngolo kwako, kusene wundu ghohea, kwaawuyakuwikia kumoni machu Ituku ja Kutanywa; iji kutanya kwa hachi kwa Mlungu kuchaafunukulwa.

MCHILI 9:10

Ijo jose kujibonyagha, bonya kwa kufunga ndighi; kwa kukaia ndekuwadie kazi ingi, angu ighesho jingi, angu kumanya kungi, hata hikima ingi andenyi ya wurumwengu ghwa wafu kwawuyakughendia.

KUZOYA 3:19

Kwa marughudia gha wushu ghwako kuchaja vindo, hata kwawuya ndoenyi andu korefunyiroghe. Angu ko teri oho, na terinyi kuchawuya.”

MCHILI 3:2

Ngelo evalwa na ngelo ya efwa; ngelo ewa na ngelo ekua;

WAEBRANIA 10:27

ela kuasighwa kulangaria kuja kutanywa koobosha, na kubia kwa modo, uko kuchaawilungura awo wamaiza.

1 JOHANE 4:17

Kwa ilagho iji, ulo lukundo lwa Mlungu lwakatishwa andenyi kodu, eri dipate kukaia na wuwana ijo Ituku ja Kutanywa; angu sa iji koni Kristo uko, niko koni na isi dikaiagha wurumwengunyi.

LUKA 20:32

Konyuma uja muka moni ukafwa.