WAEBRANIA 4:3 - Biblia Ilagho Jiboie Kwa Wandu Wose

³ Angu isi dimerie kurumiria, dangia uko kuhora, seji Mlungu ughambie, “Nani ngajokwa ni machu ngaghema, ‘Na jingi ndewichaangia kuhorenyi kwapo anduangi.’” Mlungu oreghorieghe huwo, hata ngera kazi rake reumba wurumwengu rerekoghe rasia.

WAEBRANIA 4:3 Referans Kwoze

ZABURI 95:11

Niko ngaghema kwa machu ghapo kukaia, ndewichaangia kuhorenyi kwapo anduangi.

1 PETRO 1:20

Nao oresaghuloghe imbiri wurumwengu ghuseumbilo, ela oochawoneka worinyi ngelo ra kutua kwa wundu ghonyu.

WAEBRANIA 9:26

angu aho yadakaia utiriro kalazi kufuma wurumwengu ghwazoya. Ela seji iko, wamerie kuwoneka indo jimweri tua ngelo ra kutua, upate kuriinja kaung'a kwa kukufunya kizongona moni.

WAEFESO 1:4

Nao oredisaghueghe isi andenyi ya Kristo kufuma aho imbiri wurumwengu ghuseumbilo; eri dikaie dielie, wandu wisewadie ikosa jingi imbiri kwake.

KUZOYA 1:31

Mlungu ukazighana kula kilambo uchibonyere, nao ola ukawona vose vaboie na ndighi. Kukakaia nakenyi, kukakaia nakesho, ituku ja karandadu.

WAEBRANIA 3:11

Nani ngajokwa ni machu ngaghema, ‘Najingi ndewichaangia kuhorenyi kwapo anduangi.’”

MATHAYO 13:35

eri agho ghereghoreloghe ni mlodi ghipate kukatia: “Nichaghora nawo kwa mifwano, nichawighoria malagho ghivisikie, kufuma kuumbwa kwa wurumwengu.”

ISAYA 28:12

Nao wamnekie inyo mmbose kuhora na raha, ela mkalegha kumsikira.

KUFUMA 20:11

Angu BWANA oreumbieghe mlungunyi na ndoenyi kwa matuku arandadu, bahari na vose viko andenyi yaro; ukahora ituku ja mfungade. Kwa huwo, BWANA ukajirasimia ituku ja mfungade, ukajielesha.

WAEBRANIA 3:14

Angu deko wangara wa Kristo, ikakaia damazira hata kutua kuja kurumiria kodu kwa imbiri, ingelo ighorwagha,

JEREMIA 6:16

BWANA waghora huwu, “Kaienyi kimusi chienyi ra matano mzighane, mkotie iro chia ra kala, andu iyo chia ndicha iko; mpate kughenda nayo, na kuhora rohonyi konyu. Ela wikaghamba, ‘Isi ndedichaaghenda nayo anduangi.’

EZEKIELI 20:38

Nichawiinja awo wandu wisesikiragha na awo winibonyeragha kaung'a, wifume aghadi konyu; nichawifunya isangenyi iji werejikaieghe kiwughenyi, ela ndewichaangia andenyi ya isanga ja Israeli. Aho niko mchaamanya kukaia ini ne BWANA.

MATHAYO 25:34

Niko mzuri uchawizera waja wiko kwa mkonu ghwake ghwa kiwomi, ‘Choonyi inyo mrasimilwagha ni Aba, mmbuse ifwa ja wuzuri moreboisiroghe kufuma wurumwengu ghwazoya kuumbwa.