WAEBRANIA 2:11 - Biblia Ilagho Jiboie Kwa Wandu Wose

¹¹ Angu uo ueleshagha, na awo wieleshwagha, weefuma kwa Ndee umweri. Kwa wundu ugho niko Jesu usefwagha waya kuwiwanga waruna

WAEBRANIA 2:11 Referans Kwoze

WAEBRANIA 10:14

Angu kwa uko kukufunya indo jimweri, wawikatisha kwa kala na kala awo wieleshwagha.

WAEBRANIA 10:10

na kwa ulo lukundo lwa Mlungu, damerie kueleshwa kwa chia ya kufunywa kwa mumbi ghwa Jesu Kristo ijo indo jimweri tua.

JOHANE 20:17

Jesu ukamzera, “Kusakeniwada, angu sijokie kande kwa Aba, ela ghenda kwa wanidu kuwighorie niajoka kwa Aba na Aba onyu; kwa Mlungu wapo na Mlungu onyu.”

WAEBRANIA 13:12

Huwo koni Jesu oretiriroghe mbengenyi cha shighadi, upate kuwielesha wandu kwa chia ya bagha yake moni.

WAROMA 8:29

Awo orewimanyireghe kufuma imbiri, orewisaghueghe wipate kufwanana na Mwana wake moni, eri Mwana upate kukaia wa imbiri kuvalwa aghadi ya wanidu wengi.

JOHANE 17:19

na kwa wundu ghwawo, nakuwika ini moni kwako, eri nawo weni wibonyo kukaia wako weni kwa iyo loli.

JOHANE 17:21

Aba, nalomba angu wose wikaie kindo chimweri andenyi kodu; seji oho Aba kuko andenyi kwapo, na ini andenyi kwako. Nawo wikaie kindo chimweri, wurumwengu ghupate kurumiria angu ni oho korenidumieghe.

MATHAYO 25:40

Aho mzuri uchawitumbulia, ‘Namghoria loli, iji morewibonyereghe awo wanidu watini, modenibonyera ini moni.’

WAEBRANIA 2:14

Idana kwa kukaia awo wana ni wandu wiko na nyama na bagha, huwo koni Jesu orewusireghe fwana tiki ya kidamu, eri kwa chia ya kifwa, upate kumtotesha uo uko nandighi ra kifwa, uo Ibilisi;

WAGALATIA 4:4

Ela iji ngelo yakatia, Mlungu oremdumieghe Mwana wake ukavalwa ni muka, nao orevaloghe aisi ya Sharia,

MABONYO GHA WADUMI 17:26

Nao orebonyereghe mbari ra wandu kufuma kwa mundu umweri, wikaie ndoenyi kose; nyuma ya kuwika ngelo na mano ya andu kwawo kokaia;

WAEBRANIA 11:16

Ela seji iko, weekunda isanga jiboie kuchumba, najo ni ja mlungunyi. Kwa huwo, Mlungu ndewonagha waya ghungi iji wakammbanga Mlungu wawo, angu wawiboisire muzi.

MARKO 8:38

Angu uo uchaaniwonia waya ini na malagho ghapo, kwa kivalwa ichi cha kulaka na kaung'a, Mwana wa Mdamu wori uchammbonia waya, kasikira wacha na wubaa ghwa ndee, andwamweri na weke malaika wielie.”

MATHAYO 28:10

Jesu ukawizera, “Msakeobua, ghendenyi muwighorie wanidu wighende Galilaya, na aho wichaniwona.”

MABONYO GHA WADUMI 17:28

angu, ‘Andenyi kwake uo, dakaia moyo, dikisela-sela, na kudua;’ sa iji koni wadungi chumbo wamu wenyu wighorie, ‘Isi loli deko wana wake.’

LUKA 9:26

Angu uo ose uchaaniwonia waya ini na malagho ghapo, Mwana wa Mdamu uchammbonia waya wokoni kasikira wacha na wubaa ghwake, na wubaa ghwa Ndee, na ghwa weke malaika wielie.

MARKO 3:34

Aho ukawizighana awo weremmarieghe chia rose, ukaghamba, “Zighanenyi! Awa niwo mao na wanidu.

WAEBRANIA 3:1

Kwa huwu wanidu waeli, wangara wa uko kuwangwa kwa mlungunyi, mririkanyenyi Jesu, uo mdumi na Mkohani M'baa wa kurumiria kodu.