WAEBRANIA 6:1 - Biblia Ilagho Jiboie Kwa Wandu Wose

¹ Kwa huwo, ndedighende imbiri, divikie kukaia wandu wikatie; dikisigha agho mafundisho gha imbiri gha Kristo. Diseaghe msingi sena ghorihea kazi rifue, na ghwa irumirio kwa Mlungu,

WAEBRANIA 6:1 Referans Kwoze

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.

2 WAKORINTHO 7:1

Idana kwa kukaia deko na malaghiro agha wakundwa, yadifwana dikueleshe isi diweni wuchafu ghose ghwa mumbi na roho, na kughukatisha wueli kwa uko kuobua kwa Mlungu.

MABONYO GHA WADUMI 26:20

ela imbiri nerewonieghe awo werekoghe Dameshki, konyuma ngawighoria aho Jerusalemu, isanga ja Judea kose, na iro mbari zima wori; angu wihee na kumghalukia Mlungu na kubonya mabonyo ghifwananagha na kuhea kwawo.

WAEBRANIA 12:13

Mrighoruo chia renyu mghendagha naro, eri icho kia chikelemere chisetanyo na wambao, ela bora chiboiso.

MATHAYO 21:32

Angu Johane orechieghe ukimmbonyera chia ya hachi enugha, nenyo ndemoremrumirieghe anduangi, ela wawadi wushuru na malaya weremrumirieghe. Hata mduawona huwo saki, ndemoreherieghe na kumrumiria anduangi.”

WAEBRANIA 7:11

Idana, ikakaia wukohani ghwa wen-Lawi ghorekateghe-lee, (angu wandu wedepata Sharia kwa chia ya ugho wukohani) ekoo hajaki sena kukaia na mkohani mzima, onughishira wukohani ghwa Melkizedeki, wulalo ghwa uja moni uwikwagha kwa kunughishira wukohani ghwa Haruni?

WAEFESO 4:12

kwa wundu ghwa kuwiwika nicha waeli kwa kazi ya wudumiki, kwa kuagha mumbi ghwa Kristo.

JOHANE 12:44

Nao Jesu ukaghora kwa lwaka lubaa, “Mndungi ukanirumiria ini, ndenirumiriagha ini tu, ela wamrumiria uo orenidumieghe.

JOHANE 5:24

“Namghoria loli, uo ose usikiragha ilagho japo, na kumrumiria Uo orenidumieghe, oko na irangi ja kala na kala; nao ndengiagha kutanyonyi anduangi, ela wameria kuida kufuma kifonyi na kungia iranginyi.

MATHAYO 3:2

ukighamba, “Heenyi angu wuzuri ghwa Mlungu ghwavika kaavui.”

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.

2 WAKORINTHO 7:10

Angu kuwawa komzighana Mlungu kwadareda kuhea hata kuvikia kukia, nako ndekuvaviragha, ela kuwawa kwa wurumwengu kwadareda kifwa.

2 TIMOTHEO 2:19

Ela msingi ghwa Mlungu ghwamange, nagho ghwawadie mhuri ughu: “Bwana wawimanya awo wiko wake,” sena, “Uo ose ujighoragha irina ja Bwana, suti utane na wuwiwi.”

MABONYO GHA WADUMI 20:21

ngiwishuhudia Wayahudi na Wagriki wori angu wihee kwa Mlungu na kurumiria kwake Bwana odu Jesu Kristo.

MABONYO GHA WADUMI 11:18

Wiendasikira agho wikanyama kima. Wikamkasa Mlungu wikighamba, “Mlungu wawinekie wandu wa mbari zima wori kuhea kovikia kupata irangi.”

MABONYO GHA WADUMI 3:19

Kwa huwu heenyi mghaluke, eri kaung'a renyu ripate kufutwa na matuku ghedeghedeshwa ghiche kufuma kwa Bwana;

JOHANE 14:1

Niko Jesu ukawizera, “Msakeja wasi ngolonyi konyu; mrumirienyi Mlungu, nirumirienyi na ini wori.

MARKO 6:12

Wikafuma, wikachila wandu wihee.

MARKO 1:1

Uku niko kuzoya kwaro Ilagho Jiboie ja Jesu Kristo, Mwana wa Mlungu,

MATHAYO 4:17

Nao kufuma aho Jesu ukazoya kuchila ukighamba, “Heenyi, angu Wuzuri ghwa Mlungu ghwavika kaavui.”

