WAEBRANIA 2:17 - Biblia Ilagho Jiboie Kwa Wandu Wose

¹⁷ Kwa huwo, eremfwaneghe ufwananisho na waruna kwa kula chia, eri upate kukaia Mkohani M'baa uwadie wughoma, na uko mloli kwa wudumiki ghwa Mlungu, na kulipia kaung'a ra wandu.

WAEBRANIA 2:17 Referans Kwoze

WAEBRANIA 4:14

Idana kwa kukaia deko na Mkohani M'baa, uo orengirieghe mlungunyi, Jesu, Mwana wa Mlungu, ndedimazire kuja kurumiria kodu.

WAEBRANIA 2:14

Idana kwa kukaia awo wana ni wandu wiko na nyama na bagha, huwo koni Jesu orewusireghe fwana tiki ya kidamu, eri kwa chia ya kifwa, upate kumtotesha uo uko nandighi ra kifwa, uo Ibilisi;

WAEBRANIA 7:26

Niko koni erefwaneghe dipate Mkohani M'baa uko huwo; wa wueli, usewadie ikosa jingi, usene iboli, utanyiro na wakaung'a, na kujoswa ighu kuchumba milungunyi.

WAROMA 5:10

Ikakaia iji derekoghe wamaiza derepatanishiroghe na Mlungu kwa kifwa cha Mwana wake, kuchumba nandighi idana nyuma ya kukundanishwa, dichakirwa kwa irangi jake.

WAEBRANIA 2:11

Angu uo ueleshagha, na awo wieleshwagha, weefuma kwa Ndee umweri. Kwa wundu ugho niko Jesu usefwagha waya kuwiwanga waruna

DANIELI 9:24

“Miaka mirongo mfungade mando mfungade ni ngelo iwikilo ewifungua wandu wako na muzi ghwako ghwa wueli wifume kaung'enyi na wuwiwinyi. Kaung'a ichalekwa, na hachi ya kala na kala kumangishwa, mawono na wulodi ghipate kukatia, na kumshinga mavuda uo Mweli.

WAEBRANIA 3:5

Na Musa orekoghe mloli andenyi ya nyumba yose ya Mlungu sa mdumiki, upate kushuhudia maza rechaadedwa konyuma ni Mlungu.

WAKOLOSAI 1:21

Na inyo ngelo rimu morekoghe kula na Mlungu, mkikaia wamaiza wake, kwa wundu ghwa mabonyo na maririkanyo ghenyu ghizamie.

WAEBRANIA 7:28

Loli Sharia yawiwika wandu wiko na wunyonge wikaie wakohani wabaa, ela ilaghiro jibonyero kwa ighemi, najo jerechieghe nyuma ya Sharia, jammbika Mwana uo ukatishiro kwa kala na kala.

WAEFESO 2:16

Ukadipatanisha na Mlungu isi diwose andenyi ya mumbi ghumweri kwa chia ya msalaba, na huwo ukameria kuja kusuana.

WAROMA 15:17

Niko huwu, nadima kukukasa kwa wudumiki ghwapo andenyi ya Kristo Jesu kwa wundu ghwa Mlungu.

WALAWI 8:15

Nao Musa ukaibwagha, ukawada bagha na chala chake ukarishinga rija mbembe inya ra madhabahu na kuielesha; ukadia bagha nandonyi ya madhabahu na kuiwika wakfu ipate kukaia ereda mapatano.

WAEBRANIA 3:2

Uo orekoghe mloli kwa uo oremmbikieghe, sa iji koni Musa orekoghe mloli andenyi ya nyumba ya Mlungu.

EZEKIELI 45:20

Ituku ja mfungade ja ugho mori, kuchabonya wokoni, kwa wundu ghwa mundu uo ose ubonyere kaung'a kwa makosa angu kwa kusowa kumanya; na huwo kuchaielesha Hekalu.

EZEKIELI 45:17

Ichakaia kazi ya m'baa wa isanga kufunya vizongona vekora, vizongona va viro, na vizongona venywa ndimenyi ra Mori Lukombe, na Sabato, na ndima rose rilaghirilo ra wandu wa Israeli. Uchafunya vizongona kwa wundu ghwa kaung'a, vizongona va viro, vizongona vekora, na vizongona va mapatano, upate kubonya wukomboli kwa wundu ghwa wandu wa Israeli.”

EZEKIELI 45:15

Ng'ondi imweri kwa kula chagha cha ng'ondi maghana awi kufuma kwa nyumba ra wandu wa Israeli. Iri richatumilwa kwa wundu ghwa vizongona va viro, na vizongona vekora, na vizongona va mapatano, huwo niko kuchaabonya wukomboli kwa wundu ghwawo, ini Bwana MLUNGU naghamba.

