WAEBRANIA 3:6 - Biblia Ilagho Jiboie Kwa Wandu Wose

⁶ Ela Kristo, orekoghe mloli aighu ya nyumba ya Mlungu sa Mwana. Nesi de nyumba yake, ikakaia daghumazira wuwana ghodu, na kumanga andenyi ya isuwirio jedu.

WAEBRANIA 3:6 Referans Kwoze

2 WAKORINTHO 6:16

Anguu, hekalu ya Mlungu yawadie mapatano gha indoki na milimu? Kwa kukaia isi de hekalu ya Mlungu uko moyo; sa iji koni ughorie, “Nichakaia andenyi kwawo, na kusela aghadi kwawo; nani nichakaia Mlungu wawo, nawo wichakaia wandu wapo.

1 WAKORINTHO 3:16

Welee, ndemmanyire inyo mo hekalu ya Mlungu, na angu Roho wa Mlungu wadakaia andenyi konyu?

1 PETRO 2:5

Nammbeni, sa magho ghiko moyo, muagho kukaia nyumba ya kiroho, wukohani ghwa wueli, ghofunya vizongona va kiroho, virumirikiagha kwa Mlungu kwa chia ya Jesu Kristo.

WAEBRANIA 10:35

Kwa huwo msakeghusigha ugho wuwana ghonyu, angu ghoko na mafungu mabaa.

WAEBRANIA 6:11

Na isi dakunde kula umu onyu uwonyere kufunga ndighi uko koni, kwa kukatisha ijo isuwirio hata kutua.

1 WAKORINTHO 6:19

Wele ndemmanyire mimbi yenyu ni hekalu ya Roho Mweli ukaiagha andenyi konyu, uo mumpatire kufuma kwa Mlungu? Nenyo ndemuko wenyu weni anduangi.

WAEBRANIA 10:23

Ndedimazire uko kurumiria kwa isuwirio jedu, disakenyavurika; angu uo ulaghirie ni mloli.

WAEBRANIA 4:11

Idana isi ndedifunge ndighi kukungia kuja kuhora, eri mndungi usecheghushwa ni kuja kulegha kusikira.

WAEBRANIA 3:14

Angu deko wangara wa Kristo, ikakaia damazira hata kutua kuja kurumiria kodu kwa imbiri, ingelo ighorwagha,

WUFUNUO 3:11

Niacha shwa-shwa, maziria icho kuko nacho, mndungi usechekusoka kirumbu chako.

WAEBRANIA 4:14

Idana kwa kukaia deko na Mkohani M'baa, uo orengirieghe mlungunyi, Jesu, Mwana wa Mlungu, ndedimazire kuja kurumiria kodu.

WAEBRANIA 1:2

Ela agha matuku gha kutua, waghora nesi kwa chia ya Mwana wake; uo oremmbikieghe ukaie mundu wa ifwa ja vilambo vose, na kwa chia yake wori, oreghuumbieghe wurumwengu.

1 TIMOTHEO 3:15

iji nacheleshwa, kukaie kumanyire seji imfwanagha mundu kukaia andenyi ya nyumba ya Mlungu, najo ni ijo ikanisa ja Mlungu uko moyo, iyo nguro na msingi ghwa iyo loli.

WAKOLOSAI 1:23

Elaima yamfwana mduo andenyi ya jija irumirio, mmangishiro, msenyavurikagha, hata kujisigha ijo isuwirio ja Ilagho Jiboie ijo morejisikireghe; najo jachililo kwa kula mundu wurumwengunyi kose, na kwa wundu ghwaro, ini Paulo nawurie mdumiki waro.

MATHAYO 10:22

Mchazamia wandu wose kwa wundu ghwa irina japo. Ela uo uchaarumaghia hata kutua, uchakia.

1 WATHESALONIKE 5:16

Boilonyi matuku ghose,

WAROMA 15:13

Idana uo Mlungu wa isuwirio, ndemchure inyo kuboilwa kose na sere kwa kurumiria, eri mpate kuchulwa ni ijo isuwirio kwa ndighi ra Roho Mweli.

MATHAYO 24:13

Ela uo urumaghiagha hata kutua nuo moni uchaakia.

WUFUNUO 2:25

ela ugho ghoni ghwa inyo kumazira icho muko nacho hata nacha.

