WAEBRANIA 5:2 - Biblia Ilagho Jiboie Kwa Wandu Wose

² Kwa kukaia uo moni ni mnyonge, wadima kurumaghianya na wandu wisemanyagha, na awo wikosagha.

WAEBRANIA 5:2 Referans Kwoze

WAEBRANIA 4:15

Angu uo Mkohani M'baa diko nao, ndedimagha kulemwa ni kuwadwa ni wughoma kwa wundu ghwa wunyonge ghodu anduangi; ela uo oretimiloghe kwa kula chia seji koni dawuyatimwa, ela nderebonyereghe kaung'a anduangi.

WAEBRANIA 2:18

Na kwa kukaia uo moni watiririlo na kutimwa, wadima kuwitesia awo witimwagha.

WAEBRANIA 7:28

Loli Sharia yawiwika wandu wiko na wunyonge wikaie wakohani wabaa, ela ilaghiro jibonyero kwa ighemi, najo jerechieghe nyuma ya Sharia, jammbika Mwana uo ukatishiro kwa kala na kala.

WAEBRANIA 12:13

Mrighoruo chia renyu mghendagha naro, eri icho kia chikelemere chisetanyo na wambao, ela bora chiboiso.

WAGALATIA 4:13

ela mwamanya angu ni iji nerekoghe mkongo niko nerejichilieghe Ilagho Jiboie konyu kande.

2 WAKORINTHO 12:5

Kwa wundu ghwa mundu uo, nichakukasa; ela kwa wundu ghwapo ini nimoni sidimagha kukukasa, isaakaia nikukase kwa wunyonge ghwapo.

1 TIMOTHEO 1:13

hata ngera aho imbiri neremsholieghe, ngamkoronga na kumdukana, ela nerefuloghe wughoma, kwa kukaia nerekoghe ngibonya agho nisemanyagha, na kwa kusowa irumirio;

2 WAKORINTHO 11:30

Ikakaia ni suti nikukase, nichakukasa na iro maza ra wunyonge ghwapo.

LUKA 22:32

Ela nakulombia oho irumirio jako jisakesia, hata iji kwameria kunighalukia kuwimangishe wanyinyu.”

ISAYA 30:11

Muisighe chia ya Mlungu, hata msesikire ilagho jingi ja Mlungu Mweli wa Israeli.”

KUFUMA 32:8

Wameria kuisigha ija chia nerewilaghirieghe kuinugha, nawo wakubonyera weni ngache ya dhahabu, wikaitasa na kuifunyira vizongona wikighamba wei uo nuo mlungu wawo uwifunyire Misri.

WATANYI 2:17

Ela Waisraeli ndewerewisikireghe watanyi wawo, hata ndewerekoghe waloli kwa BWANA, nawo wikatasa milungu mizima; shwa wori wikaghaluka na mbai kwa kuisigha ija chia erenughwagha ni weke ndee, awo weresikireghe malaghiro gha BWANA na kughibonya.

ISAYA 29:24

Awo wikosagha rohonyi, wichapata kumanya, na awo wichulo ni mazughunuko, wicharumiria mafundisho.”

WAEFESO 4:18

Maririkanyo ghawo ghangirwa kira, hata ndewitambukilwagha; watanyiro na irangi ja Mlungu, kwa wundu ghwa wukelu ghuko andenyi kwawo, na kukua kwa ngolo rawo.

WAEBRANIA 2:17

Kwa huwo, eremfwaneghe ufwananisho na waruna kwa kula chia, eri upate kukaia Mkohani M'baa uwadie wughoma, na uko mloli kwa wudumiki ghwa Mlungu, na kulipia kaung'a ra wandu.

WAEBRANIA 9:7

na iyo hema ya kawi, yadangilwa ni Mkohani M'baa uekeri mwaka indo jimweri, nao ndeoredimagha kungia usedwae bagha; uifunye kwa wundu ghwake moni, na kwa wundu ghwa makosa gha wandu.

JAKOBO 5:19

Wanidu, ngera mndungi aghadi konyu waisigha ija loli, na mndumu ummbunje,

1 PETRO 2:25

Angu morekoghe mwalaghaya sa ng'ondi, ela idana mwamerie kummburia Mlisha na Mzighaniri wa roho renyu.