WAEBRANIA 9:26 - Biblia Ilagho Jiboie Kwa Wandu Wose

²⁶ angu aho yadakaia utiriro kalazi kufuma wurumwengu ghwazoya. Ela seji iko, wamerie kuwoneka indo jimweri tua ngelo ra kutua, upate kuriinja kaung'a kwa kukufunya kizongona moni.

WAEBRANIA 9:26 Referans Kwoze

1 PETRO 1:20

Nao oresaghuloghe imbiri wurumwengu ghuseumbilo, ela oochawoneka worinyi ngelo ra kutua kwa wundu ghonyu.

WAEBRANIA 9:12

orengirieghe andenyi ya Andu kwa Wueli indo jimweri tua ukidwa bagha; si ya mburi na ngache anduangi, ela bagha yake moni. Kwa chia iyo ukaghupata ghuja wukomboli ghwa kala na kala.

MATHAYO 25:34

Niko mzuri uchawizera waja wiko kwa mkonu ghwake ghwa kiwomi, ‘Choonyi inyo mrasimilwagha ni Aba, mmbuse ifwa ja wuzuri moreboisiroghe kufuma wurumwengu ghwazoya kuumbwa.

1 PETRO 3:18

Angu Kristo wori orefueghe kwa wundu ghwa kaung'a indo jimweri tua; mundu wa hachi, kwa wundu ghwa wandu wiseko na hachi; eri upate kudireda kwa Mlungu; mumbi ghukabwaghwa, ela roho ikakaishwa moyo.

WAEBRANIA 1:2

Ela agha matuku gha kutua, waghora nesi kwa chia ya Mwana wake; uo oremmbikieghe ukaie mundu wa ifwa ja vilambo vose, na kwa chia yake wori, oreghuumbieghe wurumwengu.

WAEBRANIA 10:4

Angu bagha ya njau na mburi, ndeidimagha kuinja kaung'a anduangi.

WAEBRANIA 7:27

Uo ndena haja efunya vizongona matuku ghose, sa waja wakohani wabaa; wei ufunye kizongona kwa wundu ghwa kaung'a rake moni imbiri, ima uwonefunya kwa wundu ghwa wandu. Jesu odebonya huwo indo jimweri tua, iji orekufunyireghe moni kizongona.

1 JOHANE 3:5

Nenyo mwamanya angu Kristo orewonekieghe worinyi upate kuriinja kaung'a, na andenyi kwake ndekuwadie kaung'a ingi anduangi.

WAEBRANIA 10:12

Ela Kristo uendafunya kizongona chimweri cha ngelo rose kwa wundu ghwa kaung'a, oreserieghe kidombo chia ya mkonu ghwa kiwomi ghwa Mlungu.

WAEBRANIA 10:10

na kwa ulo lukundo lwa Mlungu, damerie kueleshwa kwa chia ya kufunywa kwa mumbi ghwa Jesu Kristo ijo indo jimweri tua.

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.

1 PETRO 2:24

Kristo moni oreridukieghe kaung'a redu mumbinyi kwake aighu ya mudi, eri dipate kufwa cha kaung'enyi, na kukaia moyo cha hachinyi. Kwa makabo ghake, moreombochologhe.

WUFUNUO 17:8

Iyo nyamandu kuiwonie erekoghe, ela ndeiduagha; yalighisa kujoka kufuma kinenyi cha abuso, na kughenda kutotenyi. Na awo wandu wiko ndoenyi awa marina ghawo ghiseandikilo andenyi ya chuo cha irangi, kufuma kuzoya kwa wurumwengu, wikashinika kwa kuiwona iyo nyamandu; angu erekoghe, ikasoweka; nayo ikawuya ikawoneka moyo sena.

WAEBRANIA 4:3

Angu isi dimerie kurumiria, dangia uko kuhora, seji Mlungu ughambie, “Nani ngajokwa ni machu ngaghema, ‘Na jingi ndewichaangia kuhorenyi kwapo anduangi.’” Mlungu oreghorieghe huwo, hata ngera kazi rake reumba wurumwengu rerekoghe rasia.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

WAEFESO 5:2

Nenyo mghende kwa lukundo, sa iji koni Kristo oredikundieghe, na kukufunya moni kwa wundu ghodu, ukaie ifunyo na kizongona cha marumba mecha kwa Mlungu.

