WAEBRANIA 5:12 - Biblia Ilagho Jiboie Kwa Wandu Wose

¹² Angu hata ngera ngelo ihi yafwaneghe mkaie walimu, ela mwaduagha mkikunda mndumu umfundishe sena mafundisho gha imbiri gha ilagho ja Mlungu. Wulalo ghwa vindo vikurie, inyo mwaduagha mkikunda mariwa.

WAEBRANIA 5:12 Referans Kwoze

WAEBRANIA 6:1

Kwa huwo, ndedighende imbiri, divikie kukaia wandu wikatie; dikisigha agho mafundisho gha imbiri gha Kristo. Diseaghe msingi sena ghorihea kazi rifue, na ghwa irumirio kwa Mlungu,

1 PETRO 2:2

Sa wana wavalwa idakoni, ghikundenyi nandighi agho mariwa ghielie gha kiroho, ghipate kumzoghora hata mvikie kukia;

WAEBRANIA 5:13

Angu kula mundu unywagha mariwa gheni, waduagha mwana, nao ndemanyagha agho ghiko gha hachi kwa wundenyi.

WAKOLOSAI 3:16

Ilagho ja Kristo ndejikaie andenyi konyu kwa wungi, mkifundishana na kuwonyerana mmbeni na mmbeni kwa hikima yose. Mkibora zaburi, na chumbo, na chumbo ra kiroho; mkimfunyira Mlungu chawucha ngolonyi konyu.

ZABURI 34:11

Choonyi wanake munisikirie, nichamfundisha seji imfwanagha kumuobua BWANA.

MATHAYO 17:17

Jesu ukatumbulia, “Inyo kivalwa chisewadie irumirio, chilagharie; nichakaianya nenyo hata lii? Nicharumaghianya nenyo hata lii? Mredenyi uo mwana kwapo.”

ISAYA 55:1

BWANA waghamba, “Okenyi kula mundu uomagha ndeche machinyi; na uo usewadie pesa, ndeche ughuo uje. Choonyi mghuo divei na mariwa, kuseko na pesa angu zoghori.

EZRA 7:10

Uo Ezra orekoghe wapata ngolo ekufundisha Sharia ya BWANA, na kuikatisha, upate kufundisha malaghiro na mawonyero gha BWANA andenyi ya Israeli.

2 SAMUELI 16:23

Matuku ghaja, Ahithofeli ukafunya mawoni, ghadawuswa seji ni ilagho ja Mlungu; kwa huwo mawoni gha Ahithofeli, nigho gherenughiloghe ni Daudi na hata Absalomu wori.

1 PETRO 4:11

Uo ose ughoragha, ndeghore sa mundu udedagha malagho gha Mlungu; na uo ose udumikagha, ndekaie sa mundu udumikagha kwa ndighi unekwagha ni Mlungu; eri Mlungu upate kukaswa kwa chia ya Jesu Kristo. Kwake uo, ghoko wubaa, na kubonya nguma kwa kala na kala. Amen.

1 WAKORINTHO 14:19

elaima andenyi ya ikanisa, ni baa nighore malagho masanu kwa akili rapo ghidimagha kuwifundisha wandu, kuchumba malagho elfu ikumi kwa viteto vizima.

WAROMA 3:2

Kwafwana putu kwa kula chia. Imbiri Wayahudi niwo werenekeloghe malagho gha Mlungu.

MABONYO GHA WADUMI 7:38

Uo Musa, nuo moni orekoghe aghadi ya izungu ja wandu kireti, andwamweri na malaika uo orededieghe nao aighu ya Mghondi ghwa Sinai na weke aba wori; ukawada malagho ghiko moyo na kudineka isi.

MARKO 9:19

Jesu ukawizera, “Inyo kivalwa chisewadie irumirio, nichakaianya nenyo hata lii? Nichamrumaghia hata lii? Mredenyi kwapo.”

WAFILIPI 3:1

Kutua wanidu boilonyi andenyi ya Bwana. Siwonagha wasi ghungi ngamwandikia ngiwuria ghaja malagho gheni, na inyo ghimfwana.

ISAYA 28:13

Kwa wundu ugho ilagho ja BWANA jichakaia konyu. Sharia aighu ya sharia, na msitari aighu ya msitari; katini aha na katini aja; mpate kughenda na kughwa, mchike, mmbwado ni mdegho na kudwalwa wunyika.

1 WAKORINTHO 14:20

Wanidu, msakekaia sa wana kwa akili renyu; kwa mawiwi mkaie sa wanake, ela kwa akili, mkaie wandu mzoghue.

WAGALATIA 4:3

Ni huwo koni na isi; iji derekoghe wana, derekoghe wazumba wa mafundisho gha asili gha pepo ra wurumwengu ughu.

WAEBRANIA 5:11

Deko na malagho mengi gheghora aighu ya ilagho iji, ela gheekua kumghoria angu moochaka msedimagha kutambukilwa shwa-shwa.

WAEBRANIA 10:32

Ela kumbukenyi matuku gha kala; ngelo io, muendanekwa mwengere, morerumaghieghe kusimana kubaa kwa wasi mungi.