WAEBRANIA 6:18 - Biblia Ilagho Jiboie Kwa Wandu Wose

¹⁸ eri kwa chia ya agho malagho awi, ilaghiro na ighemi, agho isedimikagha Mlungu ughore tee, isi dikusaghikie nao, didime kukaia na ngolo mbaa ejiwada ijo isuwirio jiwikilo imbiri kodu.

WAEBRANIA 6:18 Referans Kwoze

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?

TITO 1:2

kwa isuwirio ja irangi ja kala na kala, ijo jerelaghiriloghe ni Mlungu kokala, nao ndeghoragha tee jingi.

1 SAMUELI 15:29

Sena Mlungu, uo uko Wubaa ghwa Israeli ndeghoragha tee hata ndeghalukagha sa mdamu anduangi.”

2 TIMOTHEO 2:13

Dikasowa wuloli, uo wadua mloli; angu uo ndedimagha kukukana moni anduangi.

WAROMA 3:4

Hata kutini. Ela Mlungu ndeduo mloli, hata ngera wadamu wose wakaia watee; sa iji koni iandikilo, “Kupate kutalwa kukaia na hachi kwa madedo ghako, na oho kusime ngelo ya kutanywa kwako.”

ZABURI 46:1

Mlungu nuo andu kodu kokimbiria na ndighi redu. Oko tayari kutesia shwa ngelo ya wasi.

1 JOHANE 1:10

Dikaghamba angu ndedibonyere kaung'a ingi, diam'bonya Mlungu kukaia mtee; na ilagho jake ndejiko andenyi kodu anduangi.

JOSHUA 20:3

kukaia, mundu ukam'bwagha mndumu kwa ndengwa, udime kukimbiria na kukuvisa kufuma kwa uo ukunde kulipia kisasi.

ISAYA 51:12

BWANA waghamba, “Ni Ini, ee, ni inimoni nikuhoreshagha, waghamba BWANA; kwaki oho kumuobuagha mdamu ufwagha, uo mwana wa mdamu uko sa nyasi riomagha shwa,

WAEBRANIA 3:11

Nani ngajokwa ni machu ngaghema, ‘Najingi ndewichaangia kuhorenyi kwapo anduangi.’”

1 TIMOTHEO 1:1

Ini Paulo, mdumi wa Jesu Kristo uwikilo kwa amri ya Mlungu Mkiri odu, na ya Kristo Jesu isuwirio jedu.

WAROMA 3:25

uo Mlungu ummbikie ukaie kizongona kwa bagha yake moni, upate kuwuswa kwa irumirio, na kwa chia iyo Mlungu uwonyere hachi yake; angu kwa kurumaghia kwake kwa wulungu, ndereritalieghe kaung'a ra imbiri.

ZEKARIA 9:12

Wuyenyi inyo m'barishiro muko na isuwirio, wuyenyi andu konyu kwa wubanana. Naghamba nichamlipa marasimio mando awi.

ISAYA 64:7

Ndekuwadie hata umweri ujiwangiagha irina jako kwa malombi, hata ungi ukushashiragha moni kukuchea oho kwa wutesia; angu oho kwakuvisire kodu, kwadileghie na kudida kula kwa wundu ghwa mawiwi ghedu.

ISAYA 56:4

BWANA waghamba huwu, “Kolowi uo uriwadiagha Sabato rapo, na kusaghua iro maza nirikundagha, na kumaziria ilaghano japo,

MAKATANISHO 4:13

Kumazirie mafundisho, kuseghilekerie; kughilindie, angu ni irangi jako.

ZABURI 110:4

BWANA waghemie, nao ndechaaghaluka: “Oho ko mkohani kwa kala na kala kwa kunughishira wukohani ghwa Melkizedeki.”

1 WAZURI 2:28

Malagho ghiendamvikia Joabu, na angu oremteserieghe Adonija, hata ngera saki nderemteserieghe Absalomu, ukakimbia kwa ija Hema ya BWANA na kuriwadia mbembe ra madhabahu.

1 JOHANE 5:10

Uo urumiriagha kwa Mwana wa Mlungu, oko na ugho wushuhuda andenyi kwake; ela uo usemrumiriagha Mlungu, wam'boya uo kukaia mtee; kwa kukaia ndeghurumirie ugho wushuhuda Mlungu oremshuhudieghe Mwana wake.

1 TIMOTHEO 6:12

Lwaa ghuja wuda ghuboie ghwa irumirio, kujiwadie jija irangi ja kala na kala, ijo korejiwangiloghe iji korerumirieghe nicha imbiri ya washahidi wengi.

