WAEBRANIA 2:14 - Biblia Ilagho Jiboie Kwa Wandu Wose

¹⁴ Idana kwa kukaia awo wana ni wandu wiko na nyama na bagha, huwo koni Jesu orewusireghe fwana tiki ya kidamu, eri kwa chia ya kifwa, upate kumtotesha uo uko nandighi ra kifwa, uo Ibilisi;

WAEBRANIA 2:14 Referans Kwoze

2 TIMOTHEO 1:10

Na idana, mvono ugho ghwawonekie worinyi kwa chia ya kuwoneka kwa Mkiri odu Kristo Jesu, uo uinjire kifwa na kureda irangi jisefwagha mwengerenyi kwa chia ya ijo Ilagho Jiboie.

WAROMA 8:3

Angu agho ghiseredimikieghe kwa Sharia, kwa kukaia erekoghe isewadie ndighi kwa wundu ghwa mumbi, Mlungu kwa kumduma Mwana wake moni uko na fwana ya mumbi ghwa kaung'a, ukaie kizongona kwa wundu ghwa kaung'a, waitanyire kaung'a mumbinyi.

WAKOLOSAI 2:15

Nao ukawisoka ndighi rawo awo wabaa wa ndighi ra kira, na pepo ribonyagha nguma, ukawibonya wiwoneke worinyi kukaia si kilambo chingi; ukizuma aighu yawo kwa ugho msalaba.

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

HOSEA 13:14

Nichawikira awandu na wurumwengu ghwa wafu; nichawikombua na ndighi ra kifwa. Ee kifwa luvia lwako loko hao? Sichaakaia na wughoma ghungi,

ISAYA 25:8

Bwana MLUNGU uchachiinja kifwa kwa kala na kala, nao uchariaghia mbori rose mesonyi kwawo, na kughiinja masholio gha wandu wake ndoenyi kose; kwa kukaia BWANA wajighora ilagho iji.

WAEBRANIA 9:15

Kwa huwo, Jesu nuo mpatanishi wa ijo ilaghano iwishi; eri awo wiwangilo, wipate kujiwusa ijo ifwa ja kala na kala jilaghirilo; kwa kukaia kifwa chapatikie, icho chiwikombuagha wandu kufuma makosenyi ghaja gherebonyeroghe ngelo ya ilaghano ja imbiri.

1 WAKORINTHO 15:50

Na ini niamghoria wanidu, nyama na bagha nderidimagha kughupata ifwa ghuja wuzuri ghwa Mlungu; hata icho chiwoagha ndechidimagha kupata ifwa ja icho chisewoagha anduangi.

WUFUNUO 1:18

uo uko moyo. Nerefueghe, nani hoku neko moyo kwa kala na kala; nani nawadie mifunguo ya kifwa na Andu kwa Wafu.

WAROMA 14:9

Kwa wundu ughu Kristo orefueghe na kukaia moyo sena; eri ukaie Bwana wa awo wifue na wa awo wiko moyo wori.

ISAYA 53:12

Kwa huwo nichammbaghia ifungu jake chiaimweri na wabaa, nao uchawaghanya vilambo uvidwae wunyika, chiaimweri na awo wiwadie ndighi; angu orefunyireghe irangi jake hata kifwa, na kutalwa andwamweri na wakosi; ela oredukieghe kaung'a ra wandu wengi, na kuwilombia wakosi.”

WAEBRANIA 2:18

Na kwa kukaia uo moni watiririlo na kutimwa, wadima kuwitesia awo witimwagha.

WUFUNUO 2:10

Kusakeobua agho matiriro ghichaakuchea. Olenyi wamu wenyu mwalighisa kungirwa kifungonyi ni Ibilisi, upate kumtima; nenyo mchatirirwa matuku ikumi. Kukaie mloli hata kufwa, nani nichakuneka kirumbu cha irangi.

WAEBRANIA 4:15

Angu uo Mkohani M'baa diko nao, ndedimagha kulemwa ni kuwadwa ni wughoma kwa wundu ghwa wunyonge ghodu anduangi; ela uo oretimiloghe kwa kula chia seji koni dawuyatimwa, ela nderebonyereghe kaung'a anduangi.

WAGALATIA 4:4

Ela iji ngelo yakatia, Mlungu oremdumieghe Mwana wake ukavalwa ni muka, nao orevaloghe aisi ya Sharia,

JOHANE 12:24

Namghoria loli, ngera mbeu ya ngano isepotokagha andonyi na kufwa, ichakaia cheni iekeri, ela ikafwa ichava viro vingi.

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

WUFUNUO 20:2

Nao ukaiwada ija choka, iyo choka ya kala, nao ni uo Ibilisi na Shetani, ukamfunga miaka elfu,

WUFUNUO 12:9

Na iyo choka mbaa ikapotolwa, iyo choka ya kala, iyo iwangwagha Ibilisi na Shetani, uo mkalii wa wurumwengu ghose; nao ukapotolwa andoenyi chiaimweri na weke malaika wake.

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.

MATHAYO 25:41

“Niko aho uchawizera waja wiko kwa mkonu ghwake ghwa kiwaka, ‘Fumenyi kwapo inyo mmbwasiro njowe, mwende kwa modo ghwa kala na kala ghoreboisiroghe uo Ibilisi na weke malaika wake;

ISAYA 7:14

Kwa huwo, Bwana moni uchamneka alama. Ola, mwai uchakaia na kifu, uve mwana wa womi, na irina jake uchawangwa Immanueli.

MATHAYO 16:17

Jesu ukaghamba, “Kwarasimilwa oho Simoni mwana wa Jona, angu si mdamu ungi wakutambushira wuloli ughu anduangi, ela ni Aba uko mlungunyi wakufunukuya.

1 WAKORINTHO 1:28

Mlungu oresaghueghe ivo vilambo va ndonyi vimenyekie wurumwengunyi, hata ivo vilambo vigheshwagha kukaia si kilambo chingi, upate kuviinja ivo vilambo viko;

WAEBRANIA 2:17

Kwa huwo, eremfwaneghe ufwananisho na waruna kwa kula chia, eri upate kukaia Mkohani M'baa uwadie wughoma, na uko mloli kwa wudumiki ghwa Mlungu, na kulipia kaung'a ra wandu.

WAEBRANIA 10:5

Kwa wundu ghwa agho, Kristo uendacha wurumwengunyi, oreghambieghe huwu, “Oho ndekorekoghe na haja ya vizongona na mafunyo ghangi, ela koreniboisireghe mumbi.

WAEBRANIA 10:10

na kwa ulo lukundo lwa Mlungu, damerie kueleshwa kwa chia ya kufunywa kwa mumbi ghwa Jesu Kristo ijo indo jimweri tua.

1 PETRO 1:20

Nao oresaghuloghe imbiri wurumwengu ghuseumbilo, ela oochawoneka worinyi ngelo ra kutua kwa wundu ghonyu.