WAEBRANIA 4:15 - Biblia Ilagho Jiboie Kwa Wandu Wose

¹⁵ Angu uo Mkohani M'baa diko nao, ndedimagha kulemwa ni kuwadwa ni wughoma kwa wundu ghwa wunyonge ghodu anduangi; ela uo oretimiloghe kwa kula chia seji koni dawuyatimwa, ela nderebonyereghe kaung'a anduangi.

WAEBRANIA 4:15 Referans Kwoze

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

1 JOHANE 3:5

Nenyo mwamanya angu Kristo orewonekieghe worinyi upate kuriinja kaung'a, na andenyi kwake ndekuwadie kaung'a ingi anduangi.

1 PETRO 2:22

Uo nderebonyerege kaung'a ingi, hata wukalo ghungi ndeghorewonekieghe andenyi ya madedo ghake anduangi.

WAEBRANIA 7:26

Niko koni erefwaneghe dipate Mkohani M'baa uko huwo; wa wueli, usewadie ikosa jingi, usene iboli, utanyiro na wakaung'a, na kujoswa ighu kuchumba milungunyi.

WAEBRANIA 4:14

Idana kwa kukaia deko na Mkohani M'baa, uo orengirieghe mlungunyi, Jesu, Mwana wa Mlungu, ndedimazire kuja kurumiria kodu.

WAEBRANIA 5:2

Kwa kukaia uo moni ni mnyonge, wadima kurumaghianya na wandu wisemanyagha, na awo wikosagha.

JOHANE 8:46

Nani konyu udimagha kunishuhudia kukaia neko na kaung'a? Ngera naghora loli kwaki msenirumiriagha?

ISAYA 53:9

Oreboisiroghe kaburi chiaimweri na wawiwi, ukarikwanya chiaimweri na wazuri wa mali; hata ngera nderekudederieghe, na mikalo ingi kuwoneka momunyi kwake anduangi.”

LUKA 22:28

“Ni inyo mduanye nani ngelo rose ra matimo ghapo;

LUKA 4:2

ukitimwa ni Ibilisi. Matuku agho nderejieghe kilambo chingi anduangi; hata iji ghameria kukatia, ukasikira njala.

HOSEA 11:8

“Nidima wada kukuleka ee Israeli? Nidima wada kulegha kukutala? Nidima wada kukubonya sa Adma, angu kukubonyera sa Zeboiimu? Lukundo lwapo cha kwako looka lubaa, nani sidimagha kukubonyera kiwiwi.

KUFUMA 23:9

“Kusemkite mghenyi; oho kwaichi seji wughenyi ghuko, angu korekoghe mghenyi isanga ja Misri.

MATHAYO 12:20

Mrangi ghufashikie ndechaaghuchikanya, na mtambi ghuakagha ndechaaghurimisha hata wameria kubonya hachi isime,

MATHAYO 4:1

Nao Roho ukamghenja Jesu cha kireti, upate kutimwa ni Ibilisi.

WAROMA 8:3

Angu agho ghiseredimikieghe kwa Sharia, kwa kukaia erekoghe isewadie ndighi kwa wundu ghwa mumbi, Mlungu kwa kumduma Mwana wake moni uko na fwana ya mumbi ghwa kaung'a, ukaie kizongona kwa wundu ghwa kaung'a, waitanyire kaung'a mumbinyi.

WAEBRANIA 9:28

huwo koni Kristo, umeria kufunywa indo jimweri uriduke kaung'a ra wengi, uchawoneka indo ja kawi; si kwa wundu ghwa kulwa na kaung'a, ela upate kuwikira awo wose wawuyammbesera kwa kufunga ndighi.