1 JOHANE 4:12

Ndekuwadie mndungi ummbonie Mlungu jingi; dikakundana diweni na diweni, Mlungu uchakaia andenyi kodu, na lukundo lwake luchakatia andenyi kodu.

1 PETRO 1:21

Kwa chia yake uo, moko na irumirio kwa Mlungu, uo oremrukishireghe kufuma kwa wafu, na kumneka wubaa; eri irumirio jenyu, na isuwirio jenyu, jikaie kwa Mlungu.

JAKOBO 1:4

Na uko kumanga kukaie kukate, nenyo mpate kukaia mkate putu, msesowagha kindo chingi.

WAEBRANIA 11:6

Na kuseko na irumirio, ndeidimikagha kum'boia Mlungu anduangi. Angu mundu uo ose umsoghoderagha Mlungu, ni suti urumirie kukaia oko; nao wawikatishiragha awo wimlolagha uo.

WAKOLOSAI 4:12

Epafra mumzenyu, nao ni mdumiki wa Kristo Jesu, wamroghua. Wawuyamlombia nandighi ngelo rose, mkaie wandu mzoghue mmangishiro, muichi putu ulo lukundo lose lwa Mlungu.

WAKOLOSAI 1:28

Uo dawuyamchila dikiwonyera, na kumfundisha kula mundu kwa hikima yose, eri dimrede kwa Mlungu kula mundu wameria kuzoghua andenyi ya Kristo.

WAEFESO 2:5

hata iji derekoghe difue rohonyi kwa chia ya makosa ghedu, oredikaishireghe moyo chiaimweri na Kristo, (mookirwa kwa mvono)

1 PETRO 5:10

Nenyo, nyuma ya kutirirwa kwa ngelo ndini, uo Mlungu wa mvono ghose, ummbangie kwa wubaa ghwake ghwa kala na kala andenyi ya Kristo, uchamkatisha moni, na kummangisha, na kumneka ndighi.

WAEFESO 2:1

Na inyo, oremkaishireghe moyo iji morekoghe mfue rohonyi kwa wundu ghwa makosa na kaung'a renyu;

1 WAKORINTHO 13:10

ela kasikira icho chikatie chacha, icho chisekate chichaida.

MABONYO GHA WADUMI 17:30

Ngelo ra kusowa kumanya, Mlungu nderetalieghe anduangi; ela idana, walaghira wandu wose andu kose, wihee mawiwi ghawo.

MABONYO GHA WADUMI 2:38

Petro ukawizera, “Heenyi m'baputizo kula umu onyu kwa irina ja Jesu Kristo mpate kulekwa kwa kaung'a renyu, nenyo mchapata inosi ja Roho Mweli.

MATHAYO 7:25

Vua ikanya, meda ikachua machi, sena mbeo ikaweta aighu ya iyo nyumba, ela ndeereghueghe anduangi; angu ereaghiloghe aighu ya igho.

MATHAYO 5:48

Kwa huwu mkaie wandu wikatie seji Ndeyo onyu uko mlungunyi, ukatie.

MAKATANISHO 4:18

Ela chia ya wahachi ni sa mwengere ghwa ndoe kuela; ghuchuriagha kung'ala-ng'ala hata dime ivike.

1 TIMOTHEO 6:19

Kwa chia ihi wichakubonyera weni msingi ghuboie ghwa ngelo richagha, eri wikupatire irangi ijo jiko irangi loli.

LUKA 6:48

Wafwanana na mundu uaghagha nyumba yake, nao ukakota ndenyi, na kuagha msingi ghwake aighu ya igho; kukacha kusalama kwa machi, na moda ghukaikaba ija nyumba, nayo ndeerenyavurikieghe anduangi, angu ereaghiloghe aighu ya igho.

ZEKARIA 12:10

“Nichawichura wandu wa nyumba ya Daudi na awo wikaiagha Jerusalemu roho ya wughoma na kulomba. Wichamzighana mundu were'bwahieghe kwa kumdunga na ndagha nawo wichamlilia mwana wa ititi; wichalila na ndighi seji mundu uliliagha mwana wake wa imbiri.

MATHAYO 21:29

Nao ukatumbulia, ‘Sikude!’ Ela konyuma ukahea ukaghenda.

1 WAKORINTHO 2:6

Elaima daghoragha na hikima kwa awa wizoghue kiroho, si hikima ya ngelo iri, angu ya wabonyi nguma wa ngelo iri wiidagha anduangi.

WAKOLOSAI 3:14

Aighu ya agha ghose, mkaie na lukundo, ulo luwadanishagha maza rose chia imweri, na kurikatisha nicha.