WAEFESO 1:10

kukaia, kwa ngelo ikatie, upate kuvikwanya vilambo vose andenyi kwake; ivo viko mlungunyi, na ivo viko andoenyi.

1 WAKORINTHO 10:11

Maza iri rerebonyekieghe kwawo rikaie mfwano, rikaandikwa rikaie mafundisho kodu isi divikilo ni ngelo ra kutua.

WUFUNUO 13:8

Na wandu wose wikaiagha ndoenyi wichaitasa; awo, imbiri wurumwengu ghuseumbilo, marina ghawo ghisereandikiloghe andenyi ya chuo cha irangi cha Mwana wa Ng'ondi uo orebwaghiloghe.

WAEBRANIA 10:26

Angu dikabonya kaung'a kidali nyuma ya kuimanya ija loli, ndechiko kizongona chingi chisighwagha kwa wundu ghwa kaung'a;

WAGALATIA 4:1

Ela naghamba huwu, mundu wa ifwa, iji uko mwana, ndewadie wuchumbano ghungi na mzumba, hata ngera nuo moni mundu wa mali;

JOHANE 17:24

“Aba, nakunda awo koreninekieghe wikaie andwamweri nani andu niko ini; wipate kughuwona ugho wubaa ghwapo koreninekieghe, angu korenikundieghe ini imbiri wurumwengu ghuseumbilo.

JOHANE 1:29

Nakesho yaro, Johane ukammbona Jesu ukimchea ukaghamba, “Zighanenyi Mwana wa ng'ondi wa Mlungu, uinjagha kaung'a ra wurumwengu.

MIKA 4:1

Matuku ghichagha, mghondi andu Hekalu ya BWANA ikaiagha, ghuchakaia ighu kuchumba yose, ghukikaia ighu kuchumba yose na wandu wa mbari rose wichacha wikighughendia.

DANIELI 10:14

Nani nacha kukumanyisha iro maza richaawipata wandu wako matuku ghichagha; kwa kukaia mawono agho ni malagho gha ngelo nyingi richagha.”

DANIELI 9:24

“Miaka mirongo mfungade mando mfungade ni ngelo iwikilo ewifungua wandu wako na muzi ghwako ghwa wueli wifume kaung'enyi na wuwiwinyi. Kaung'a ichalekwa, na hachi ya kala na kala kumangishwa, mawono na wulodi ghipate kukatia, na kumshinga mavuda uo Mweli.

ISAYA 2:2

Matuku ghichagha, andu Hekalu yawuyakaia, mghondi ghwaro ghuchakaia m'baa kuchumba mighondi yose; na mbari rose richaghughendia.

AYUBU 7:21

Ndekudimagha kunilekia makosa ghapo, na kuinja kaung'a rapo? Kafwani koni nichawunjwa terinyi; kuchanilola ela sichaawoneka.”

2 SAMUELI 24:10

Ela Daudi ukatanywa ngolonyi kwake nyuma ya kuwitala wandu. Daudi ukamzera BWANA, “Nabonya kaung'a nandighi kwa wundu ghwa agha nabonya; ela idana ee BWANA, nakulomba kuinje nambai wuwiwi ghwapo ini mdumiki wako, angu nabonya wukelu nandighi.”

2 SAMUELI 12:13

Nao Daudi ukamzera Nathani, “Nam'bonyere BWANA kaung'a.” Nathani ukamzera Daudi, “Wokoni BWANA nao, wainja kaung'a yako; ndekufwagha kungi.

ZABURI 103:12

Wadadiinjira kaung'a redu rikaie kula nesi, sa mashariki na magharibi.

MATHAYO 13:39

na m'maiza uo orewaeghe ijo isaka ni Ibilisi. Makuwido ni kutua kwa ngelo, na awo wikuwidagha ni weke malaika.

MATHAYO 13:40

Sa iji koni ijo isaka jifungwagha na kukorwa modonyi, niko koni ichaakaia kutua kwa ngelo;

1 PETRO 4:7

Uko kutua kwa maza rose kwalighisa; kwa huwo kaienyi na akili na kukumazira eri mpate kulomba Mlungu.

1 JOHANE 3:8

Mundu ubonyagha kaung'a ni wa Ibilisi, angu Ibilisi wadabonya kaung'a kufuma kuzoya. Kwa wundu ugho, Mwana wa Mlungu orewonekieghe worinyi, upate kurinona kazi ra Ibilisi.