WAEBRANIA 9:10 - Biblia Ilagho Jiboie Kwa Wandu Wose

¹⁰ ela gheeka kwa wundu ghwa vindo, kunywa, na kuogha; naro ni sharia ra mumbi riwikilo hata ivike ngelo ebonya maghaluso.

WAEBRANIA 9:10 Referans Kwoze

WAKOLOSAI 2:16

Kwa huwu mndungi usakemtanya kwa maza ra vindo, angu kunywa, angu kwa wundu ghwa karamu ringi, angu matuku gha Mori Lukombe, angu Sabato.

WAEFESO 2:15

kwa kuinja nambai ija Sharia ya memu na malaghiro kwa mumbi ghwake; upate kuumba mundu umweri mmbishi andenyi kwake wulalo ghwa awo wawi, na huwo ukareda sere.

WAEBRANIA 7:16

Nao wawurie mkohani kuseko na mawiko gha kivalwa cha mumbi, ela kwa ndighi ra irangi jisewadie kunoneka.

EZEKIELI 4:14

Niko ngaghamba, “Ai e Bwana MLUNGU! Ola jingi sikulushire nimoni kwa kuja vindo viseelie; kufuma wanake ghwapo hata linu. Jingi sijie nyamandu ifue cheni, angu ibwaghilo ni mmbao, hata nyama ingi iseelie jingi ndeingirie momunyi kwapo.”

WUKUMBUSO 23:11

Luma lwa kenyi, ukuoghoshe; hata iji iruwa janeng'ena, wadima kuwuya kambinyi.

WALAWI 16:24

Nao uchakuoghosha mumbi ghwake kwa machi andenyi ya Andu kwa Wueli na kurwa nguwo rake reni. Niko uchafuma na kufunya kizongona chake chekora, na kizongona chekora kwa wundu ghwa wandu, upate kubonya mapatano kwa wundu gwake na kwa wundu ghwa wandu.

WAEBRANIA 10:22

ndedisoghode kaavui na Mlungu kwa ngolo ya loli, na irumirio jikate; dioghoshero ngolonyi disighe nia izamie na mimbi yedu ioghoshero kwa machi ghielie.

WAEBRANIA 9:1

Idana hata ijo ilaghano ja imbiri jerekoghe na chia ra wutasi na andu kwa wueli kotasira kwa ndoenyi.

WAEBRANIA 6:5

wikaghutoa wucha ghwa Ilagho ja Mlungu nandighi ra ngelo richagha,

WAEBRANIA 2:5

Angu Mlungu nderewikieghe weke malaika wicheghubonyera nguma wurumwengu ghuchagha, ugho dawuyaja malagho gharo.

WUKUMBUSO 21:6

Niko waghosi wose wa muzi ugho ghuko kaavui na andu aho mundu ubwaghilo, wichaoghosha vala vawo aighu ya iyo tagho inyigharilo singo

WALAWI 16:4

Imbiri usengirie andenyi ya Andu kwa Wueli Kuchumbie, suti ukuoghoshe moni kwa machi, ima uro ijoho ja kitani ja wueli, na mwadeghu wa kitani, na mkowa ghwa kitani, na kiremba cha kitani. Agho ni marwao gha wueli.

KUFUMA 40:12

“Kumrede Haruni na wana wake mnyangonyi ghwa Hema Ekwania, na oho kuchawioghosha kwa machi;

WAEBRANIA 13:9

Msakelaghashwa ni mafundisho mazima mazima gha kighenyi; angu ni nicha iyo ngolo imangisho kwa mvono ghwa Mlungu, hata si kwa vindo anduangi; ivo visemnekagha fwaida ingi uo mundu unughanagha navo.

WAEBRANIA 6:2

na ghwa mafundisho gha wubaputizo, na gha kuwikiria mikonu, na gha kuruka kufuma kwa wafu, na gha kutanywa kwa kala na kala.

WAEFESO 1:10

kukaia, kwa ngelo ikatie, upate kuvikwanya vilambo vose andenyi kwake; ivo viko mlungunyi, na ivo viko andoenyi.

WAGALATIA 4:9

ela idana, mwachemmanya Mlungu; angu nighambe, Mlungu wammanyire inyo. Mwadima wada kuwuya nyuma, na kuriwuria sena rija roho ra wurumwengu ughu ra wukiwa risewadie ndighi; na kukunda kuwuya wazumba wawo kawi?

MARKO 7:4

Sena, wikafuma sokonyi, ngera wisekuoghoshere, ndewijagha kindo chingi anduangi. Sena eko mizango mizima milazi winekelo kuiwadia, sa kuoghosha vikombe, sufuria, na vilambo va shaba.)

WALAWI 22:6

uo mkohani uchakaia useelie hata luma lwa kenyi, nao ndechaaja ivo vindo vieleshero, hata wameria kukuoghosha uo moni na machi.

KUFUMA 29:4

“Kumrede Haruni na wana wake mnyangonyi ghwa Hema Ekwania, na kuwioghosha kwa machi.

MITALO 6:3

usakenywa divei hata chofi ingi. Usakenywa siki ibonyero kufumanya na divei angu chofi; usenyo machi gha zabibu, hata useje zabibu riwurue angu riomerelo.

WAEBRANIA 7:12

Angu maghaluso ghangi ghikakabonywa kwa wukohani, suti na Sharia wori ighaluso wokoni.

WALAWI 13:58

Ela icho kilambo chereoghosheroghe chikaiagha ni nguwo angu mrongo, hata ngera iyo alama ya wukongo yasirie putu, suti chioghosho sena indu ja kawi ima chitalo kukaia chielie.”