WAROMA 15:5

Na Mlungu wa kurumaghia na kukumba ngolo, ndemneke inyo kukaia na kuja kuchinana mmbeni na mmbeni, na nia imweri kwa Kristo Jesu,

WAEBRANIA 11:7

Kwa irumirio, Nuhu uendawonyerwa ni Mlungu ndengwa ya maza richagha, risewonekie kande, ukasikira; nao ukaagha safina ewikira wandu wa nyumba yake. Kwa chia ihi, ukaghutanya wurumwengu, nao ukawuya mundu wa ifwa ja hachi ipatikagha kwa irumirio.

1 WATHESALONIKE 1:10

na kummbesera Mwana wake kufuma mlungunyi uo oremrukishireghe kufuma kwa wafu; uo Jesu udikiragha na agho machu gha Mlungu ghichagha.

WAKOLOSAI 1:27

Mlungu oresaghueghe kuwimanyisha awo waeli, seji ugho wungi ghwa mali ra wubaa ghwa ngasu ihi ghuko, aghadi ya wandu wa mbari zima; nagho ni Kristo andenyi konyu, isuwirio ja wubaa.

WAKOLOSAI 1:23

Elaima yamfwana mduo andenyi ya jija irumirio, mmangishiro, msenyavurikagha, hata kujisigha ijo isuwirio ja Ilagho Jiboie ijo morejisikireghe; najo jachililo kwa kula mundu wurumwengunyi kose, na kwa wundu ghwaro, ini Paulo nawurie mdumiki waro.

LUKA 2:25

Nao ahoeni Jerusalemu, korekoghe na mundu uwangwagha Simeoni. Mundu uhu orekoghe mundu wa hachi umuobuagha Mlungu, nao orekoghe ukighuwesera ghuja wuhoreshi ghwa Israeli, na Roho Mweli orekoghe aighu kwake.

MATHAYO 24:35

Mlungunyi na ndoenyi kuchaida, ela madedo ghapo ndeghichaaida anduangi.

ISAYA 27:5

Ikakaia wamaiza wa wandu wapo wikunde wulindiri ghwapo, ndewiche wibonye sere na ini, ee wibonye sere na ini.”

KUZOYA 19:22

Shashira kukimbirie aho, angu sichaabonya ilagho jingi hata kwavika aho.” Kwa huwo muzi ugho ghorewangiloghe Soari.

WAEBRANIA 7:21

Awo wandu werewuyagha wakohani imbiri, wada-wada kazi rawo kuseko na ighemi. Ela Jesu orewurieghe mkohani kwa ighemi huwu, “Bwana waghemie, nao ndewuyaaghaluka; ‘Oho ko mkohani kwa kala na kala.’”

WAEBRANIA 3:6

Ela Kristo, orekoghe mloli aighu ya nyumba ya Mlungu sa Mwana. Nesi de nyumba yake, ikakaia daghumazira wuwana ghodu, na kumanga andenyi ya isuwirio jedu.

WAKOLOSAI 1:5

kwa wundu ghwa ijo isuwirio jiwikilo aighu mlungunyi kwa wundu ghonyu. Nenyo moresikireghe malagho gharo imbiri, andenyi ya ijo ilagho ja loli, ijo Ilagho Jiboie

WAFILIPI 2:1

Kwa huwo, ikakaia koko kuhoreshwa ngolo kungi andenyi ya Kristo, ikakaia iko ngolo ingi ya lukundo, ikakaia ghoko wungara ghungi ghwa Roho, ikakaia koko kurirana kungi kwa lukundo na wughoma;

MATHAYO 3:7

Nao iji Johane wawiwona Mafarisayo wengi na Masadukayo wikimchea uwibaputize ukawizera, “Inyo kivalwa cha choka! Nani umfundire mughikimbie agho makabo ghichagha?

MAKATANISHO 3:18

Hikima ni mudi ghwa irangi kwa awo wiiwadiagha; awo wiimaziriagha wichaboilwa.

ZABURI 62:8

Rumirienyi Mlungu ngelo rose ee wandu, mumghorie wasi ghonyu ghwa ngolonyi; Mlungu nuo andu kodu kokimbiria.

WAROMA 5:5

Na isuwirio ndejidifushagha waya; angu lukundo lwa Mlungu lwadirilo ngolonyi kodu kwa chia ya Roho Mweli uo dinekelo.

WAEBRANIA 6:17

Kwa wundu ugho, iji Mlungu orekundeghe kuwiwonyera kilolia agho makusudi ghake ghiseghalukagha, awo werekoghe wijipate ifwa ijo ilaghiro, orejibonyereghe ijo ilaghiro kwa ighemi;

WAEBRANIA 7:19

(angu Sharia ndeeredimieghe kukatisha ilagho jingi); na kwa luwaru lumu isuwirio jiboie kuchumba jaredwa, ijo jididimishagha kumsoghodera Mlungu kaavui.