Biblia Todo Logo
Bib sou entènèt

- Piblisite -




WAEBRANIA 8:5 - Biblia Ilagho Jiboie Kwa Wandu Wose

5 Awo waawuyabonya kazi iko fwana na kirerendi cha kazi ya Andu kwa Wueli kwa mlungunyi; angu iji Musa orekoghe kaavui na kuiwusira iyo hema, orefundishiroghe ni Mlungu ukizerwa, “Manya kubonye kula kindo karakara na mfwano ghuja ghoni korewonyeroghe aighu ya mghondi.”

Gade chapit la Kopi




WAEBRANIA 8:5
18 Referans Kwoze  

Lindia kuvibonye kunughana na mfwano nakuwonyera aighu mghondinyi


Maza iri ni fwana ya iro maza richagha, ela wuloli ni ghwa Kristo.


Kwa kukaia iyo Sharia eeka na kirerendi cheni cha vilambo viboie vichagha, wulalo ghwa fwana ya loli ya ivo vilambo, na jingi ndeidimagha kuwikatisha awo wandu wisoghodagha kwa Mlungu, kwa kufunya vizongona vija veni tulituli mwaka hata mwaka.


Na oho kuchaidunga iyo Hema karakara na mfwano nakuwonyera aho mghondinyi.


Mzuri Daudi ukaghamba, “Kazi ihi erekoghe ikibonywa kunughana na mchoro seji BWANA moni orenilaghirieghe.”


Iyo madhabahu kuibonye ya mbau, nao kuisighe iari kunughana na mfwano nakuwonyera mghondinyi.


na mchoro ghwa kula ilagho jerekoghe chongonyi kwake kwa wundu ghwa waza ra nyumba ya BWANA. Andu kwa mali ya nyumba ya Mlungu, na andu kwa manosi ghiwikilo wakfu;


(nagho ni mfwano ghuwonyeragha seji iko matuku agha). Kunughana na maboiso agho, manosi na vizongona vafunywa ivo visedimagha kukatisha nia ya uja mundu utasagha,


Na icho kinara cha taa cherekoghe cha dhahabu ichanilo; kufuma kishawalata charo cha nandonyi andu komangia kwaro, hata andu kowikiria taa; cherechaniloghe karakara na ugho mfwano BWANA oremmbonyereghe Musa.


Manyenyi msemleghe uo ughoragha nenyo. Angu ikakaia wiserekirieghe awo weremleghieghe uo orewiwonyereghe ndoenyi, isi dichakia wada dikamlegha uo udiwonyeragha kufuma mlungunyi?


Kwa irumirio, Nuhu uendawonyerwa ni Mlungu ndengwa ya maza richagha, risewonekie kande, ukasikira; nao ukaagha safina ewikira wandu wa nyumba yake. Kwa chia ihi, ukaghutanya wurumwengu, nao ukawuya mundu wa ifwa ja hachi ipatikagha kwa irumirio.


“Weke aba werekoghe na Hema ya Wushuhuda kireti, ibonyero seji Mlungu oremmbonyereghe Musa, karakara na iyo fwana oreiwonieghe.


Kuibonye Hema na vilambo varo, kunughana na mfwano nichaakuwonyera.


Nawo wiendawonyerwa ni Mlungu kwa ndodo wisakewuya kwa Herode, wikaghala cha mzawo kwa chia zima.


Deko na madhabahu, awo widumikagha hemenyi wiseko na hachi eja nyama raro.


Nyuma ya agha nerezighanireghe, ngawona hekalu yarughulwa mlungunyi, na andenyi yaro korekoghe na Hema ya Wushuhuda;


Niko dereririkanyireghe ngelo richagha kukaia isi angu kivalwa chedu dikazerwa huwo dichatumbulia, ‘Wonenyi fwana ya madhabahu ya BWANA ereaghiloghe ni weke aba, nayo ndeerekoghe kwa wundu ghwa vizongona, ela edeeka kwa wundu ghwa wushuhuda aghadi yenyu na isi.’


Swiv nou:

Piblisite


Piblisite