WAEBRANIA 3:18 - Biblia Ilagho Jiboie Kwa Wandu Wose

¹⁸ Na awo orewighemiagha kukaia ndewichaangia kuhorenyi kwake ni wiao, iseeka ni waja weni werekoghe wisesikiragha?

WAEBRANIA 3:18 Referans Kwoze

WAEBRANIA 4:6

Idana kwa kukaia weko wamu wichaangia, na waja werezoeghe kuwusa ijo Ilagho Jiboie walemelo ni kungia angu wileghie kusikira,

MITALO 14:30

ndeuko mndungi uchaavika ijo isanga andu nerelaghirieghe mchakaia; ela Kalebu mwana wa Jefune na Joshua mwana wa Nuni weni.

MITALO 20:12

BWANA ukawizera Musa na Haruni, “Kwa kukaia msenirumirie, nenyo mwalemwa kunikuma imbiri ya wandu wa Israeli, ndemchaajingira iji ikwanyiko kwa ijo isanga niwinekie.”

WAEBRANIA 4:2

Angu Ilagho Jiboie jereredeloghe kodu, sa iji koni jereghenjeroghe kwawo; ela agho malagho wereghisikireghe wikaghisowia fwaida, kwa kukaia ndewereghiwusireghe kwa irumirio anduangi.

WAEBRANIA 3:11

Nani ngajokwa ni machu ngaghema, ‘Najingi ndewichaangia kuhorenyi kwapo anduangi.’”

WUKUMBUSO 9:23

Hata iji BWANA oremdumieghe kufuma Kadesh-barnea ukimzera mjoke mjiwuse ijo isanga umnekie moreleghieghe malaghiro gha BWANA Mlungu onyu, mkalegha kumrumiria hata kumsikira lwaka lwake.

MITALO 14:11

BWANA ukamzera Musa, “Awa wandu winimenya hata lii? Widua wisenirumirie hata lii kunughana na awa weke mwakilimbiti wose nibonyere aghadi kwawo?

MITALO 14:23

ndewichaajiwona ijo isanga nerelaghirieghe kuwineka weke ndee; mndungi wa awo unimenyere, ndechaajiwona anduangi.

MITALO 14:37

Wikabwaghwa ni BWANA kwa saka ya ngawawi.

ZABURI 78:22

kwa kukaia ndewerekoghe na irumirio kwake hata ndewererirumirieghe ndighi rake rekira anduangi.

JOHANE 3:36

Uo umrumiriagha Mwana oko na irangi ja kala na kala, ela uo usemsikiragha Mwana, ndechaapata irangi anduangi, ela machu gha Mlungu ghiadua aighu kwake.

WAROMA 11:30

Na sa iji koni morekoghe msemsikiragha Mlungu aho imbiri, ela idana mwafuilo wughoma kwa wundu ghwa kulegha kwawo;

WAEBRANIA 4:11

Idana isi ndedifunge ndighi kukungia kuja kuhora, eri mndungi usecheghushwa ni kuja kulegha kusikira.