ISAYA 11:5

Hachi ichakaia sa mkowa ghofunga kiwonu chake, na wuloli sa mkowa kiwonunyi kwake.

2 MALAGHO GHA NGELO 29:24

Wakohani wikaribwagha, wikafunya kizongona kwa wundu ghwa kaung'a kwa kudia bagha yaro aighu ya madhabahu, kukaia wupatanisho kwa wundu ghwa wandu wose wa Israeli. Angu mzuri orefunyireghe momu kukaia, kizongona chekora na kizongona kwa wundu ghwa mapatano chifunyo kwa wundu ghwa wandu wose wa Israeli.

WALAWI 6:30

Ela kizongona chingi chafunywa kwa wundu ghwa kaung'a, na bagha yaro ikaredwa andenyi ya Hema ekwania, kubonya mapatano kwa wundu ghwa kaung'a andenyi ya Andu Kwa Wueli, nyama raro risejigho; richakorwa kwa modo.”

WALAWI 14:18

Niko uchamshinga agho mavuda ghasigharika luinyi aighu chongonyi kwake; na mkohani uchabonya wupatanisho kwa wundu ghwake imbiri ya BWANA.

WALAWI 16:16

Kwa chia iyo, uchaelesha aja Andu kwa Wueli Kuchumbie kufumanya na kulua kwa wandu wa Israeli, makosa ghawo, na kaung'a rawo rose. Uchabonya huwo koni kwa wundu ghwa iyo Hema ekwania ikaiagha ghadi na ghadi ya Waisraeli wiseelie.

MITALO 15:25

Na mkohani uchabonya wupatanisho kwa wundu ghwa izungu jose ja wandu wa Israeli, nawo wichafuilwa wughoma kwa kukaia wedechumbwa wikabonya ikosa kuseko kukunda, nawo wareda kizongona chawo chekora na kizongona cha viro kwa BWANA kwa wundu ghwa kaung'a.

WAEBRANIA 2:16

Angu uo loli nderechieghe kwa wundu ghwa weke malaika, ela odecha kwa wundu ghwa kivalwa cha Abrahamu.

WAEBRANIA 3:1

Kwa huwu wanidu waeli, wangara wa uko kuwangwa kwa mlungunyi, mririkanyenyi Jesu, uo mdumi na Mkohani M'baa wa kurumiria kodu.

WAEBRANIA 4:15

Angu uo Mkohani M'baa diko nao, ndedimagha kulemwa ni kuwadwa ni wughoma kwa wundu ghwa wunyonge ghodu anduangi; ela uo oretimiloghe kwa kula chia seji koni dawuyatimwa, ela nderebonyereghe kaung'a anduangi.

WAEBRANIA 5:1

Angu kula Mkohani M'baa usaghulo aghadi ya wandu, oowikwa umdumikie Mlungu wulalo ghwa wandu, upate kufunya mafunyo na vizongona kwa wundu ghwa kaung'a.

WAEBRANIA 5:2

Kwa kukaia uo moni ni mnyonge, wadima kurumaghianya na wandu wisemanyagha, na awo wikosagha.

WAEBRANIA 5:5

Huwo koni, Kristo nderewusireghe ijo ishima jebonywa Mkohani M'baa kwa kukujosa moni anduangi, ela orewikiloghe ni Mlungu uo oremzerieghe, “Oho ko Mwana wapo nakuva idime.”

WAEBRANIA 5:10

nao ukawikwa ni Mlungu ukaie Mkohani M'baa kwa kunughishira wukohani ghwa Melkizedeki.

WAEBRANIA 6:20

andu Jesu uzoe ukakiria na kungia kwa wundu ghodu, uendawuya Mkohani M'baa wa kala na kala, kwa kunughishira wukohani ghwa Melkizedeki.

WAEBRANIA 8:1

Idana ilagho jeni kwa agho dawuyaghora ni iji: deko na Mkohani M'baa ufwane huwo; uo uko kidombo chia ya mkonu ghwa kiwomi ghwa kifumbi cha nguma cha Wubaa mlungunyi,

WAEBRANIA 8:3

Kula Mkohani M'baa wadawikwa kwa kazi efunya manosi na vizongona, nao moni wori, suti ukaie na kindo chimu chefunya.

WAEBRANIA 9:11

Ela Kristo uendacha, uo sa Mkohani M'baa wa maza ndicha richee, kwa chia ya ija hema mbaa ikatie kuchumba (isebonyero kwa mikonu, kutambua kwaro iseko ya kuumbwa uku),

WAEBRANIA 10:21

Na kwa kukaia deko na mkohani m'baa wa nyumba ya Mlungu,