WUFUNUO 2:18

“‘Na malaika wa ikanisa ja Thuatira kumuandikie huwu:’ ‘Agha ni malagho gha Mwana wa Mlungu, uo uko na meso sa lumu lwa modo, na maghu ghake ghiko sa shaba izughulo na ndighi.

2 WATHESALONIKE 2:16

Idana Bwana odu Jesu Kristo moni, na Mlungu Aba odu, uo oredikundieghe na kudineka wuhoreshi ghwa ngolo kwa kala na kala, na isuwirio icha, kwa chia ya mvono;

WAROMA 5:2

Uo udiredie kwa irumirio hata dikavikia kughupata ughu mvono dawuyakaia andenyi yaro; nesi daboilwa kwa wundu ghwa ijo isuwirio diko najo jekaia na wungara andenyi ya wubaa ghwa Mlungu.

ZABURI 2:12

Mghoghomekienyi usechejokwa ni machu shwa wori, na kumtotesha chienyi. Warasimilwa awo wose wimkimbiriagha.

1 PETRO 1:8

Inyo mwamkunde, hata ngera ndemumbonie; nenyo hata ngera ndemuwuemmbona idana, mwamrumiria kwa kuboilwa kubaa kuseghorekagha.

WAGALATIA 6:9

Nesi disesilo ni ndighi kubonya nicha, angu dichakuwida kwa ngelo yaro ikavika, iji dakaia disefue ngolo.

WAROMA 11:22

Idana wona wucha ghwa Mlungu na kubia kwake. Wabirie kwa awo wighue, ela ni mucha kwako, ikakaia kwadua andenyi ya ugho wucha ghwake; si huwo, na oho wori kuchadumbulwa wokoni.

MATHAYO 16:18

Nani nakuzera, Oho ko Petro, na aighu ya igho iji, nichajiagha ikanisa japo, hata kifwa ndechichaadima kujisima anduangi.

WAROMA 12:12

Boilonyi andenyi ya isuwirio jenyu, rumaghienyi wasi, lombenyi Mlungu tulituli.

WAGALATIA 6:10

Kwa huwo, diwibonyere wandu wose nicha ngelo diko na wulalo; na kuchumba awo wa kinyumba cha irumirio.

WAEFESO 3:12

nesi deko na wuwana ghongia kwa Mlungu kwa wuing'oni, kwa chia ya irumirio diko najo andenyi ya Kristo.

WAEBRANIA 4:16

Kwa huwo ndedisoghode kaavui na kifumbi cha wughoma kwa wuwana, eri dipate kufuilwa wughoma, na kupata mvono ghoditesia ngelo ghukundikagha.

WAEBRANIA 6:18

eri kwa chia ya agho malagho awi, ilaghiro na ighemi, agho isedimikagha Mlungu ughore tee, isi dikusaghikie nao, didime kukaia na ngolo mbaa ejiwada ijo isuwirio jiwikilo imbiri kodu.

WAEBRANIA 7:19

(angu Sharia ndeeredimieghe kukatisha ilagho jingi); na kwa luwaru lumu isuwirio jiboie kuchumba jaredwa, ijo jididimishagha kumsoghodera Mlungu kaavui.

WAEBRANIA 10:19

Kwa huwu wanidu, deko na wuwana ghongia Andu kwa Wueli kwa bagha ya Jesu;

WAEBRANIA 10:21

Na kwa kukaia deko na mkohani m'baa wa nyumba ya Mlungu,

WAEBRANIA 11:1

Idana irumirio ni kukaia na wuloli ghwa maza rawuyasuwirilwa, ni kukaia na loli putu na maza risewonekie.

1 PETRO 4:17

Angu ngelo yavika kutanywa kuzoe, nako kuazoya kwa wandu wa Mlungu weni; na ikakaia kwazoya nesi, kutua kwaro wandu wisesikiragha ijo Ilagho Jiboie ja Mlungu-lee, kuchakaia wada?

WUFUNUO 2:26

Uo usimagha na kuribonya kazi rapo hata kutua, nichamneka kubonya nguma aighu ya iro mbari,

EZEKIELI 46:10

Wichangianya na m'baa wa isanga, na kufumanya nao.