WAEBRANIA 3:9 - Biblia Ilagho Jiboie Kwa Wandu Wose

⁹ iji weke wawa wenyu werenitimieghe, hata ngera wereriwonieghe kazi rapo kwa miaka mirongo ina.

WAEBRANIA 3:9 Referans Kwoze

MABONYO GHA WADUMI 7:36

Ukawifunya na kuwighenja, nyuma ya kubonya mashiniko na weke mwakilimbiti Misri, na Bahari ya Shamu, na kireti kwa miaka mirongo ina.

WUKUMBUSO 4:9

Inyo mlindie, sena mseliwe iro maza muriwonie na meso ghenyu matuku ghose mchaakaia moyo. Murifundishe wana wenyu na weke wawayo

JOSHUA 24:7

Hata iji wanikemia ngangira kira ghadi na ghadi yawo na Wamisri, ngaibonya bahari iwimile Wamisri na kuwifinikira; meso ghawo ghikawona seji nawibonya Wamisri; nenyo mkakaia kireti kwa ngelo ndacha.

WUKUMBUSO 8:4

Nguwo rako nderererashukieghe, hata chwau rako ndererevimbieghe kwa iyo miaka mirongo ina anduangi.

WUKUMBUSO 4:3

Mwawonie na meso ghenyu seji BWANA ubonyere aja Baal-peori;

KUFUMA 19:4

‘Mwawonie seji nerewibonyereghe Wamisri, na seji koni neremdwaeghe sa iji koni indu idwagha vana vake aighu ya mawawa ghake; ngamreda aha kwapo.

MABONYO GHA WADUMI 13:8

Ela uja msawi Elima, (seji uwangwagha Kigriki) ukawitangala ukikunda kujiwunja nyuma irumirio ja uja m'baa wa isanga.

LUKA 7:22

Jesu ukawitumbulia, “Ghendenyi mumghorie Johane malagho agho mwaghiwona na kughisikira; vitungure wapata kuwona kwawo, watighini waghenda, wandu wiko na sima waeleshwa, na awa wifue madu wasikira, na awo wifue warukishwa, na wakiwa wachililwa Ilagho Jiboie.

AMOSI 2:10

Sena neremfunyireghe isanga ja Misri, ngamlongoza kireti miaka mirongo ina, na kumneka isanga ja Waamori.

JOSHUA 23:3

Mwamerie kuwona seji BWANA Mlungu onyu uwibonyere wandu wa iri mbari rose kwa wundu ghonyu, kwa kukaia BWANA Mlungu onyu orekoghe ukimluya wuda.

WUKUMBUSO 29:2

Nao Musa ukawiwanga wandu wose wa Israeli ukawizera: “Mwamerie kuwona mmbeni maza rose BWANA oreribonyereghe kwa mzuri wa Misri, na kwa wadumiki wake, na kwa isanga jake jose.

WUKUMBUSO 8:2

Kumbuka iyo chia yose BWANA Mlungu oremghenjereghe kireti miaka mirongo ina ukimlongoza na kumtima ngera mchaiwadia memu yake angu ngera ndemchaaiwadia.

MITALO 14:33

Wana wenyu wichalisha kireti miaka mirongo ina, nawo wichaja wasi kwa kulegha kurumiria konyu hata mundu onyu wa kutua wasaghia kireti.

KUFUMA 20:22

BWANA ukamlaghira Musa uwizere wandu wa Israeli huwu: “Mwawona mmbeni seji Ini BWANA nadedanya nenyo kufuma mlungunyi.

JOSHUA 5:6

Kwa kukaia wandu wa Israeli werekoghe wikidamba kireti kwa miaka mirongo ina; hata mbari yose, awo wandu wa wuda werefumieghe Misri, wikatota; angu ndewerelusikireghe lwaka lwa BWANA, hata ukaghema angu ndewichaajiwona jija isanga BWANA orewilaghirieghe weke ndee kukaia uchadineka; isanga jinorie na ndighi.

WUKUMBUSO 11:7

Inyo mwamerie kuwona na meso ghenyu kazi mbaa ya BWANA oreibonyereghe.

ZABURI 95:9

Weke ndeyo werenitimieghe aho, wikanipima hata ngera saki werewonieghe kazi rapo.